Sa matalia na yago i Jisu, a sa sikavotu vua ko Mosese kei Ilaija, 1 -13. Sa vabula ko koya e dua na tauvimate era a dredreta na tsiapeli, 14 - 21. A sa vatakila na nona mate vei ira na tisapeli, 22,23. Sa ia na soli ki na vale ni Kalou, 24 - 27.
1
Sa bogi ono sa qai yadi Pita kei Jemesa, kei Joni na tacina, ko Jisu, a sa yadi iratou vatikitiki ki na dua na ulu-ni-vanua cecere.
2
A sa matalia na yagona e matadratou; a sa serau na matana me vaka na mata-ni-siga, ka sa vulavula mai na nonai sulu me vaka na rarama.
3
Ka raicia, sa sikavotu vei iratou ko Mosese kei Ilaija, a ratou sa veivosaki kaya.
4
Sa qai vosa ko Pita, ka tukunia vei Jisu, Na Turaga, sa vinaka na nodatou tiko eke: kevaka ko ni sa vinakatia, me keitou tara eke e tolu na vale vacevaceva; e dua me nomunu, ka dua me nei Mosese, ka dua me nei Ilaija.
5
Ni sa vosa tiko ko koya, raicia, sa dua na o lumilumisa sa varurugi iratou: ka raicia, sa rogo e dua na vosa mai na o, sa tukunia, Oqo na noqu Gone ni toko, au sa dau vinakatia valevu; dou varogoci koya.
6
Ia ni ratou sa rogocia na tisapeli, eratou sa cuva vatoboicu ka ra sa rere valevu.
7
A sa qai mai ko Jisu ka tarai iratou, ka tukunia, Tu cake, ka kaua ni rere.
8
Ia ni ratou sa ta cake, eratou sa yali ni raicia e dua tale, ko Jisu duadua lia.
9
Ia ni ratou sa qai sobu tiko mai na ulu-ni-vanua, sa varota vei iratou ko Jisu, ka tukunia, Kakua ni tukuna vua e dua na veika sa rairai, ka malua me tu cake tale mai na mate na Luve ni tamata.
10
A sa tarogi koya ko iratou na nona tisapeli, ka tukunia, A cava era sa tukuna kinia na vu-ni-vola ni sa dodonu me liu mada mai ko Ilaija?
11
A sa vosa ko Jisu, ka tukunia vei iratou, Sa qai dina mada mai ko Ilaija, me vukicia na ka kece me vinaka tale.
12
Ia kau sa tukuna vei kodou, Sa take eke ko Ilaija, a ra sa yali ni kilai koya, a ra sa kitakia vua na kece lia era sa vinakatia: era na vararawatakia vaka voki lia kinia na Luve ni tamata.
13
Eratou sa qai kila na tisapeli ni sa vosataki Joni na dauveipapitaiso vei iratou ko koya.
14
Ia ni ratou sa yaco vei ira na lewe vuqa, sa qai mai vua e dua na tamata, ka tekiduru vua, ka tukunia.
15
Kemuni na Turaga, ni lomani koya na luvequ-tagane: ni sa tauvi koya na lialia, a sa rarawa valevu: sa bale vavuqa ki na bukawaqa. ka vavuqa ki na bukawaqa, ka vavuqa ki na wai:
16
ia kau a yadia vei iratou na nomuni tisapeli, a ratou sa yali ni vabulai koya rawa.
17
Sa qai vosa ko JIsu, ka tukunia, Ai tabatamata yali ni vabauta ka yalo vatani! a cava na kena dede meu tiko keu kodou? a cava na kena dede meu vosoti kodou? yadi koya mai vei au kike.
18
Sa qai vunauca na tevoro ko Jisu; a sa qai tani mai vua: a sa bula na gone e na tiki-ni-siga ko ya.
19
Era sa qai qai vatikitiki mai na tisapeli vei Jisu, a ra sa tukunia, E na vuku ni cava keitou sa yali ni vasevi koya tani rawa kinia?
20
A sa tukuna vei ira ko Jisu, Ena vuku ni dou sa yali ni vabautia: niu sa tukunia vaidina vei kodou, Kevaka e tu vei kodou na vabauta e vaka na sore ni mosita, dou na tukunia ki na ulu-ni-vanua koya. Qai tani kikea ka na qai tani: a sa yali na ka ena dredre vi kodou:
21
ia ko ira sa va koya era na yali ni vasevi tani wale, e na daumasu lia kei na daulolo.
22
Ia ni ra sa qai voli e Kalili, sa tukunia vei ira ko Jisu, Ena soli yani na Luve ni tamata ki na ligadra na tamata:
23
ka ra na vamatei koya, ka na vaturi cake tale mai ko koya e nai katolu ni siga. A sa rarawa valevu na lomadra.
24
Ia ni ra sa tadu ki Kapenaumi, sa qai mai vei Pita ko ira sa kumunia vata na soli ki na vale ni Kalou; ka tukunia, sa yali li ni ia na soli ki na vale ni Kalou na nomudoui vavuvuli?
25
Sa tukunia ko konu, Sa solia. Ia ni sa curu ki vale, sa vosa taumada ko Jisu, ka tukunia, A cava ko lewa, Saimoni? era sa tarogia vi cei nai vacavacava se na soli ko ira na turaga vakavuravura vei ira na nodra gone, se vi ira na nodra gone, se vi ira ga na tani?
26
Sa tukunia vua ko Pita, Vei ira lia na tani. Sa tukunia vua ko Jisu, sa qai lalaga na gone.
27
ia me da kakua ni vacalai ira, mo qai ki matasawa, ka viritakia na siwa, ka tauria na ika ena yavi mada mai; ia ni ko sa basukia na gusuna, ko na kunea kinia e dua nai lavo: oqori mo yadia vei ira me nodarui tavi.