¹ Gny fonigny pazaka dra rano mikorian'eo atagnan'i Yaveh; aviliny egny amize itiavany anazy zay. ² Gny lalan'olo aby dra mahisy eo imasony avo, fa Yaveh gny mandaza gny fo. ³ Ze manao gny mary vo mahisy dra sitrak'i Yaveh kokoa mihoasy gny soro. ⁴ Gny fiavognavognanigny maso vo fireharehanigny fo__gny zironigny rasy fagnahy_-dra fahota. ⁵ Reo fikasanigny mazoto dra mitariky magnagny aminigny fagnambinan'avo, fa gny olon'aby ze maimaiky loasy dra avy aminigny fahatran'avo. ⁶ Gny fiharia harena aminigny lela mavandy dra entona mihelina dra fandriky mamono. ⁷ Gny herisetranigny rasy fagnahy dra hisiton'anereo, akory manda gny hanao ze rariny ereo. ⁸ Miolakolaky gny lalanigny olo meloky, fa gny olo ze malio dra manao ze mary. ⁹ Aleo kokoa mipetraky eo aminigny zoronigny tafo toy zay mindray tragno aminigny valy pila aly. ¹⁰ Gny harasianigny rasy fagnahy dra magniry fatrasy gny rasy; sy mahita fahasoavan'eo aminigny mason'ireo namany izy. ¹¹ Gny fa faizy gny panirasira, dra ho hendry gny kely say, dra gny fa anary gny olo hendry, dra hihazo fahalala izy. ¹² Mandiniky gny tragnonigny olo rasy fagnahy gny olo-mary; minday gny olo rasy fagnahy ho aminigny loza izy. ¹³ Gny olo ze manapy gny sofony aminigny fitaregnany gny mahatra, dra bo hitarain'avo koa, saingy sy hisy hamaly anazy. ¹⁴ Gny fagnomeza mangingina mapitony gny hatezera dragny fagnomeza miafy dra mapilefy gny fahatezera fatrasy. ¹⁵ Gny fa vita gny fisara, dra mitondra fifalia ho anigny olo-mary zay, saingy minday horohoro ho an'ireo panao rasy zay. ¹⁶ Ze mirenireny miala aminigny lalanigny fahazava-say, dra hisahasy ao aminigny fafazava-say, dra hisahasy ao aminigny fengonanigny maty. ¹⁷ Ze tia fahafinareta dra hahatra; ze tia divay vo dililo dra sy hanan-draha. ¹⁸ Gny olo rasy fagnahy dra solovaiky ho anigny olo-mary, dra gny olo pamitaky dra vili-pagnavota ho anigny olo mahisy. ¹⁹ Aleo mitoby agny atany efisy toy zay mindray aminigny valy pifandisy vo ory. ²⁰ Harena sarobily vo dililo gny ao atragnonigny hendry, fa gny olo mola koa mandany reo. ²¹ Ze manao gny mary vo gny soa fagnahy__zay olo zay dra hahita gny fiegna, fahamarigna, dra voninahisy gny tagnan'ireo mahery, dra mandroda gny ferova fatrasy ze nitokian'ireo. ²³ Na iza na iza miamby gny vavany vo gny lelany dra miaro gny vatany aminigny fahoria. ²⁴ Gny olo miavognavo vo mirehareha__"Panirasira" gny agnarany__dra manao fihesiky feno fiavognavogna. ²⁵ Gny fagnirianigny kamo dra mahafaty anazy, akory manda gny hiasa gny tagnany. ²⁶ Magniry fatrasy mandrisy gny totolo andro izy, fa gny olo-mary dra magnome sady sy kahihisy. ²⁷ Maharikoriko gny soro boak'aminigny rasy fagnahy; maharikoriko kokoa aza zay gny fa minday aizay aminigny atony rasy izy. ²⁸ Ho maty gny vavolombelo sandoky, fa gny olo ze miteno dra hizaka aminigny fotoan'aby. ²⁹ Gny olo rasy fagnahy dra magnamafy gny endriny, fa gny olo mahisy dra matoky aminigny lalany. ³⁰ Sy misy fandefera, sy misy fahalala, dra sy misy torohevisy afaky mizoro hanohisy an'i Yaveh. ³¹ Gny sovala nomany ho aminigny andronigny aly, saingy an'i Yaveh gny fandresa.