अध्याय – 16
1
येशुय आजी तिया चेलाहान आख्यो, “तुा मरमेश्वरापने भोरुसो सोउीन पुलवाय नाय जा जोजे तियाल तुमाहन मायुय ए गोठ्या आगलोज आखल्या हाय.
2
यहुदी धर्मा पुढारी तुमाहान देवालायामेने बारे काडीदी ते तियाहा परमेश्वरा सेवाज केअताहा ऐहेंकी होमजीन तुमाहन माय टाकी दी एहेंडो टेम आवी.
3
तियाहाय परमेश्वरा बाहाकाल आने मान ओख्या नाहा, तियाखातोर ते तुमाहन एहेंकी केरी.
4
मायु तुमाहान ए गोठ्या इया खातोर आखी थोवल्या हाय का ते गोठ्या जाहा वेरी तहा तुमाहान मा आखलया गोठ्या इत की आवा जोजे, ए गोठ्या मायुय तुमाहान पेहलांज आख्या नाहा काहाका आय आजी थेाडो टेम तुमा आरी रेनारो आथो.
5
पेन जियाय मान मोकल्योहा तियाही आय आमी जाहु पेन तु काही जातोहो एहेंकी तुमामन केडोज मान फुचतो नाहा.
6
आन मायु तुमाहन ए गोठ्या आख्या, तियाल तुमा मोनाम इदगो पोराय गीयोहो.
7
ते बी आय तुमाहान खेरोज आखुहू आय होरग्या बाहाकाही जाहु इ तुमा हारा खातोर हाय, आय नाया गियो ता तुमा मोदत केनारो आत्मो आवे नाय, आन आय जाहा जाये ताहा मोदत केनाराल तुमाही मोकली देहे.
8
आने तो आवीन पाप बोद्दल न्यायीपणा बोद्दल आन न्याय निवाडा बोद्दल दुन्या लोकाहान होमजावी दी.
9
ते लोक मापे भोरुसो थोवता नाहा तियालुज ते तियाहा पापामुज रेताहा.
10
न्यायीपणा बोद्दल तो आवीन तुमाहान होमजावी दी काहाका आय होरग्या बाहाकाही निंगी जाहे, ताहा आय तुमाहान देखानारो नाय,
11
आने न्याय निवाडो बी गियहो तियाखातोर इया दुन्यामन पापी लोकाहा न्याय निवाडो नक्कीज वेअनारो हाय द तो लोकांहान होमजावी दी.
12
मान आजी तुमाहान आखनु सारख्या खुबूज गोठ्या हाय, पेन तु तुमाहान खेटाय नाय,
13
ते बी जाहा खेरो आत्मो आवी ताहा तो तुमाहान वाट देखवीन खेऱ्या हाय ते होमजुनु मोदत केरी काहाका तो आत्मो सोबताहा गोठ्या आवनारी नाहा पेन जो तो बाहाकाही ने उनायी तोंज आखी, आन तिही देखानाऱ्या गोठ्य तुमाहान आखी.
14
तो मा नाव उचो केरी काहाका तो मा गोठीहीमनज तुमाहन आखी
15
जो काय होरग्या बाहाका हाय तो मा हाय इया खातोरुज जी मा हाय तियामने लीन तो आत्मो तुमाहान आखी एहेंकी आय तुमाहान आखतलो.
16
थोडीक वाअकी माय तुम्हान देखानारो नाह पेन फाचे थोडीक वाअकी माय तुमाहन देखयेहे.
17
एहेंकी आख्यो तियाल इसु चेलाहामने थोडाक जा एक बिहीराल फुचा लाग्यो, “थोडीक वाअकी तुमा मान देखानारो नाय फाचे थोडीक वाअकी माय तुमाहान देखय काहाका आय होरग्या बाहाकायही जाहु एहेंकी एपलाय आख्यो, तो तुमाहान होमजायो का ?
18
ते चेला आख्या लाग्या “थोडीक वाअ इ का आखहो ? इ आमाहान काय होमजातो नाहा!
19
ते तिया काय तेबी फुचा हाय एहेंकी होमजीन येशुय तियाहान आख्यो, “थोडीक वाअ तुमा मान देखाहा नाय, आन थोडीक वाअ तुमा मान देखाहा इ जो आय गोग्यो तियाल तुमा एक बिहीराल फुचताहा !
20
मान जो वेनारो हाय तो आय तुमाहन खेरो खरो आखी देखावुहू, तुमा रोहा आन दुखी व्याहा पेन दुनीयाम लोक ताहा आनंद केरी तुमा दुखी व्याहा पेन तुमा दुख जातो री आन तुमाहान आनंद वेरी.
21
जाहा एगदी बाय पोयराल जोल्मो देहे ताहा तियुल खुब तारास वेहे पेन तियुय पोयराल जोल्मे देदो ताहा तियु पोयरो दुन्याम जाल्माल आलो यिाल तियुल आंनद वेहे, आन ती बादो दुख आन तारास विहाराय जाहे
22
तियाज होच आमी तुमहान दुख हाय पेन आय तुमाहान मिलेहे ताहा आनंद क्याहा, आन तुमामने तो आनंद केडोज काडी नाय लेनारो.
23
त्या दिहाल मान काहीज फुचा मा पेन आय तुम्हान खेरो खेरो आखुहू पेन मो नावाकी होरग्या बाहाकाही तुमा जो मागाहा तो तुमहान दी.
24
आमी लुग तुमाहाय मा नावकी कावीज माग्यो नाहा पेन मागाहा ताहा तुमाहान मिली आने तुमा आनंद पुरा बी जाय.
25
ए गोठ्या आय तुमाहान दाखलाहाम आखतलो पेन आमी आय कावीज दाखलाकी नाय गोगू पेन होरग्या बाहाका बोद्दल आम आय तुम्हान खुलली रिते आखेहे एहेंडो टेम आललो हाय.
26
तिदीही तुमा मा नावाकी मागाहा पेन आय तुमा खातोर होरग्या बाहाकाल आखी देखावेहे एहेंकी आय आख्तो नाहा.
27
काहाका बाहको सोवताहा तुमाहापे माया केहे काहाका तुमाहाय मापे माया केयी आने आय बाहाकाहीने आलोहो एहेंकी भोरुसो बी थोव्योहो.
28
आय होरग्या बाहाकाहीने दुनियाम आललो पेन आमी आय दुनिया सोडीन फाचे होरग्या बाहाकाय जाहु.
29
ताहा चेला येशुल आखा लाग्या, “आमी मु आमा रीते गोगतोहो, हाखला आखातो नाहा,.”
30
आमी आमाहान होमजाय गियो का तु बादो जातोहो आन तुल केललीज गोठ फुचनु गोरज नाहा, तियाल आमा भोरुसो केताहा का तु पोरमेशवराहीने आल्लो हाय.
31
इ उनायीन येशुय आख्यो “आमी तुमा भोरुसो केताहा का ?”
32
पेन आमी एहेंडो ऐम आवी, आने आललोज हाय जाहा तुमा फोबजीन खागो-वागा विइन मान एखलोज रा दिइन जियातिया बाटल्याहा तबी आय एखलो नाहा मा होरग्या बाहाको मा आरीज हाय.
33
आय ए गोठ्या तुमाहान इया खातोर आखुहू का तुमाहान मा इहीने शांती मिला जोजे दुन्याम जिवते रेता तुमाहान तारास हाय. पेन तुमा काबरायाहा मा हिंमत राखा मायुय दुन्या सोंकतील जिकी लेदिही.