¹ Avy eo Myriama vo Arona nizaka nanohisy an'i Mosesy noho ilay vehivavy Kosita izay napakariny. ² Hoy izy ireo ho: ''Mosesy avo koa se gny nizakan'i Yaveh? Moa sy nizaka tamisika koa se izy?'' Dra ren'i Yaveh izay nizakan'izy ireo. ³ Dra tena manetri-tegna ilay lelahy Mosesy, be fanetre-tegna noho gny olon'aby eto atany. ⁴ Teo gny ho eo Yaveh dra nizaka tamin'i Mosesy, Arona, dra Miriama ho: ''Misokaky, hadrareo telo, ho agny amigny tragno-lay fihogna.'' noho izay dra niboaky izy telo. ⁵ Avy eo Yaveh nizoso tegny amigny andrin-drahona. Nisanga teo amigny fidirana ao amigny lay izy dra nitoka an'i Arona vo Miriama. Samy mandroso izy ro. ⁶ Hoy Yaveh ho: ''Akehitriny tenoy gny zakako. Gny fa midray amidrareo gny paminaniko, dra hizaka gny vatako amigny fahitana zaho dra hizaka amigny agnaty nofy. ⁷ Sy manahaky izay Mosesy panopoko. Matoky izy ao amigny tragnoko aby. ⁸ Mizaka mivata amin'i Mosesy zaho, fa sy amigny fahitana na ankamatasy. Hitany gny neniko. Dra nanaoakory hadrareo gny sy matahosy gny hizaka nanohisyb gny panopoko, manohisy an'i Mosesy?'' ⁹ Nirehisy tamin'izy ireo gny hatezeran'i Yaveh, dra avy eo izy nagnenga anazy ireo. ¹⁰ Niala teo amigny raho, dra Miriama lasa boka tapoky___fosy manahaky gny ora-panala izy. Gny nitoliky tagny amin'i Miriama i Arona, dra hitany fa nisy habokana izy. ¹¹ Hoy Arona tamin'i Mosesy ho: ''Ry tompoko, aza hazonina aminay ity fahotana ity. nizaka adaladala izahay, dra nanota. ¹² Ka anga ho manahaky gny zaza vao teraky maty izy izay lany gny asasaky gny nofony raha vao teraky avy ao an-kibon-dreniny.'' ¹³ Noho izay dra nitoka an'i Yaveh i Mosesy. Hoy izy ho: ''Azafady le ba sitragno izy, ry Zagnahary, azafady.'' ¹⁴ Hoy Yaveh tamin'i Mosesy ho: ''Gny nadrora tamin'ny tavany gny babany, dra ho afa-baraka madrisy gny fito andro izy. Hilio agny ambaliky toby madrsy gny fito andro izy. Afaran'izay dra andeso mihery atiky draiky izy.'' ¹⁵ Dra nihily tagny ambaliky gny toby nadrisy gny fito andro izy. Sy nadeha gny vahoaky madra-piharegnany tao atoby. ¹⁶ Tabalik'izaho, dra niala avy tao Hazerota gny vahoaky ary nitody tany an'efitr'i Parana.