Ni sa rogocia ko Eroti nai rogorogo kei Jisu, sa tukunia sai Jonu na dauvipapitaiso, 1,2. A ka ka vamatei Joni kinia ko Eroti, 3-12. Sa qai ko JIsu ki na dua na vanua lala, a sa vakani ira na lewe vuqa, 13 - 21. Sa qai ko Jisu e dela ni wai vi ira na nona tisapeli, 22 - 33. Ni sa udu ki Kenisareti, sa vabulai ira era tauvimate, 34 - 36.
1
E na gauna koya sa rogocia ko Eroti na turaga nai rogorogo kei Jisu;
2
a sa tukunia vi ira na nona tamata, Oqo ko Joni na dauveipapitaiso; a sa tu cake tale mai na mateko koya; o koya sa vu kinia vei koya na kaukauwa mana.
3
Ni sa tauri Joni eliu ko Eroti, a sa vesukia, ka dania ki vale ni veivesu e na vuku i Erotiasa, na wati i Filipi na tacina:
4
ni sa tukunia vua ko Joni, E yali ni tara mo drau viwatini kaya.
5
Ia ni sa via vamatea ko koya, sa rerevaki ira na lewe vuqa, ni ra sa vasama sa parofita ko koya.
6
Ia ni sa ia na magiti ni siga ni sucu i Eroti, ma meke e matadra na goneyalewa na luve i Erotiasa, a sa rekitakia ko Eroti.
7
O koya kinia sa yalataka vua ko koya ka bubului kinia me soli vua na ka kece lia ena kerea.
8
Ia ni sa vavulici koya mada eliu ko tinana, sa tukunia ko koya, Solia mai vi au eke e dua na dari na ulu i Joni na dauvipapitaiso.
9
Sa qai rarawa na tui: ia sa tukunia lia me soli, e na vuku ni nona bubului, e na vukudra voki lia era sa kana vata kinia.
10
A sa talaki ko konu ka sa tamusukia na ulu i Joni e na vale ni vivesu.
11
A sa yadi mai na uluna e na dua na dari, a sa soli vua na goneyalewa: ka sa yadia ko koya vei tinana.
12
Sa qai qai mai ko iratou na nona tisapeli, a ratou sa yadia na yagona, ka bulutia; a ratou sa qai laki tukunia vei Jisu.
13
Ia ni sa rogocia ko Jisu, sa soko vatikitiki tani e na waqa ki na dua na vanua lala: ia ni ra sa rogocia ko ira na lewe vuqa, era sa taubale e vanua mai na veikoro ka muri koya.
14
A sa qai mai ko Jisu, ka raicia era sa lewe vuqa sara a sa lomani ira, a sa vabulai ira na nodra era tauvimate.
15
Ia ni sa yakavi mai, sa qai mai vei koya ko ira na nona tisapeli, ka tukunia, Oqo na vanua lala, sa kala na siga; mo vatalai ira yani na lewe vuqa, me ra qai ki na veikoro lalai, me ra volia kinia na kedra.
16
A sa tukunia vei ira ko Jisu, E yali ni yaga me ra qai, mo dou solia mai e dua na kedra.
17
Era sa qai tukunia vua, E yaki lia vi kitou eke, e lima lia nai buli madrai, ka rua na ika.
18
A sa tukunia ko konu, Dou yadia mai vei au.
19
Sa qai vosa ko konu vei ira na lewe vuqa me ra tiko sobu e na co, a sa tauria nai buli madrai e lima, kei na ika e rua, a sa ta cake ki lomalagi, ka lotutakia, a sa dovia na veibuli madrai, ka solia vei ira na tisaplei, ia ko ira na tisapeli era sa solia vei ira na lewe vuqa.
20
A ra sa kana kece lia, a ra sa mamau: a sa tomika vata na vo ni ka sa dovi, a sa tinikarua nai su sa sinai kina.
21
Ia ko ira sa kania era sa lewe lima beka na udolu na tagane, ia ko ira na yalewa kei na gone era sa yali ni wili.
22
A sa qai varota sara ko JIsu vei ira na nona tisapeli me ra vodokia na waqa me ra liutaki koya ki tai kadua, me sa vatalai ira mada yani na lewe vuqa ko koya.
23
Ia ni sa vatalai ira oti yani na lewe vuqa, sa cabe taudua ko koya ki na ulu-ni-vanua me masu; ia ni sa yakavi mai, sa tiko duadua lia kina ko koya.
24
A sa qai tiko e loma ni wasawasa na waqa, a suaigelegele e na ua: ni sa cagi leca.
25
Ia e nai kava ni wase ni bogi sa qai mai vei ira ko JIsu, a sa qai voli e dela ni wai.
26
Ia ni ra sa raicia ko ira na tisaplei, ni sa qai voli ko koya e dela ni wai, era sa kidroa, ka tukunia, Sa dua na yalo; a ra sa qoqolou, ni ra sa rere.
27
A sa vosa sara vei ira ko Jisu, ka tukunia, Dou vacegu; koi au lia; dou kakua ni rere.
28
A sa vosa vei konu ko Pita, ka tukunia, na Turaga, kevaka sai kemunu, kacivi au meu bau yani vi kemunu e dela ni wai.
29
A sa tukunia ko koya, Qa lia mai. Ia ni sa sobu mai na waqa ko Pita, sa qai e na dela ni wai, me qai voki lia vei Jisu. Ia ni sa raicia sa kaukauwa na cagi, sa qai rere;
30
ia ni sa raicia sa kaukauwa na cagi, sa qai rere; ia ni sa vatekivu me lutu dromu, sa kaci sara, ka tukunia, Na Turaga, ni vabulai au.
31
Sa qai dodokia sara na ligana ko JIsu, a sa tauria, ka tukunia, ka tukunia vua, O konu sa lailai na nomunu vabauta, O sa vatikitikiqa e na vuku ni cava?
32
Ia ni sa rau sa vodo ki waqa, sa ruru na cagi.
33
Ia ko ira na sa tiko mai waqa, ka tukunia, Sa dina sara lia kemunu sa Luve ni Kalou.
34
A ra sa qai ki tai kadua. a ra sa yaco kina vanua Kenisareti.
35
Ia ni ra sa kilai koya ko ira na tamata mai na yasana ko koya, era sa talatala ki na yasana kece lia sa vavolivolitakia, a ra sa yadi ira kece lia mai vua sa tauvimate; a
36
ra sa masuti koya me ra tara wale lia na tutu ni nonai sulu, a ra sa bula sara ko ira kece lia sa tara.