¹ Ry zanaky, magneke gny ray aman-dreninao ao amigny Topo, akory mety zay. ² "Hazao gny rainao vo gny reninao" (Izay gny lily volohany misy fapanatena), ³ "ba hahita soa handrareo vo ba ho lava andro iegna eto amboniny tany." ⁴ Handrareo ray, ka minday gny zanandrareo. Fa tezao amigny fisipiky vo reo fapenaranigny Topo ereo. ⁵ Ry panopo, makatoava gny topondrareo eto atany amigny haza ambony vo fatahory, amigny fahasoranigny fondrareo. ⁶ Makatoava sy eo amasonigny topondrareo avo ba hakasitrahan'ereo. Fa makatoava manahaky gny panopon'i Kristy, ze manao gny sitrak;Agnahary amigny fondrareo manotolo. ⁷ Manopoa amigny fonadrareo manotolo, manahaky gny ho manopo gny Topo handrareo fa sy olo, ⁸ akory farasika fa na ino na inoasa soa vali-pitia boak'amigny, dra hitakasy vali-pitia boaky amigny Topo izy, na andevo izy na olon'afaky. ⁹ Handrareo Topo, manova manahaky reo raha reo avo koa amigny panopondrareo. Ka mapihorohoro anereo. Fataro fa Izy ze sady Topondrareo gny Topon'ereo dra gany andagnisy, vo sy misy fengara ao aminazy. ¹⁰ Farany, mahereza ao amigny Topo vo amigny tazaky gny heriny. ¹¹ Itafio gny fialian'Agnahary aby, ba afahanao mizoro manohisy reo tetiky gny devoly. ¹² Fa gny andisika dra sy manohisy gny nofo vo lio. Fa manohisy gny fazaka vo gny fahefa ara-pagnahy vo reo panapaky gny fazakanigny fahamezignan-drasy, manohisy reo fagnahy rasy agny amigny fetoeran-dagnisy. ¹³ Noho zay itafio gny fialian'Agnahary aby, ba afahandrareo mizoro amizao andronigny rasy izao, dra gny fa vitandrareo gny raha aby, dra hahatohisy handrareo. ¹⁴ Mizoro, noho izay, gny fa boaky nanao gny fehitronigny fahamarigna vo gny ferova-trattranigny fahisia handrareo. ¹⁵ Dra manahaky gny kiraro ho anigny tombondrareo, dra hapetaho gny fahavonogna hitory gny filazasaranigny finoa, ze afahandrareo manohisy reo zana-sipiky mirehis'afomigny rasy. ¹⁷ Dra takaro gny fognolohanigny famozena vo gny sabasigny fagnahy, ze zakan'Agnahary. ¹⁸ Amigny vavaky vo fangatahan'aby dra mivavaha amigny fagnahy amigny fotoan'aby. Amizay fomba fesaigna zay, dra membena hatrany amigny faharetan'aby, raha manolosy vavaky ho anireo olo-masin'Agnahary handrareo. ¹⁹ Dra mivavaha ho anah, ba hisy hafasy home anahy gny fa manokaky gny vavako zaho. Mivavaha ba afahako mapahafatasy amigny fahavania gny fahamarigna sihita mombanigny filaza sara. ²⁰ Ho anigny filaza sara gny maha-ambasadaoro voafehy amigny gadra anahy, ba afahako mitalily anizay apahasahia, raha sy maisy hiza azaho. ²¹ Tykiko, gny rahalahy malala vo panopo matoky ao amigny Topo, gny hapahafatasy andrareo gny raha aby, ba hahezandrareo ze ataoko. ²² Nirahiko tamindrareo izy noho io tazona io, ba hahafatarandrareo reo raha momba anay, dra ba afahany mapahery gny fondrareo ²³ Fedagna ho amireo rahalahy, dra gny fitiava miaraky amigny finoa boaky amin'Agnahary Ray vo gny Topo Jesosy Kristy. ²⁴ Gny fahasoava anie ho amigny maro tia an'i Jesosy Kristy Toposika amigny fitiava sy maty mandrakizay.