¹ Amigny faranigny isa-pito tao, dra manova fagnafoagna trosa hanao. ² Izay no fombanigny fahafaha; gny mapitrosa vola aby ze napitrosa dra tokony hamoy ze napitrosany amigny pitrosa vola aminazy; sy hangataky anizay amireo piara-belo aminazy izy na gny rahalahiny akory gny fagnafoagnan'i Yaveh gny trosa dra fa voambara. ³ Vahiny raiky gny azonao hangatahy zay; fa na ino na ino eo apelatagnanigny rahalahinao dra tokony hafonao. ⁴ Ko, sy tokony hisy olo mahatra eo aminao (fa Yaveh dra hitahy anao agny amigny tany zeameny anao manahaky gny lova ho fanagnanao), ⁵ raha tao ka miteno soa gny feon'Yaveh zagnaharinao hanao, dra mitandry reo didy aby ze handidiako anao amizao. ⁶ Fa Yaveh zagnaharinao hitahy anao, araky ze napanatenany anao; dra hapitrosa amigny firenena maro hanao, fa sy hindra; hanapaky amigny firenena maro hanao, fa ereo koa sy hanapaky hanao. ⁷ Raha misy lelahy mahatra eo aminao, raiky amireo rahalahinao, ze ao amigny vavahadinao aby eo amigny tany ze namen'i Yaveh zagnaharinao anao, ka magnamafy gny fonao gny magnily gny tagnanao amigny rahalahinao mahatra; ⁸ fa sokafo soa aminazy gny tagnanao dra apindramo ze taliaviny izy. ⁹ Mitandrema ba sy hana sain-drasy ao apo, manao anizahoky ho: "Gny tao fahafito, gny taonigny fahafaha, dra fa mariny, ba sy ho kahihisy eo amason'ireo rahalahinao hanao dra sy hagnome anereo na ino na ino; dra hitaray amin'i Yaveh momba anao izy, dra fahota honao zay. ¹⁰ Sy maisy hagnome izy, dra sy tokony hanegny gny fonao aby magnome anazy hanao, akory gny valin'izay dra hitahy anao amigny asanao aby vo ze aby ataonigny tagnanao i Yaveh zagnaharinao. ¹¹ Akory gny mahatra dra sy hisahasy hisy eto amigny tany; noho zay gny handidiako anao vo hizakako ho: 'Sokafo soa amigny rahalahinao gny tagnanao, ho anize mitalia gny fagnapinao, dra amireo mahatranao ao amigny taninao.' ¹² Raha avily aminao vo manopo anao mandrisy gny eni-tao gny rahalahinao, lelahy Hebreo, na apela Hebreo, dra sy maisy hagnenga anazy malalaky hanao amigny tao fahafito. ¹³ Gny fa anganao handeha malalaky eo aminao izy, dra ka anga handeha tagna-polo. ¹⁴ Vasio agnondry aman'osinao, gny famoloanigny varinao, vo gny famiazam-boalobokao amin-pahalalaha izy. Araky ze fa nitahian'i Yaveh zagnaharinao anao, sy maisy homenao izy. ¹⁵ Tadidio fa andevo tagny amigny tany Egypta handrareo, dra io Yaveh zagnaharindrareo io gny nagnavosy andrareo; noho zay mandidy andrareo zaho ze hanao anizay. ¹⁶ Handringan'anizay gny fa mizaka andrareo izy ho: 'Sy hiala eo amindrareo zaho.' Akory izy tiandrareo vo gny tragnondrareo, dra akory izy soa amindrareo, ¹⁷ Dra alao gny haolo dra teveo amigny sofony eo ambatrangara, dra ho panopondrareo mandrakizay izy. Sy maisy ataondrareo zay ko gny panopovavinao. ¹⁸ Sy tokony ho sarosy aminao gny handefa anazy malalaky amindrareo, akory fa nanopo andrareo nandrisy gny eni-tao izy dra nagnome avo ro heny gny valinigny olo karamany. Yaveh Zagnaharindrareo dra hitahy andrareo amize ataondrareo aby. ¹⁹ Gny lahy aby amigny voloha-teraky gny agnambindrareo vo gny agnondry aman'osindrareo aby dra sy maisy hatokandrareo ho an'i Yaveh Zagnaharindrareo. Sy hanao asa miaraky amigny voloha-teraky gny agnombindrareo handrareo, na magnety gny voloha-teraky gny agnondrinao. ²⁰ Hano eo agnatrehan'i Yaveh zagnaharindrareo isa-tao isa-tao gny voloha-teraky eo amigny toera ze hofilin'i Yaveh, andrareo vo gny akohonandrareo. ²¹ Raha misy kilema zay__ohasy, raha mandringa na poaky, na ino na ino kilema hafa__ka atao soro ho an'i Yaveh Zagnaharindrareo zay. ²² Hihinan'anizay ao amireo vavahadindrareo handrareo; reo olo maloto vo gny olo malio dra sy maisy mihinan'anizay, manahaky gny hihinanandrareo gazela na diera. ²³ Fa koa sy tokony mihina gny lion'izay handrareo; fa araraho eo amigny tany manahaky gny rano gny liony.