¹ Sy mitoka fatrasy ra gny Fahendre? Sy manandra-peo ra gny fahazava-say? ² Eo amireo tapo-kavoa agnilanigny lala, ao amireo sapana-dala, gny hizoroanigny Fahendre. ³ Eo anoloan'ireo vavahady ao aminigny fidira magnagny atana, eo aminigny fidera magnao atana, gny hitokavany. ⁴ "Handrareo, ry vahoaky, gny tokaviko; gny feoko dra ho an'ireo zanak'olombelo. ⁵ Handrareo ze babo, menara fahendrena; dra handrareo ze mola, mana fahazava-say handrareo. ⁶ Tenoy, akory mizaka reo raha mendri-kaza zaho, dra gny fa misokaky gny sogniko dra hizaka raha mary zaho. ⁷ Fa gny vavako mizaka anizay mendri-pitokia, dra gny faharasia maparikoriko gny maloto. ⁸ Gny zakanigny vavako aby dra mary; sy nisy miolakolaky na fitaky amireo. ⁹ Mihisy ho anigny olo ze mahatakasy anereo; reo zakako dra mary ho an'ireo ze mahita fahalala. ¹⁰ Mandresa gny fapenarako fa sy gny volafosy; mandresa fahalala fa sy gny volamena sy mifangaro. ¹¹ Fa soa noho gny firavaky gny Fahendrena; sy misy harena mitovy aminazy. ¹² Zaho, Fahendrena, dra miara-mony aminigny Fitandrema, dra mana faha-lala vo fahamalia. ¹³ Gny tahosy an'i Yaveh dra ba hakahala gny rasy. Halako gny fieboeboa vo gny fiavognavogna, gny fomba rasy, vo gny zaka rasy. Halako reo. ¹⁴ Mana torohevisy soa vo fahendrena marina zaho; lali-say zaho; anahy gny hery. ¹⁵ Aminigny alalako gny azakan'ireo pazaka__reo lelahy mana-kaza avo koa, vo gny mifehy aminigny fahamarignan'abyzay. ¹⁶ Aminigny alalako gny anapahan'ireo andriandahy, reo mana-kaza, vogny mifehy aminigny fahamarignan'aby. ¹⁷ Tiako ze tian'anahy, dra reo ze mitalian' anahy fatrasy, dra hahita anahy. ¹⁸ Ao aminahy gny harena vo gny voninahisy vo gny fahamarigna. ¹⁹ Gny vokaso dra soa noho gny volamena, eny na gny volamena soa aza; soa noho gny volafosy malio gny vokaso. ²⁰ Mandeha aminigny lalanigny fahamarigna, agnevonireo lalanigny marina zaho. ²¹ Vokas'izay, dra ataoko mandova harena reo ze tian'anahy; fenoko gny fitehiriza-drakis'ereo. ²² Nahary anahy i Yaveh taminigny fiandoha, gny asany volohany tamizay. ²³ Fahiny ela dra zaho___hatragny am-bolohany, hatraminigny fiandohanigny tany. ²⁴ Talohanigny nisianigny ranomasy, dra teraky zaho___talohanigny nahatondraky rano reo loharano. ²⁵ Talohanigny nametraha reo tendrombohisy dra talohan'ireo havoa, dra teraky zaho. ²⁶ Fa teraky zaho talohanigny naharian'Agnahary gny tany na gny saha, eh fa na dre gny vovoky volohany tamizao totolo izao aza. ²⁷ Fa teo zaho fony nanoby gny lagnisy Izy, fony Izy nanorisy boribory tany aminigny farisy gny laliky. ²⁸ Fa teo zaho fony Izy nanoby gny raho dra fony namboary reo loharano tagny aminigny laliky. ²⁹ Fa teo zaho fony Izy namarisy gny fetranigny ranomasy, ko dra sy nihoasy gny fandidia reo rano, dra fony namarisy gny fagnoregna gny tany maiky. ³⁰ Panao asa tagnanao tena mahay teo agnilany gny hazo; Zaho gny fifalia isan'andro isan'andro, mifalia mandrakariva teo anoloany zaho. ³¹ Nifily tao aminigny totolony aby zaho, dra gny fifaliako dra tao amireo zanak'olombelo. ³² Amizao, ry zanako, mitenoa anahy, fa reo ze mitandry gny lalako dra ho voatahy. ³³ Mitenoa gny fapenarako dra hendrea; ka manao sinosino anizay. ³⁴ Ze miteno anahy dra ho voatahy. Hiamby isan'andro eo am-batrangarako izy, mandigny agnilan'ireo sangasangan'ireo vatrangarako. ³⁵ Fa na iza na iza mahita anahy, dra mahita fiegna, dra hahita sitraky amin'Agnahary izy. ³⁶ Fa ze sy mahita, dra manola gny ainy avo; reo ze malaiky anahy dra tia fahafatesan'aby."