अध्याय – 18
1
ई आखीन येशु तिया शिष्याआरी किद्रोन वोला तेसली मेर गिया तिही एक बोगिचो आथेा तिही तो आण तिया शिष्या गेहेला.
2
ओ जेागो तियाल ती देणारो यहुदीयालबी माहित आथो काहाका येशु खुब दाव तिया शिष्याआरी तिही जातुला.
3
ताहा सैनिकाहा तुकडी आन मुख्य याजक लोक आन परुशी तिया होवेनु कामदार मिललो याहा दिवा मशाल आन हत्यार लीन योहुदी तिही आलो.
5
येशु तियाप जो काय वेणारो आथो तो आख्यो जाईन बारे आलो आन तियाहान आखा लाग्यो, ‘तुमा केडोल होदी रियाह ?
4
तियाहीं तियाहीं तियाल उत्तर देदो, ‘नासरेथकर येशुल’ तो तियाहन आखा लाग्यो, “तो मायज हाय”
6
तो मायज हाय ऐहेकी आखताज ते फाचाडी होरकी जाईन तोरती पोंड्या,
7
फाचे तियाय तियाहान फासे पुच्छो तुमा केडाल होदताहा आन ते आखा लाग्या नासरेथकर येशुल.
8
येशुय उत्तर देदो, मायज तो हाय एहकी माय तुमाहान आखुहू , तुमा मान होदता वेरी ता इयाहान जा द्या,
9
जो तुय मान देदोहो तियामनु माय एकबी गोमाव्या नाह एहेकी जो वचन तियाय आखलो आथो तो पुरो वेराजोजे तियाहाय इ वेयो,
10
ताहा शिमोन पेत्रापाही तलवार आथी तियाय ती खेची आण महायाजका दासप चालवी आन तिया हुदा कान कातरी टाक्यो , तिया दासा नाव मल्ख आथो,
11
ताहा येशुय पेत्राल आख्यो तलवार माजमे थोव बाहाकाय मान जो पिया देदलो हाय तो माय पियु नेय का ?
12
फासे सैनिकाहा तुकडी आन हाजारा सरदार आन यहुदां अधिकारी ईयाही येशुल तीन बांधलो.
13
आन तियाल हन्नापाही ली गिया काहाका तिया वर्षी महायाजक आथो तिया कयफा ओ हारो आथो,
14
एका माहाय लोकां खातोर मराजोजे इ फायदा हाय एहेकी सल्ला येहुदीयाहान कयफाय देदली आथी,
15
शिमोन पेत्र आन बिहरो एक शिष्य येशु फाचाडी फाचाडी चाल तुलो तो शिष्य माहायका वोहोकात्यो आथेा आन येशु आरी माहायाजका वाडाम गेहोलो,
16
पेन पेत्र बारे दारवाजा आरी उबो रेहोलो आथो तियाहाल जो बिहीरो शिष्य महायाजका वोखात्यो आथो तियाहाय बारे जाईन दरबानाल आखिन पेत्राल माज हादला.
17
इयापुन ती जुवान दरबाना आथी ती पेत्राल आखलागी तुबी इया माहा शिष्या होवेनु हाय का तो आखा लाग्यो माय नाहा.
18
हियालो आथो तिया खातोर दास आन कामदार कोलाहा आग सिलगाीवन हेकाता उभी रेहेला आन पेत्र बी तियाहाआरी हेकातो उभी रेहेलो,
19
ताहा महायाजकाय येशुल तिया शिष्याविषयाम आन तिया शिक्षणा विषयाम प्रश्न केयो,
20
येशुय तियाहान उत्तर देदो, “माय जगाहुबूर उदास गोगलो हाय सभास्थानाम आन परमेश्वरा भवनाम आख्या यहुदी टोलवाता तिही माय रोज हिकवुतोहो आन दोबीन माय कायज गोग्यो नाहा.”
21
मान काहा फासताहा माय काय गोगलो तो जे उनाला हाय तियाहान फुसा वेरा माय जो गोगूहू तो तियाहान मालुम हाय.
