A vosa vatautauvata ni tamata dau kaburaki sila, kei na kenai balebale, 1 -23, A sila vinaka kei na sila ca, 24 - 30, kei na sore ni musita, 31, 32, kei na leveni, 33. Ai balebale ni sila vinaka kei na sila ca, 34 - 43. E vaka nai yau sa vuni tu na matanitu valomalagi, 44; e vaka na mata ni civa talei sara, 45,46; e vaka na lawa ni yavi, 47 - 50. Sa tarabe e na vuku i Jisu ko ira na kai nona, 53 - 58
1
E na siga ko ya sa qai tani mai vale ko Jisu, ka laki tiko sobu e matasawa.
2
A sa lewe vuqa sara era sa soqoni vata kei koya, a sa vodoka kinia e dua na waqa ko koya, ka tiko sobu: a sa tu kece lia mai matasawa na lewe vuqa.
3
A sa levu na ka sa vosatakia vei ira ko koya e na vosa vatautauvata, ka tukunia: Raicia sa dua na dauveikaburaki;
4
ia ni sa kabukaburaki lako, sa lutu eso e na tutu ni sala, a sa qai mai na manumanu vuka ka kania.
5
A sa lutu eso ki na vanuaveivatu, sa yali ni levu cake kina na qele: a sa tubu cake vatotolo sara, ni sa yali ni vavuku na kena qele:
6
ia ni sa cabe na siga, sa malai; ia ni sa yali na wakana, sa raqosa sara.
7
A sa lutu eso ki na vei wa-vavotona; a sa tubu cake na veiwa-vavotona, ka varuguta.
8
A sa lutu eso ki na vanua vinaka, a sa vuavua vinaka, sa vuai drau eso, a sa onosagavulu eso, a sa tolusagavulu eso.
9
O koya sa vadaligana me rogocia, me mani rogocia sara.
10
Sa qai qai mai ko ira na tisapeli, ka tarogi koya, O sa vosa tiko lia vi ira e na vosa vatautauvata e na vuku ni cava?
11
Sa qai vosa ko koya, Ni sa soli vi kodou mo dou kila na veika vuni ni matanitu valomalagi, ia ka yali lia ni soli vei ita.
12
Ni sa tu vua na tamata e dua na ka, ena qai soli valevu vua ka levu na nona; ia na tamata sa yali ni tu vua e dua na ka , ena qai yadi tani mai vua na ka sa tu vua.
13
O koya oqo kau sa vosa kinia vei ita e na vosa vatautauvata: ni ra sa raicia ka yali ni kunea; a ra sa rogocia ka yali ni rogoca, ka lecava tu.
14
Ia sa vayacori kinia vi ita na parofisai i Aisea, ka vaka, Dou na daurogocia tiko lia, ka lecava tu; Ia dou na dauraicia tiko lia, ka yali ni kunea;
15
Ni sa uro mai na lomadra na tamata koya, A sa didivara na daligadra, A sa bobo na matadra; De dua na siga ena rai na matadra. Ka rogo na daligadra, Ka kila na lomadra, A ra saumaki mai, Ia ka'u na vabulai ira.
16
A sa kalougatia na matamudou, ni dou sa raicia, kei na daligamudou, ni dou sa rogocia.
17
Niu sa tukunia vaidina vi kodou, Era lewe vuqa na parofita kei na tamata yalododonu era a via raicia na ka dou sa raicia, ka ra na yali ni raicia; ka rogocia na ka dou sa rogocia, ka ra a yali ni rogocia.
18
O koya mo dou qai rogocia na vosa vatautauvata ni dauveikaburaki:
19
Ni sa dua e rogocia na vosa ni matanitu, ka lecava tiko, sa qai qai mai na vu-ni-ca, a sa kovea na ka sa kaburaki ki lomana. Sai koya lia koya sa kaburaki e na tutu ni sala.
20
Ia ko koya sa kaburaki e na vanua veivatu, sai koya lia koya sa rogocia na vosa, a sa vabauta sara ena reki.
21
ia ni sa yali na wakana e lomana, sa tu dede valailai lia:ia ni sa tubu na rarawa, se na vivacacani e na vuku ni vosa, sa tarabe sara.
22
Ia ko koya sa kaburaki e na veiwa-vavotona, sai koya lia koya sa rogocia na vosa:ia na lomaocaoca e na vuku ni vuravura koya, kei nai yau e dauvivakaisini, sa varuguta na vosa, a sa yali kinia ni vua.
23
Ia ko koya sa kaburaki e na vanua vinaka, sai koya lia koya sa rogocia na vosa, a sa kila na kenai balebale; a sa vua, ka vuai drau eso, sa onosagavulu eso, ka sa tolusagavulu eso.
24
Sa dua tale na vosa vatautauvata sa tukuna vei ira ko koya, ka tukunia, Sa vatautauvataki na matanitu valomalagi kei na dua na tamata sa kaburaka na sila vinaka e na nona were;
25
ia ni ra sa moce ko ira na tamata, sa qai mai na nona meca ka kaburaka vata na sila ca e loma ni witi, a sa qai qai yani.
26
Ia ni sa tubu mai na sila ka vua, sa qai rairai tale lia na sila ca.
27
Sa qai mai vua na kenai taukei ko ira na nona tamata, ka tukunia vua, O sa yali saka lia ni kaburakia na sila vinaka e na nomu were? sa qai yadi maivei na sila ca?
28
Sa qai tukunia vei ira ko koya, A ka koya sa kitakia e dua na meca. A ra sa tukunia vua ko ira na tamata, O sa vinakatia beka me kitou laki kumuna vata koya?
