अध्याय – 8
1
येशु जैतुना डोगाही गिया.
2
आने हाकाली वेला तो फाचो परमेश्वरा मंदिराम आलेा, ताहा बांदा लोक तियाही आले आन तो बाहीने तियाहान हिकवा लाग्यो,
3
ताहा सिनालो केअता तेअली एक बायील नियमशास्त्रा शिक्षक आने परुशी इयाही तियाही ली आला आने तियुल वोचमे उबी किन ते तिया आख्या,
4
“गुरुजी, इ बायील सिनालो केअता तेराम आलीही.
5
मोशेय नियमशास्त्राम आमाहान एहेकी, हुकूम ददलो हाय का एहेडाहान डोगोडझोड केरा, ताहा तु इयुबाबतीम काय आखतोहो ?”
6
तियाये केल्लोतेबी चुक होदा केअता आने परिक्षा वेरा केअता तियाही ऐहेकी आख्यो पेन एठा बोहीन तोरतीपे आकडीकी लिखा लाग्यो,
7
आने ते घेडीघेडी फुसतूला ताहा तो उठीन तियाहान आख्यो, “तुमामने जो केडो पापुज नाहा केअयो तियाय पेअला डोगडो टोका.
8
हाती तो फाचे एठा तोरतीपे निखा लाग्यो,
9
तिया आखनु उनायन ते माअहे बादाहासे डाअयेहायाने सुरवात केअन शेवट्याही हुदु बांदो माअही एका फाचला एक एहेकी निगी गिये. येशु एखलोज रियो आन ती बायी वोचमेज उबी आथी.
10
ताहा येशु उठ्यो आन तिया बायील बोद्दल तिही केडोज नाहा ऐहेकी विन तियुल आख्यो, “बाई, तुल दोष देणारे काही हाय ?” तुल केडाय दोष लागाव्यो नाहा का ?”
11
तियुय आख्यो , “ प्रभुजी, केडायज नाहा.” ताहा येशु तियुल आख्यो, “आयबी तुल दोष देतो नाहा, जो आमी पाप केहो मा.”
12
फाचो येशुय तियाहान आजी आख्यो, “आयज दुन्या उजवाडो हाय, जो मा फाचडी चालेहे तो आंदाराम चालनारोज नाय, ता तिया आरी जीवना उजवाडो रेहे.”
13
इयापेने परुशीय तियाल आख्यो, “तु सोता बोदल साक्षी देतोहो तो साक्ष खेरी नाहा.”
14
येशुय तियाहान उत्तर देईन आख्यो, “ मायु सोता बोद्दल साक्ष देदी तेबी माआ साक्ष खेरी हाय, काहाका आय किहीने आने कीही जाणारो इ माल मालुम हाय, पेन आय किहीने आलो आन कीही जाणारो इ तुमाहान मालुन नाहा.
15
तुमा माआहान विईन न्याय केताहा, आय केडा न्याय नाहा केअतो, आन आय जाहा ऐगाहा न्याय किईहू तो मा न्याय खेरो हाय.
16
काहाका आय एखलो नाहा ता आय हाय आने जीयाय माल मोकल्या तो सुध्दा मा आरी हाय.
17
तुमा नियमशास्त्राम एहेकी लिखलो हाय का बेनी माअहा साख खेरी हाय.
18
आय सोता बोद्दल साक्ष देणारो हाय आन जि ज्या बाहाकाय माल मोकल्याहो ते देखील मा बद्दल साक्ष देतेहे, “
19
इयापेन ते तियाल आख्यो, “तुमा बाहाको किहीने हाय ?” येशुय उत्तर देदो, “तुमा माल ओखुता नाहा मा बाहाकाल बी नाहा ओखुता, तुमाहाय माल आखुता तर माअ बाहाकाबी ओखुता.”
20
तो परमेशरा मंदिराम हिकवुतलो ताहा जामदारखानाम गोगतुलो पेन केडोज तियाप आथ टाक्यो नाहा काहाका तिया टेम आजी आलो नाहा.
