¹ Raha misy olo manolosy soro, zay fagnati-pihavana amy raiky amin'ereo biby avy amy andianagn'omby, na lahy na vavy, dra ao izy hagnome biby sy misy handrany eo anoloan'i Yaveh . ² Hametraky gny tagnany eo an-dohany gny fagnatiny izy dra hamono anizay eo ambatrangara gny lay fihaogna.Dra reo zanadahin'i Arona mpisoro hamafy gny lion'izay amin'ereo lafinigny alitara. ³ Hanolosy soro fagnati-pihavana amy afo ho an'i Yaveh gny lelahy.Gny sabora zay mandrakoky na mifandray amy tovany, ⁴ vo reo vihiny ro vo gny sabora zay eo amin'ereo amy alalany gny valahany, dra gny taliaviny agnatiny, miaraky amy vihiny-dra ho alany zay aby zay. ⁵ Reo zadahin'i Arona dra hagnoro anizay eo agnabony gny alitara miaraky amy fagnatisy oroa , zay agnabonigny hita fa mirehisy.Hamoaky hagnisy malefaky ho an'i Yaveh zay;ho fagnatisy oroa natao anazy amy alalany gny afo zay. ⁶ Raha ohasy ka avy aminigny agn'ondry vo osy gny soro gny fagnati-pihavananigny lelahy ho an'i Yaveh;na lahy na vavy, dra sy maisy manolosy soro sy maisy handrany izy. ⁷ Raha manlosy zanakagn'ondry ho ataony soro izy , dra sy maisy atolony eo anoloan'i Yaveh zay . ⁸ Hametraky gny tagnany eo an-dohany sorony vo hamono anizay eo anoloany gny lay fihaogna izy.Dra hamafy gny liony amy sisinigny alitara reo zanadahin'i Arona. ⁹ Hanolosy gny soro gny fagnati-pihavana ho fagnatisy natao tamy afo ho an'i Yaveh gny lelahy.Gny sabora, gny rambony matavy iaby dra hotapahy mariny gny tolan-damosiny , dra gny sabora aby zay magneky reo tovany, ¹⁰ dra reo vihiny ro vo gny sabora ze ao agnatin'ereo , ze ao agnatiny valahany, dra gny taliavy agnatiny, miaraky amin'ereo tegnany -dra ho alany aby zay. ¹¹ Dra hagnoro anizay any zay eo amy alitara ho fagnatisy oroa hahany ho an'i Yaveh gny mpisoro. ¹² Raha ohasy ka osilahy gny fagnatisy gny lelahy, dra hanolosy anizay eo anoloan'i Yaveh izy. ¹³ Ao izy hametraky gny tagnany eo an-dohany gny osilshy dra hamono anizay manoloa gny fihaogna. Dra hamafy gny liony amy lafiny gny alitara reo zanadahin'i Arona. ¹⁴ Hanolosy gny sorony natao tamy afo ho an'i Yaveh gny lelahy.Hanaisotra gny sabora zay mandrakoky reo farisy agnatiny izy, dra gny sabora aby magneky reo farisy agnatiny. ¹⁵ Hanaisosy gny vihiny ro vo reo sabora zay miaraky amin'ereo izy, ze mariny valahina, dra gny talia-agnatiny miaraky amy tegnany. ¹⁶ Hagnoro anizzy aby zay eo agnabony alitara ho fagnatisy hohany natao tamy afo gny mpisoro, ba hamoaky hagnisy malefaky,An'i Yaveh gny sabora aby. ¹⁷ Ho lalana mandrakizay eo amy taranakindrareo fara mandimby amin'izay toera aby honenandrareo zay, dra ao sy hihina sabora na lio iandrareo.'''