29
A sa tukunia ko koya, Tei kakua mada, de dou cavurakia tale lia na witi ni dou kumunia vata na sila ca.
30
dainia lia me rau tubu vata ruaraua me tei cava mada na yabaki: ia ni sa cava na yabaki ka'u na tukunia vei ira na dautamusuka, Dou kumunia vata mada na sila ca, ka vaucia e na veivau me visa: ia dou kumunia vata na witi ki na noqu lololo.
31
Sa dua tale na vosa vatautauvata sa tukunia vei ita ko konu, ka tukunia, Sa tautauvata na matanitu valomalagi kei na dua na sore ni musita, o koya sa yadia e dua na tamata, ka tea e na nona were:
32
ia ko koya sa lailai sobu e na sore ni kau kece lia; ia ni sa tubu cake, sa levu cake e na kena mataqali ko ya, a sa yaco me yadi dina, a sa laki ro e na tabana na manumanu vuka.
33
Sa dua tale na vosa vatautauvata sa tukunia vei ita ko konu: Sa tautauvata na matanitu valomalagi kei na leveni, sa tauria e dua na yalewa, ka vuniae loma ni madrai droka e tolu nai varau, me sa valevenitakia kece mada.
34
Na ka kece lia koya sa tukunia ko Jisu kivei ira na lewe vuqa e na vosa vatautauvata; a sa yali ni vosa wale lia vei ita, sa vosavatautauvata tiko lia:
35
o koya lia koya sa vayacori kinia na vosa sa tukunia na parofita, ni sa tukunia, Au na vosa lia e na vosa vatautauvata; Au na tukunia eso na ka sa vuni tu mai na gaunisala sa caka kinia ko vuravura.
36
Sa qai talai ira yani na le vuqa ko Jisu, ka curu ki vale: a sa qai mai vua ko ira na nona tisapeli, ka tukunia, Ni vamacalatakia mai vi kidou na vosa vatautauvata ni sila ca mai na were.
37
A sa vosa ko koya, ka tukunia vei ita, O koya lia sa kaburaka na sila vinaka, ko ya na Luve ni tamata:
38
ia na were ko vuravura; ia na sila vinaka ko ira na luve ni vu-ni-ca:
39
ia na meca sa kaburakia sai koya na tevoro: ia na yabaki nai vataotioti kei vuravura: ia na dautamusukia ko ira na agilosi.
40
Ia me vaka sa kumuni vata na sila ca ka visa e na buka; ena vakakinia e nai vataotioti kei vuravura koya:
41
ena talai ira yani na nona agilosi na Luve ni tamata, me ra soqonia vata mai na nona matanitu na ka kece lia sa dauveivacalai, kei ira sa kitakia tiko na ka ca;
42
ia era na daini ira ki na lovo ni bukawaqa; era na dautagi kinia, ka vasequruquru bati.
43
Era na qai serau na tamata yalododonu, me vaka lia na siga, e na matanitu nei Tamadra. O koya sa vadaligana, me mani rogocia sara.
44
Sa dua voki, sa tautauvata na matanitu valomalagi kei nai yau sa vuni tu e na dua na were; ka sa dua na tamata sa kunea, ka yali ni tukunia, ia ni sa rekitakia, sa laki volitakia na ka kece lia sa tu vua, a sa volia na were ko ya.
45
Sa dua tale, sa tautauvata na matanitu valomalagi kei na tamata dauveivoli, sa vasaqara eso na mata ni civa vinaka:
46
ia ni sa kunea e dua na mata ni civa talei sara, sa qai ka volitaka na ka kece lia sa tu vua, ka sa volia na ka koya.
47
Sa dua tale, sa tautauvata na matanitu valomalagi kei na lawa-ni-yavi, sa viritakia ki wai: a sa rawa kinia eso mai na veimataqali kece lia.
48
ia ni sa sinai, era sa yavia ki matasawa, a ra sa tiko sobu, ka tugana na kena vinaka ki na sova, ka dainia tani na kena ca.
49
Ena vakakinia e nai vataotioti kei vuravura: era na qai mai na agilosi, ka tawasei ira tani na tamata ca maivei ira na yalododonu,
50
ka daini ira laivi tu ki na lovo ni bukawaqa: era na dautagi kinia, ka vasequruquru bati.
51
Dou sa kila nai balebale ni ka kece lia koya? Era sa tukunia vua, Io.
52
Sa qai tukunia vei ira ko koya, Ia na vunivola kece lia sa vatavulici e na ka ni matanitu valomalagi, sa tautauvata kei ira na tamata sa taukena e dua na vale, ko koya sa yadia mai na nona lololo na veika vou kei na veika makawa voki lia.
53
A sa yaco, ni sa vaotia ko JIsu na vosa vatautauvata kece koya,sa qai tani maikea.
54
Ia ni sa tadu ki na nona vanua, sa vavulici ira ko koya e na nodra vale ni lotu, a ra sa kurabui kinia, ka tukunia, E rawatia maievi ko koya na vuku va koya, kei na cakacaka mana koya?
55
sa yali lia ni luve ni matai ko koya? sa yali lia ni yacai i tinanako Meri? kei na tacina ko Jemesa, kei Josefa, kei Saimoni, kei Jutasa?
56
kei na ganena, eratou sa yali lia ni tiko vata kece kei ita? sa qai rawatia maivei ko koya na ka kece lia koya?
57
58
A ra sa tarabe e na vukuna. A sa tukunia vi ira koJisu, Sa varokorokotakia na parofita e na veivanua tani, ia sa yali lia e na nnona vanua se nona vale. Ia ka yali ni cakava maikeri kko koya e vuqa na cakacaka mana, ni ra sa yali ni vabautia.