¹ Dra andro melohanigny firavoravoanigny Paska izao. Fatas'i Jesosy fa avy gny ora hialany eto amin'izao totolo izao dra handeha agny amigny Ray. Gny fa nitia gny piara-dia taminazy teto amin'izao totolo izao Izy, dra nitia anereo hatramigny farany. ² Dra gny devoly dra fa nametraky anizao tao asain'i Jodasy Iskariota zanak'i Simona, dra gny hamadiany an'i Jesosy. ³ Izy dra nahafatasy fa gny raha aby dra fa napetrakinigny Ray teo apelatagnany dra Izy avy amin'Agnahary vo hihery agny amin'Agnahary ndraiky. ⁴ Nisanga Izy teo apihinana dra nangalaky gny akazony ivelany. Boak'eo Izy nangalaky lamba dra nino anizay. ⁵ Boak'eo nandraraky rano tao agnaty siny Izy dra nanomboky nanasa gny tombon'ireo pianany dra namafa anereo tamigny lamba nisalorany. ⁶ Nagnato an'i Simona Petera Izy, dra hoy Petera taminazy ho: "Topo hanasa gny tomboko ra hanao io?" ⁷ Jesosy namaly vo nizaka taminazy ho: "Ze ataoko dra bo sy ho azonao gny heviny zao, fa ho azonao avo zay afara agny." ⁸ Hoy Petera taminazy ho: "Sy hanasa gny tomboko mihisy hanao." Jesosy namaly anazy ho: "Raha sy manasa gny tombokao zaho, dra sy mana azara ato aminahy hanao." ⁹ Hoy Simona petera taminazy ho: "Topo, ka gny tomboko avo gny ho sasa, fa gny tagnako vo gny lohako avo koa." ¹⁰ Hoy Jesosy taminazy ho: "Ze fa nandro dra sy mila anizay, afa-sy gny manasa tomboky avo, fa izy dra fa malio tateraky, hanao dra malio, fa sy gny olon'aby." ¹¹ (akory fa fatas'i Jesosy ho iza gny hamadiky anazy; izay gny atony nizakany ho: "Sy handrareo aby gny malio.") ¹² Dra gny fa boaky nanasa gny tombon'ereo Jesosy vo nangalaky gny lambany dra nipetraky ndraiky, dra hoy Izy tamin'ereo ho: "Fatandrareo ra gny nataoko ho andrareo? ¹³ Tokavindrareo zaho ho 'papianasy' vo 'Topo', dra mary gny voazakandrareo, fa zay vatany zaho. ¹⁴ Kanefa raha Izaho, sady Topo gny papianasy, gny nanasa gny tombondrareo, handrareo avo dra tokony hifanasa gny tombondrareo. ¹⁵ Akory fa nagnome ohasy ho andrareo zaho dra handrareo avo koa handrareo. ¹⁶ Zakako amindrareo mary fa gny panopo dra sy lahibe noho gny Topony, na koa gny pinday hafasy dra sy lahibe noho gny nagniraky anazy. ¹⁷ Raha fatandrareo reo raha reo, dra ho tahy handrareo raha magnatateraky anizay. ¹⁸ Sy handrareo aby gny zakako; fataso reo nifiliko__fa izay dra ba hahatateraky gny Sorasy Masy ho: 'Ze mihina gny mofoko dra nanandrasy gny vohotombony hamadiky anahy.' ¹⁹ Zakako amindrareo melo zay hitrangany ba gny fa mitranga zay, dra mety hino handrareo fa Izaho gny Izy. ²⁰ Zakako amindrareo mary fa ze mitakasy anizay nirahiko, dra mitakasy anahy, dra ze mitakasy anahy, dra mitakasy anazy ze nagniraky anahy." ²¹ Gny fa nizaka anizay Jesosy, dra nangorooro gny fagnahiny. Nitalily Izy dra nizaka ho: "Zakako amindrareo mary vtany fa hisy raiky amindrareo, dra magniry gny hamadiky anahy." ²² Nifagnety reo pianany, nagnotany tegna ho iza zay nizakany zay. ²³ Nisy raiky tamireo pianany, ze tian'i Jesosy, nipetraky teo amigny latabasy apitan'i Jesosy. ²⁴ Nagnato io pianasy io Simona Petera dra nizaka ho: "Agnotanio anazy ho iza zakany zahoky io." ²⁵ Dra nihery niaky tamin'i Jesosy izy dra nizaka ho: "Topo, iza zay io?" ²⁶ Boak'eo Jesosy namaly ho: "Gny raiky ze hadonako vo hameko ty mofo tihoky." Dra gny fa nilognany gny mofo, dra nameny an'i Jodasy zanak'i Simona Iskariota zay. ²⁷ Dra tafaranigny mofo igny, dra nilisy tao aminazy satana, dra hoy Jesosy taminazy ho: "Ze ataonao, atovy malaky zay." ²⁸ Tamizay reo aby teo andatabasy sy nisy nahay gny atony nizakan'i Jesosy anazy zay. ²⁹ Gny ilany nieriserisy ho, fa akory Jodasy gny nita gny kitapom-bola, gny nizakan'i Jesosy taminazy ho: "Vilio gny raha aby taliavisika amigny andro firavoravoa," gny ho tokony hagnome raha ho anigny mahatra izy. ³⁰ Raha vo nahare gny mofo Jodasy, dra lasa niboaky nalaky izy. Hariva gny andro tamizay. ³¹ Gny fa lasa Jodasy, dra hoy Jesosy ho: "Amizao dra amem-boninahisy gny Zanak'Olo, i Zagnahary dra amem-bonihasy ao aminazy ao. ³² Zagnahary dra hagnome voninahisy anazy ao amigny vatany, dra izy hagnome voninahisy anazy hatragny. ³³ Ry zaza madiniky, fotoa fohy sisa gny hiarahako amindrareo. Hitalia anahy handrareo, dra araky ze nizakako tamigny Jiosy ho: "Ze andehanako, sy azondrareo andehana.' Dra zakako amindrareo koa zay amizao. ³⁴ Lily vaovao gny ameko andrareo, dra gny hifakatiavandrareo; manahaky gny nitiavako andrareo koa. ³⁵ Amizay gny hahafataranigny maro fa pianaso handrareo, gny mifakatia." ³⁶ Hoy Simona Petera taminazy ho: "Topoko, fa handeha ho eza hanao io?" Namaly Jesosy ho: 'Ze andehanako, dra sy afaky hagnarahandrareo anahy zao, fa hagnaraky handrareo afara agny." ³⁷ Dra hoy Petera taminazy ho: "Topo nagnino zaho gny sy afaky magnaraky Anao? Hafoko ho anao Gny aiko," ³⁸ Dra namaly Jesosy ho: "Hafonao ho anahy ra gny ainao? Zakako aminao marina fa bo sy hagneno gny akoho dra fa handa anahy itelo hanao."