21
फाचे तियाय तियाहान आख्यो, “आय निगी जाही आने तुमा म होद क्याहा, आने तुमा सोवताहा पापाम मोशहा आय जिही जाहु तिही तुमा आवी शकनारा नाहा.”
22
इ उनायने यहुद्याही आख्यो ओ सोतोहा जिवदेणारो होय का ? काहाका ओ आखेका आय जीही तिही तुमाहान आवता आवणारो नाहा
23
ताहा तियाय तियाहान आख्यो, “तुमा निचे तोरतीवे हाय, आयता उंचेने हाय तुमा इया दुन्या हाय, आय इया दुन्या नाहा,”
24
तियाहाल आय तुमहान आखुहू तुा तुमाज पापम मोय जाहा, काहाका आय तो हाय एहेकी तुमा विश्वास नेय थोवाहा ताहा तुमा तुमाज पापम मोरहा.”
25
इयापेन तियाय तियाल आख्यो, “ तु केडो हाय ?” येशुय तियाहान आख्यो, “पेलेनेज तुमाहान जो आखतो आल्लो हाय तोज नाहा का ?
26
माल तुमा बोद्दल खुबूज गोगुलो हाय आने नयानिवाडीबी केरुलो हाय पेन जीयाही माल मोकल्योहो तो खेरो हाय आने जे गोठ्या तियाहीने उनायो त्या आय दुन्याल आखतोहो.”
27
ती तियाहाआरी पित्या बोद्दल गोगतुलो आथो तो तियाहान होमजायो नाहा. “
28
ताहा येशुय तियाहान आख्यो, “तुमा जाहा माहा पोयराल उच्चे क्याहा ताहा तुमाहान इ होमजाय का तो आय हाय आने आय सोता काय केअतो नाहा ता पित्याय माल आख्यो तेहेकी आय इ किहू.
29
जियाय माल मोकल्या तो माज आरी हाय, तियाय माल एखलो सोडी देदो नाहा, काहाका आय नेहमीज तियाल पोयरा अेहेके गोठ्या किहू.”
30
येशु इ गोगतुलो ताहा खुबूज लोकाहाय तियावे भोरुसो थोव्यो.
31
जी याहुदीलोकाहय तियावे भोरुसो थोव्यो तियाहान येशुय आख्यो, “तुमा वचनाम रिया ताहा खेरोखेर मा चेला व्याहा.
32
तुमाहाम जो खेरो होमजाय आने तो खेरो तुमाहान बाधलामेने सुटाको केरी
33
तियाहाी तियाहान उत्तर देदो, “आमा आब्राहामा पोयारे आय आने किधीज केडा गुलाम नाहा रीया तुमा आमाहान केहेकी आखताहा का तुमा सुटका केअले जाहा.”
34
येशुय तियाहान उत्तर देदो, “आय तुमाहान खेरोखेरोज आखुहू जो केडो पाप केहे तो पापाज गुलाम हाय,
35
गुलाम सदा कोअमे नाहा रेतो, पोयरो सदा कोअमे रेहे.
36
जाहा जर पुत्राय तुमाहाल बाधलामेने सोडव्या ताहा तुमा खेरोखेर बादलामने सोडवुले जाहा.
37
आय जाहुका तुमा आबगाहाम पोयरे हाय तेबी तुमाही वचनाल जागो नाहा तियाहाल तुमा मल माय टाका वेअताहा.
38
मायुय बाहाका पे जो वेयो तो गोगुहू, तेहेकी तुमा आपु बाहाकाहीने जो उनाये ते केताहा.
39
तियाही तियाल उत्तर देदो, “आब्राहाम आमा बाहाको हाय येशुय तियाहाल आख्यो, तुमा आब्राहामा पोयरा हाय ता आब्राहाम कामे क्याहा.
40
पेने जियाय देवाहीयने सत्य उनायो तुमाहाल आख्यो त्यामाआहा तोज आमाल मारा होदताहा आब्राहामाते एहेकी नाहा केअयो.
41
तुमा आपु बाहाका कामे केअताहा तियाही तियाल ऐहेकी आख्यो, “आय जोन्म्यो सिनाली पोयरे नाय हाय, आमा एकुज बाहाको हाय तो आमा परमेश्वर हाय.
