¹ Tahoky gny agnaran'ereo zanadahin'Israely ze nagnagny Egypta niaraky tamin'i Jakoba, zay niaraky tamin'ereo ankohonany aby: ² Robena, Simeona,Levy dra Joda; ³ Isakara, Zebolona,dra Benjamina, ⁴ Dana, Naftaly,Gada dra Asera. ⁵ Reo taranak'i JOkoba dra miisa fitopolo. Josefa koa dra fa tagny Egypta. ⁶ Dra maty i Josefa , vo gny rahalahiny aby, dra reo taranaky reo aby. ⁷ Namokasy reo Israelita, nitombo hatrany gny isan'ereo, dra lasa tena natazaky; feno anazy gny tany. ⁸ Dra nisy mpzaka vaovao nazaka nanera an'i Egypta, zay sy nahafatasy gny mombon'i Josefa. ⁹ Ho izy tamin'ereo vahoakany ho:''Indro , reo Israelita dra maro agn'isa vo matazaky koa noho isika. ¹⁰ Magnatogna, ao isika ifampiraharaha am-pahendrena amin'ereo,raha sy zay dra hitombo isa hatrany izy reo, dra raha vaky gny aly, dra hamozy reo fahavalosika izy reo, hialy amisika, dra handao gny tany.'' ¹¹ Koa dra nametraky mpifehy izy reo ba hampahory anazy reo amy asa fatrasy . Nagnamboasy tana fitehiriza ho an'i Farao reo Israelita:Pitoma vo ramesesa. ¹² Fa viamaiky reo Egyptiana mampahory anazy reo, dra voamaiky nitombo agn'isa vo niparitaky reo Israelita. Koa dra nanomboky batahosy reo Israelita reo Egyptiana. ¹³ Napesan'ereo Egyptiana fatrasy hoky Israely. ¹⁴ Nataony sarosy gny fiaignan'ereo tamy fanopoa fatrasy tamy fanova feta sy biriky, niaraky tamin'ereo karazan-draha aby kay ambanivohisy. Gny asa aby nitakeny tamin'ereo dra fatrasy avo koa. ¹⁵ Dra niresaky tamin'ereo mpampivelo Hebreo gny mpazakan'i Egypta;gny agnarani raiky dra Sifra, dra gny raiky Poa. ¹⁶ ho izy ho;''Raha magnatriky reo ampela Hebreo eo amy seza fiteraha iandrareo, dra araho maso izy reo raha miteraky . Raha zazalahy zay, dra sy maisy hovonandrareo izy; fa raha zaza ampela koa, dra afaky anga ho velo.'' ¹⁷ fa natahosy agn"agnahary reo mpampivelo ka sy nanao ze nandidian'i Mpazakan'i Egypta anazy reo; nangan'ereo ho velo reo zazalahy. ¹⁸ Nampitoka reo mpampivelo gny mpazakan'i Egypta ka nizaka tamin'ereo ho:''Nanao akory gny nanao zao iandrareo, dra namela reo zazalahy masaiky ho velo?'' ¹⁹ Dra namaly an'i Farao reo mpampivelo ho:''Sy mitovy amin'ereo ampela Egyptiana reo ampela Hebreo. Matazaky izy reo ka fa nahavita namoaky zaza mialohany hahaviany mpampivelo agny amin'ereo.'' ²⁰ Niravan'Agnahary reo mpampivel reo. Nitombo agn'isa reo mpony dra tena niha-natazaky. ²¹ Satria natahosy agn'Agnahary reo mpampivelo, dra nomeny ankohona izy reo. ²² Handidy reo vahoakany aby Farao ho:''Sy maisy hariandrareo agny amy renirano gny zazalahy aby ze vo teraky , fa gny zaza ampela hangandrareo ho velo.''