Sa vavulici ira na nona tamata ko Jisu, e na i loloma, 1 - 4; e na masu, 5 - 15; e na lolo, 16 - 18. Sa varota me ra kakua ni daulomana na ka vavuravura, 19 - 23; se lomaocaoca, 24 - 34. 7
1
Dou kakua ni daulelewa, de dou lewai.
2
Ia na lewa, dou na kitaka, dou na lewai kinia: kei na vakarau dou sa vkarautakia, ena vakarautaki lia tale vi kimudou.
3
Ia ka vavei, ni ikonu sa raicia, na malamala e na mata ni wekamu, ka ko sa yali ni naumia na kau e matamu?
4
Se ko na kaya vavei vua na wekamu, Me'u leuta mada na malamala mai na matamu; ka raicia, sa tu e matamu na kau?
5
Na dau vivakaisini, mo cavuta mada eliu na kau mai na matamunu; ia ko na qai raicia vinaka mo leuta na malamala mai na mata ni wekamu.
6
Dou kakua ni solia na ka tabu vei ira lia na koli, se dainia na nomudou mata-ni-civa e matadra na vuaka, de ra butukia sobu e yavadra, ka vuki mai ka basuraki kimudou.
7
Dou kerekere, ka na soli vi kimudou: dou vasaqara ka dou na kunea; dou tukituki, ka na dolavi voki lia vi kimudou.
8
ni sa rawatia ko konu yadra sa kerekere;ka sa kunea ko ikonu sa vasaqara ka na dolavi lia vua sa tukituki.
9
Se ko cei lia vi kimudou, kevaka e kere madrai na luvena, ena solia vua e dua na vatu?
10
se kere ika, ena solia vua e dua na gata?
11
Ia kevaka dou sa kila koi kimudou na tamata ca, mo dou solia na ka vinaka vei ira na luvemudou; sa na gu valevu cake, me solia na veika vinaka na Tamamudou mai lomalagi vei ira voki lia sa kerekere vua.
12
O koya, na ka vaaduaga, dou sa vinakatia me ra kitaka lia vi kimudou na tamata, dou kitaka vaka voki lia vei ira; ni sa va koya na vunau kei ira na parofita.
13
Dou curu ki na matamata ni koro qiqo: ni sa lalaga na matamata-ni-koro, ka rabailevu na sala, sa basika kinia ki na rusa, a ra sa lewe vuqa sa curu kinia;
14
ni sa qiqo na matamata-ni-koro, ka rabalailai na sala, sa basika kinia ki na bula, a ra sa lewe lailai sa kunea.
15
Ia dou qarauni kimudou vinaka maivei ira nai vavuvuli vailasu, era sa qai mai vi kimudou ka vaisulu lia va sipi, a ra sa wolifa daukata e lomadra.
16
Dou na kilai ira lia e na vuadra, Sa veti li na vua-ni-vaini mai na co- vavotona, se na lolo mai na soni?
17
sa vakakinia sa vuataka na vua vinaka na kau vinaka kecega, a sa vuataka na vua ca na kau ca.
18
E yali na kau vinaka me vuataka rawa na vua ca, se na kau ca me vuataka rawa na vua vinaka.
19
Na kau vaadua lia sa yali ni vuataka na vua vinaka sa ta laivi. ka dai ki na bukawaqa.
20
E dina lia, dou na kilai ira e na vuadra.
21
Ena yali ni curu ki na matanitu valomalagi ko ira kece lia sa tukunia vei au, Turaga , Turaga; ko koya lia sa cakava na loma i Tamaqu sa tiko lia mai lomalagi.
22
Era na lewe vuqa ena tukunia vei ikonu e na siga koya, Kemuni na Turaga, na Turaga, kimami sa yali lia ni vavuvulia e na yacamunu? ka vasevi ira na tevoro e na yacamunu? ka kitaka na cakacaka mana e vuqa e na yacamunu?
23
Ia ka'u na qai tukunia vei ira, Au sa yali sara ni kilai kimudou; dou lako tani vei au, koi kimudou sa daukitakia nai valavala ca.
24
Ia ko koya yadua sa rogocia na noqu vosa koya, ka cakava, ka'u na vatautauvatakia kei na tamata vuku, sa tara na nona vale e na dela ni vatu:
25
a sa tau mai na uca, ka coka lia mai na dobui, ka liwa na cagi, ka tabaka lia na vale ko ya; a sa yali ni bale: ni sa tauyavutaki voki lia e na vatu.
26
Ia ko koya yadua sa rogocia na noqu vosa koya? ka yali ni cakava, ena tautauvataki lia kei na tamata lialia, sa tara na nona vale e na dela ni nuku.
27
a sa tau mai na uca, ka coka mai na dobui, ka liwa voki lia na cagi, ka tabaka na vale ko ya; a sa bale kinia: ia na ka levu lia na kena bale.
28
A sa yaco, ni sa tinia lia na nona vosa koya o Jisu, era sa kurabui sara na lewe vuqa e na nonai vavuvuli.
29
Ni sa vatavulici ira voki lia me vaka e dua na sa tu lia vua na lewa, ka yali ni vataki ira na nodra vu-ni-vola.