¹ Sy tokony hiamby gny agnombi'ireo Israelita namanao hanao na gny agnondrinao mandeha amigny lalan-diso dra magnavony gny vatanao amireo; Sy maisy apolinao aminazy reo. ² Raha sy mariny anao reo Israelita namanao, na raha sy mahafatasy anazy hanao, dra sy maisy minday gny biby agny atragnonao hanao, dra sy maisy mindray aminao zay manda-pitaliavany anazy, dra boak'eo dra sy maisy apolinao agny aminazy zay. ³ Tokony manao manahaky anizay amigny apondrany hanao; tokony manaho manahaky anizay amigny fitafia hanao; dra tokony manao manahaky anizay amireo raha gny Israelita namanao levon'avo koa hanao, gny rahany ze levo dra hitanao; sy tokony manafiky gny vatanao hanao. ⁴ Sy tokony magnety gny apondranigny Israelita namanao na gny agnombiny magnety amigny lala dra magnavony gny vatanao amin'ereo hanao; tokony magnapy anizay hiary ndraiky hanao. ⁵ Sy tokony hekazo fekazoan-delahy reo apela, dra sy tokony manao fekazoan-apela reo lelahy; fa na iza na iza manao reo raha reo dra fanevatevan'an'i Yaveh zagnaharinao zay. ⁶ Raha misy akanim-boro miseho eo anoloanao egny an-dala, egny amigny hazo aby na egny amigny tany, mindray amigny zanany na atoly ao aminazy, dra gny reniny mipetraky ao amigny zanany na eo aoly, dra sy tokony hangalaky gny reny mindray amigny zanany hanao. ⁷ Tokony hagnenga gny reny handeha hanao, fa gny zanany dra afaky alanao honao. Makatoava anizay baiko zay ba ho lavorary aminao zay, dra ba hahalava gny andronao. ⁸ Gny fa magnory tragno vaovao hanao, dra asio aro-fany gny tafonao ba sy handesanao lio ao atragnonao raha misy olo mezera boak'eo aminazy. ⁹ Sy tokony hamboly gny tanim-boalobokao mindray amigny karaza voa ro hanao, ba sy halanigny toera masy gny vokasy aby, reo voa ze nafafinao dra gny vokasy gny tanim-boaloboky. ¹⁰ Ka miasa tany amigny agnomby vo apondra indray mandeha hanao. ¹¹ Ka mekazo lamba vita tamigny volon'agnondry vo zamala. ¹² Mamboara sognon'aviavy eo amigny zorony efasy amigny akazo lava ze anovanao. ¹³ Raha misy lelahy raiky mangala baly, mindray mandry aminazy, dra boak'eo malaiky anazy, ¹⁴ vo magnarasy anazy amigny raha mahamegnasy dra manao rasy laza anazy, vo mizaka ho: 'nangalaky anizay apela zay zaho, fa gny fa nagnato mariny anazy zaho, dra sy nahita porofo amigny maha virziny anazy.' ¹⁵ Dra sy maisy mangalaky porofo gny amigny maha-virziny anazy ho an'ireo loholon'ao amigny vavahadinigny tana gny ra vo gny reninigny apela. ¹⁶ Gny ranigny apela dra simaisy mizaka amireo loholo ho: 'Nagnome gny zanako apela ho valanizay lelahy zay zaho, dra nalaiky anazy izy. ¹⁷ Ingo, nagnarasy anazy tamigny raha- mahamegnasy anazy, dra nizaka ho: "Sy hitako tao amigny zanakapelandrareo gny porofonigny maha virziny anazy.'' Kanefa tihoky gny porofo amigny maha virziny gny zanakapelanao.' Boak'eo ereo dra hamelasy gny akazony eo agnatrehan'ireo loholonigny tana. ¹⁸ Tokony hangalaky an'io lelahy io reo loholonigny tana dra hagnasazy anazy, ¹⁹ dra tokony hapanohisy anazy sekely volafosy zato ereo, dra hagnome anizay ho anigny ranigny apela, akory nanao rasy laza tamigny virzinin'Israely raiky ralelahy. Sy maisy ho valiny izy; dra sy afaky gny hisaraky aminazy izy mandrisy gny androny aby. ²⁰ Fa raha mary zay raha zay, fa gny porofo maha-viriziny dra sy hita tao amigny apela, ²¹ dra sy maisy hinday anigny apela agny amigny vatrangaranigny tragnonigny ra ereo, dra reo lelahy agny amigny tana dra sy maisy hitora-bato anazy ho maty, akory nanao raha maharikoriko tagny Israely izy, tamigny fanova fihesiky manahaky gny apela zanga tao atragnon-drany; dra hangalaky gny rasy eo amindrareo handrareo. ²² Raha misy lelahy trasy nindray nadry tamigny apela raiky ze manambaly lelahy raiky hafa, dra sy maisy ho maty ereo ro, gny lelahy ze nindray nadry tamigny apela; dra hangalaky gny rasy eo aminao hanao. ²³ Raha misy apela viriziny raiky, manambaly gny lelahy raiky, dra lelahy raiky hafa mahatrasy anazy ao amigny tana dra mindray mandry aminazy, ²⁴ dra alao ho agny amigny vavahadinigny tana izy ro, dra toraho vato ho maty. Sy maisy mitoraky gny apela hanao, akory sy nitomagny izy, na dre tao amigny tana aza. Sy maisy mitoraky gny lelahy hanao, akory nandika gny valinigny piara-belon'aminazy izy; dra hangalaky gny rasy eo aminao hanao. ²⁵ Fa raha trasin-drahalahiny egny agnahisy gny apela igny fa fofombalin'olo, dra raha azoniny izy dra mindray mandry aminazy, dra gny lelahy ze mindray mandry aminazy avo gny sy maisy ho maty. ²⁶ Fa gny apela sy hanovanao na ino na ino; sy misy heloky mendriky fahafatesa ao amigny apela. Fa zay tranga zay dra manahaky gny lelahy raiky manafiky gny piara-belon'aminazy vo mamono anazy. ²⁷ Fa hitany tagny agnahisy izy; nihiaky fatrasy gny apela fofombalin'olo, kanefa sy nisy olo hafa namozy anazy. ²⁸ Raha misy lelahy mahatrasy apela viriziny raiky nefa sy bo fofombalin'olo, dra raha hazogny vo mindray mandry aminazy izy, dra raha trasy ereo, ²⁹ dra sy maisy magnome sekily volafosy dimapolo amigny ranigny apela gny lelahy nindray nandry taminazy, dra sy maisy lasa valiny gny apela igny, akory nangala baraka anazy izy. Sy tokony hisaraky aminazy izy mandrisy gny androny aby. ³⁰ Sy tokony mangalaky gny valin-dreniny honazy manoka gny lelahy raiky; sy tokony mangalaky gny zonigny fanambalianigny rany izy.