22
तियाय एहेकी आकताज बरोबर पाह उभी रेणारो एक कामदार येशुल थापड ठोकीन आखा लाग्यो, ‘तु महायाजकाल एहेकी उत्तर देतो काहा ?’
23
येशुय तियाल उत्तर देदो माय गलत रितीकी गोगलो वरी तो केहेकी गलत गोगलो तो होमजावी देखाड, हारी रीतीकी गोगलो ता मान काहा ठोकतोहो,
24
ताहा हन्नाय तियाल महायाजक कयफा इयातीही बांधलो आथेा तेहेकी मोकल्यो,
25
शिमोन पेत्र हेकाता उभी रेहेला तियाहान बिहीरा आखा लाग्या, ‘तुबी तियाहा शिष्याहामनु हाय का?” तियाहा नाहा एहेकी आखे आन आखा लाग्यो ‘माय नाहा.’
26
पेत्रा याजियाकान कानरुलो आथे तिया जातुलो वेरी मायाजकादासमनु एक आथो, तो तियाल आखा लाग्यो माय तुल तियाआरी बगीचाम नाहा वेयो,
27
पेत्राय फासे नाह एहेकी आखा लाग्यो आन तुरुतुज कुंकडो वाहायो,
28
ताहा तियाहाय येशुल कयफायानु सरकारा वाडाम लीगीया ताहा वेगीवेल आथी आन आपु अशुद्ध नेय वेरा जोजे, पेन वल्हांडण मांडो खा आवा जोजे आखीन ते सोता सरकार वाडांम गेहेला नाहा,
29
ताहा पिलात तियाहा पाही बारे निगीन आखा लाग्यो तुमा इया माहाप काय आरोप थोवताहा,
30
तियाहाय तियाल उत्तर देदो तो दुष्कर्मी नेय रेतो ता आमा तियाल तो आथो नाय देता,
31
पिलाताय तियाहान आख्यो तियाल तुमा तुमाज नियमाकी तिया न्याय केरा यहुदी अधिकारी तियाहान आख्या लाग्या, आमाहान केडोज जीव लेवुलो अधिकार नाहा,
32
मान केडाकी ठोकीन मारी इ होमजावीन येशुय जो वचन आखलो आथो ता पुरो वेरी आखीन एहेकी वेयो,
33
तियाहाल पिलात आजी सरकारा वाडाम गिया आन तियाय येशुल हादिन आख्यो, “तु यहुदींया राजो हाय का?”
34
येशुय उत्तर देदो, “तुमा सोता एहेकी आखताहा का बिहीराहाय तुमाहाल मा बद्दल एहेकी आख्यो.”
35
पिलाताय उत्तर देदो ताय यहुदी हाय का तोज लोकाहाय आन मुख्यासेवकाही तुल मा हामाम देदो तुय हाय केयोहो,
36
येशुय उत्तर देदो, “मा राज्य इया जगा नाहा मा राज्य इया जगा रेतो ता यहुदीया आथाम मान देवुलो नेय आखीन मा सेवक चुलाया खातोर आवता पेन मा राज्य ईहीनु नाहा.
37
तियाहाल पिलात तियाल आखा लाग्यो ता तु राजो हाय का येशुय अत्तर देदो माय राजो हाय एहेकी माय आखु माय इया खातोर जल्म लेदलो हाय आन इया खातोर माय जगाम आलोहो माय खेरी साक्षी दीन जो केडो खेरो हाय तो मा गोठ्या उनाहे,
38
पिताल तियाल आखा लाग्यो सत्य काय हाय आन इ आखीन तो फासे यहुदाहाय बारे गियो अने तियाहन आखा लाग्यो मान इयाम कायज अपराध देखातो नाहा,
39
पेन तुमा केता येशुल सोडनु सोमयाप माय एकाल सोडेहे एहेकी तूता रीत हाय ता तुमा केता माय यहुदीयाहा राजा सोडु एहकी तुमा मन हाय का?”
40
ताहा तियाहाय फांसे बोंबलीन आख्यो, ‘इया सोडाहा मा, ता बरब्बाही ल सोडा.’ आन बरब्बा ओ एक डाखु आथो.