42
येशुय तियाहान आख्यो, “देव जाहा तुमा बाहाको रेतो ताहा तुमाहाय माअवे मायो केअता, काहाका आय देवाहायेने निग्या आने आलो, आय सोवताहा की आलेा नाहा पेन तियाय माल मोकल्यो.”
43
तुमामाअ गोगूलो काहाल होमजी लेता नाहा ? तिया कारण इज हाय का तुमाहा म माआ वचन उनाय नाहा लेता.
44
तुमा बाहाको सैतान यापेनी वेअला हाय तुमा बाहाका खाराब गोठीने केरा होदता तो पेअलानीज माहा घात केनाारो आथो, आने तो खेरोपणामे टिक्यो नाहा काहाका त्यामेज खेरोपणा नहा हाय तो जहा खोरो गोगे ताहा तो सोता गोगे काहाका तो लोबाड आने लोबाडा बाहाको हाय.
45
पेन आय खेरो आखुहू पेन तुमा मावे विश्वास थोवते नाहा.
46
आय पापी हा अेहेकी तुमा पुरावो दिन ठेरवी शकता नाहा आये खेरो आखुहू ताहा तुमा मावे विश्वास थोवता नाहा.
47
देवापेनी हाय तो देवा वचने उनायये तुमा देवा पेनी नहा तीया तुमा उनाता नाहा,
48
यहुद्या हे त्याले उत्तर दिन आख्यो, “तुमा शमरोनी हाय आने ई जे आमा आखता तो बरोबर हाय का नाहा ?
49
येशुय त्याहाले उत्तर देदो, “माल फुथे लागतो नाहा त मा बाहाका सन्मान केहतो आने तुमा माआ अपमान केअता.”
50
आय गौरव केअनारा मागतो, तो वेअणारो आन न्याय निवाडो केअणारो तो एकूज हाय,
51
आय तुमाहान खरोज खेरो आखुहू, जो केडो मा वचने पालीन तियाल मोरुलो अनुभव कीधीन आवनारो नाय.”
52
यहुदी लोकाही तियाल आख्यो, “आमी आमाहाल होमजायो का तुमाहान पुथ लागलो हाय, आब्राहाम मोअय गियो आने भविष्यवादी बी मोअया गिया, आने तुमा आखताहा का कोडो मा वचन पाली तहा तेा कीधीज तियाल मोरुलो आनुभव आवणारेा नाहा.”
53
आमा बाहाको आब्राहाम मोअय गियो, तिया केअता तुमा मोडा हाय का ? आने भविष्यवादी बी मोअय मिया तुमा सोवताहा काय होमजुताहा ?
54
येशुय उत्तर देदो, “जर मायुय मा सोबताहा मान महोमा केअयो ता मान पान कावीज अथे नाहा, मा महिमा केअनारो मा स्वर्गीय बाहाको हाय, तो आपु देव होय एहेकी तुमा तिया बाबतीम आखताहा.
55
तेबी तुमाहाय तियाल आख्यो नाहा, आय तियाल ओखुतोहा आने आय तियाल आखुतो नाहा एहेकी जाहा आय आखेहे, ताहा आय तुमाहाय खोटो ठरीजाही. पेन आय तियाल ओखुतोहो ओन तिया वचन पालुहू.
56
मा दिही आवनु आशा किइन तुमा बाहाको आब्राहाम खुब खुशी केअता तियाय वेअयो व तियाल खुशी वेययी.
57
यहुदी तियाल आख्यो, “तुमाहाल आजी पाचाहा वोरेहे वेअये नाहा आने तुमा अब्राहामाल वेअयो हाय का ?”
58
येशुय तियाहान आख्यो, “आय तुमहान खेरोज खेरो आखु, अब्राहामा जोन्म्यो व्येयो तिया आगाल आय हाय,”
59
इयावेने तियाहाय तियाल ठोकाखातोर डोगड उखल्या पेन येशु परमेश्वरा मंदिरामज ठाकोज निगी गिया.