A vosa vakatautauvata ni dauniyau tawa dodonu, 1 -13. Sa vunauci ira na Farisi ko Jisu, 14 - 18. Sa tukunia na tamata vutuniyau kei Lasarusa, 19 - 31. 18

1 E qai tukunia vei ira e dua na vosa vakatautauvata me baletia na bibi ni nodra masu tiko lia me ra kua ni soro koso. 2 e kaya: "E tiko ena dua na koro e dua na turaga ni lewa e yali ni rerevakia na Kalou, e yali vokilia ni doka na tamata. 3 E tiko vokilia ena koro koya e dua na yada e dau lai tukunia tiko vua, 'Au vinakatia me tauvidodonu na lewa vei koya e via vilewaitaki au tiko.' 4 Dua toka na gauna nona yali ni via kauwai ena turaga ni lewa, e muri sa qai tukunia e lomana, 'Au yali ni rerevakia na Kalou, au yali voki lia ni doka e dua na tamata, 5 ni sa rui visosataki au na yada koya au na raicia me tauvua na lewa dodonu, de qaiqai au na ciba voki lia ena levu ni nona vei vasosataki. 6 E qai tukunia na Turaga: 'E yali ni turaga yalododonu na turaga ni lewa, ia rogocia na ka e kaya!. 7 Me na qai yali vacava ni raicia na Kalou me caka na lewa dodonu vei ira nona digitaki era tagi vua ena siga kei na bogi?. 8 Au tukunia vi kemunu, ena raicia me tau vatotolo vei ira na lewa dodonu. Ia ni yaco mai na luveni tamata, ena raicia e vuravura na vakabauta koya? 9 Sa qai cavutia voki lia na vosa vatautauvata koya vei ira eso era nanumia ni ra yalododonu; ra beci ira na vo ni lewe ni vanua. 10 "E rau qai cake ena valenisoro e rua na tagane me rau lai masu, e dua na Farisi kei na dua na dau kumunia na i vacavacava. 11 E tucake na Farisi qai masu lo ni tukunia, "kemunu na Kalou vavinavinaka vei kemunu niu yali ni vataki ira na so, era dau kocokoco, era yali ni yalododonu, era dau vibutakoci, seu vataki koya na dau kumunia na i vacavacava koya. 12 Au lolo va rua ena dua na macawa, au solia nai katini ni ka kece au rawatia 13 E duri tu mai na dau kumunia na vacavacava, e yali mada lia ni tacake i lomalagi. E tavia tiko lia na sarena, e tukunia, kemunu na Kalou, ni lomani au niu tamata i valavala ca.

14 Au tukunia vei kemunu, e vadonui na tagane koya ni qai sobu i nona vale, e yali ni vadonuya na Farisi. NI o koya e vacerecerei koya ena valolovirataki, o koya e vamalumalumutaki koay ena vacerecerei. 15 Era yadia ira voki lia yani na gone dramidrami vua me tarai ira, ia ni ratou raicia ke na tisapeli, ratou qai cudruvi ira mai. 16 Ia e tukunia lia o Jisu mera na yadia yani vua na gone dramidrami, e tukunia: "Daini ira na gonelailai, me ra qai mai vei au dou kua ni tarovi ira, ni o ira koya e nodra na matanitu ni Kalou. 17 Au tukunia vadodonu vei kemunu, o koya e yali ni ciqomia na matanitu ni Kalou me vaka edua na gone lailai, ena yali sara ni curu kinia." 18 E qai tarogi koya e dua na i liuliu "qasenivuli vinaka, na cava meu cakava meu bula tawa mudu kinia?". 19 Kaya vua o Jisu: "Na cava o tukunia kina niu vinaka? Yali ni dua e vinaka na Kalou lia. 20 O kila vinaka nai vunau, "Mo kua ni vibutakoci, kua ni laba, kua ni butaka, kua ni bubului lasu, mo rokovi tamamu kei tinamu." 21 E qai tukunia: "Na ka kece koya au se caka makawa mai niu se gone." 22 NI rogocia o JIsu, e qai tukunia vua: " E dua na ka o sega ni cakava: Lai volitakia na ka kece e tu vi konu, solia na kena i lavo vi ira na dravudravua, o na qai va i yau mai lomalagi, oti mo muri au." 23 Ni rogocia, e dua na ka nona rarawa ni rui vutuniyau. 24 E raicia o Jisu qai tukunia: "Ena dredre sara vei ira na vailavo mera curu ina Matanitu ni Kalou!. 25 Ena rawarawa cake vua na kameli me curumia na matanicula, ena dredre vua na vutuniyau me curu ina matanitu ni Kalou." 26 Era tukunia na rogocia na vosa koya: "Ena dua e bula rawa?". 27 E kaya: "Na ka e dredre vua na tamata e rawarawa vua na Kalou." 28 Ia e qai tukunia o Pita: "Raicia! Kitou sa dania na ka e neitou me kitou muri kemunu." 29 Mani tukunia vei ira: "Au tukunia vakadodonu vei kemunu, e yali ni dua e biuta na vale se watina, se tacina, se nona i tubutubu, se luvena ena vu ni Matanitu ni Kalou. 30 Me na yali ni valevutakia voki lia vua ena gauna koya, ena bula tawamudu voki lia ena gauna se bera mai." 31 E yadi ratou vatikitiki na le tinikarua qai tukunia vei ratou: 'Tou sa qai cake tiko koya i Jerusalemi me na lai vayacori kinia na ka kece era a vola na parofita me baletia na luve ni tamata. 32 Kena i varaitaki, ena soli o koya vei ira na kai vimatanitu, era na valialiai koya, era na beci qai kasiviti koya. 33 Ni ra kuitaki koya oti, era na qai vamatei koya, ia ena tucake voki lia ena i ka tolu ni siga. 34 Ia eratou yali ni tauria rawa na i balebale ni ka kece lia koya, e vunitakia vi iratou, eratou yali kinia ni taura na ka e cavuti. 35 Ni volekati Jeriko yani o Jisu, e dabe toka e batinisala e dua na daukerekere ka mataboko. 36 NI rogocia nodra mawe na lewenivanua, e mani vaqaqa se cava ya. 37 Era qai tukunia vua: " Sa qai ya o Jisu na kai Nasereci!". 38 Ni rogocia, sa qai kaci yan: "Jisu, na Luvei Tevita, ni lomai au!". 39 Era karaci koya na liu tiko me tikolo, ia sa qai rogolevu ga na domona: "Luvei Tevita, ni lomani au". 40 E tu va dua o Jisu qai tukunia me ra yadi koya yani vua. Ni voleka yani, e qai tarogia o Jisu: 41 "Na cava o vinakatia meu cakavia vei konu?" E saumia: "Turaga, meu baru rai mada lia. 42 Sa qai tukunia vua o Jisu mo rai sa vabulai iko na nomu vakabauta". 43 E rai ena gauna vata lia koya, mai muri Jisu sara yani qai valagilagia na Kalou. Ni ra raicia na lewenivanua, era va caucautakia voki lia na Kalou.