¹ इफिस शहराम रेणारे पवित्र लोक आने ख्रिस्त येशुम विश्वास थोवणारे इयान इेवा इच्छाकी ख्रिस्त येशु प्रेषित पौल इयाहीने. ² देव आपो बाहाको आने प्रभु येशु ख्रिस्त इयाहीने तुमान कृपा ओन शांती अराआ जोजे. ³ आपो प्रभु येशु ख्रिस्ताआ बाहाकाल आभार हाय होरगामने गोठीकेअता होग्गा आत्मिक आशिर्वाद दिईन ज्या देवाही आमान ख्रिस्ताईने आशिर्वाद देदलो हाय. ⁴ देवाही ख्रिस्ताम विश्वास थोवणारान तोरतीबानावा पेहलाच निवडी लेदलो इयाखातोर का आमा आ तिईया आगला पवित्र आने विर्दाष रा जोजे. ⁵ देवाआ मोयाकेअता येशु ख्रिस्ताहीने तिईया खुद पोयरे वेअरा खातोर आमान दत्तक ला खातोर पेहलाच आमा नेमाय गिईले हाय.

⁶ तिईयाइ इ होग्गा देवाआ गौरव कृपाआ स्तुती वेरा जोजे तिईयाल केअयो इ कृपा तिईयाही तिईया मोयाला पोयराईने आमान मिलवा देदी. ⁷ तिईया मोयाला पोयराई तिईया रोगोत वेअेरीन ती पोईन आमान मुक्ती देवाम आल्ली हाय, देवाआ कृपाआकी मोडा मोराकी आमान आमाहा पापाहा क्षमा मिलली हाय. ⁸ देवाआ इ कृपा आमान होग्गा हारा विचाराकी ओन शांती की खुप पुरवाम आल्ली हाय. ⁹ देवाई दोबावी थोवली खेरी योजना आपोल आखली हाय जी तिईयाही ख्रिस्ताआईने आपोन आपो इच्छाकी देखावली हाय.

¹⁰ देवाआ योजना वेअेरी ताहा तिईया टेम पुरो वेअरी ताहा तो होरगामने ओन तोरतीपने होग्गोकाही ख्रिस्ताम एक जागे ली आवी ¹¹ आमा देवाआ लोक मानिन पेहलाच ख्रिस्ताम तिईया योजना की नेमाय गिईले आथे जो होग्गा गोठ्या हारा केअता तिईया इच्छा की केअेहे. ¹² इयाके अतो ख्रिस्ता गौरव स्तुती युहदी आमा होने वेअेरा जोजे जीईयाप आमा पेहलोच आशा हाय ¹³ ख्रिस्ताईने तुमाआबी खेऱ्या वचना ओन तुमाआ तारणा हारी गोठ उनाले हाय. ओन तियाप विश्वास थोवलो हाय तहा तुमा पवित्र आत्माआ अभिवचना शिल्लो ठोकाम आल्लो हाय. ¹⁴ तिया प्रियलोकाहा खोडणी पोईन मिलवुल्या मुक्तीकेअता ओ पवित्र आत्मो आपो वतनाआ पुरावो हाय इयाकेअतो की देवा गौरव स्तुती वेअरो जोजे. ‍ि ¹⁵ तिइयाल तुमामने रेणारो प्रभु येशुपने विश्वास ओन तुमाआ पवित्रलोकाउपे प्रिती अनाईन. ¹⁶ मायु तुमाखातोर देवाल धन्यवाद देवनु आने माआ प्रार्थनाम तुमाल अत राखनु रोकी नाहा थोवे ¹⁷ माआ अेहकी प्रार्थना किवहू की आमा प्रभु येशु ख्रिस्ता देव, गौरव बाहाका इयाहा तुमान आपो ओखुनारो ज्ञानाआ आने प्रकट केअणारो आत्मो दा जोजे. ¹⁸ तियाल तुमा मोना डोओवा उजवाडो विईन तुमान इ होमजा जोजे तिया गोगणु आश्या खेरो काय हाय, तिया वोतना गौरवा धन पवित्र लोकाम कोती हाय. ¹⁹ आने आपु जे विश्वास थेावणारे तिइैया आपेकेअतो तिइया सामर्थ्या खुप मोठा महत्त्व तो काय, तो तुमा तिया शक्तीशाली पराक्रमा कामाआपने ओयखीला जोजे. ²⁰ तियाही ती गोठ ख्रिस्ताहीने किइन तियाल मोअलामेने उठवुलो आने होर्गाम देवा हुदावेल बोहाव्यो. ²¹ तियाई तियाल होग्गा अधिपती, अधिकारी, सामर्थ्य प्रभुत्व आने होग्गा सामर्थ्या जे नाव इकालाम नाहा ते आवणारा कालामबी देवाम आवी तयाहोग्गहीने खुप ऊच्चो केअयो. ²² देवाही होग्गा ख्रिस्ताआ पागाअेठा केअेयो, आने तियाल होग्गा उच्चे मंडळी मुनके आखिन देदो. ²³ इच ख्रिस्ता शोरील जो होग्गाहीने होग्गो पोओये तिईयाइ तो पोअलो हाय.