¹ Gny olo ilany dra nandeha boaka Jodia agny hatragny Antiokia dra napianasy reo rahalahy, dra nizaka ho: "Raha sy vita tapaky araky gny fomba fanaon'i Mosesy handrareo, dra sy ho voavozy handrareo." ² Izay dra ninday an'i Paoly vo i Barnabasy tao agnaty fifandira vo aly hevisy tamin'ereo. Noho izay i Paoly vo i Barnabasy dra voatery niaraky tamigny ilany hafa tamin'ereo hiakasy a Jerosalema agny ba hihaogna amireo apostoly vo reo loholo momba anizay fognotania zay. ³ Noho izay ereo, nalefanigny fengona, dra namakivaky an'i Foinika vo i Samaria dra nitalily gny fiova-pon'ireo Jentilisa. Ereo dra ninday hafalia lahibe tamireo rahalahy aby. ⁴ Gny fa avy ta Jerosalema ao ereo, dra nitakarinigny fengona vo reo apostoly dra reo loholo, dra nitatisy reo raha aby ze nataon'Agnahary tamin'ereo. ⁵ Nefa gny olo ilany ze nino, ze tao amigny tarik'ireo Fariseo, dra nisanga vo nizaka ho: "Taliavy gny manao fanapaha anereo vo gny mibaiko anereo vo gny mibaiko anereo hitandry gny lalan'i Mosesy." ⁶ Noho izay reo Apostoly vo reo loholo dra nindray nivory ba handiniky anizay raha-misy zay. ⁷ Tafaranigny aly lahibe, nisanga i Petera dra nizaka tamin'ereo ho: "Ry rahaly, fatasao fa taloha ela be Zagnahary gny nanao safidy teo amindrareo, ba ho amigny alalanigny vavako dra tokony hahare gny zakanigny filazasara reo Jentilisa, dra hino. ⁸ Zagnahary ze manahafatasy gny fo, vavolombelo amin'ereo, nagnome gny Fagnahy masy anereo, Manahaky gny nataony tamisika; ⁹ dra sy nanao fagnavakavaha tamisika vo tamin'ereo Izy, nagnalio gny fon'ereo tamigny finoa. ¹⁰ Dra noho izay nagnino handrareo gny misapa an'Agnahary, ho tokony hametrahandrareo zioga eo amigny vozon'ireio pianasy nefa na gny razasika na isika aza sy mahavita milaza? ¹¹ Nefa mino sika fa ho voavozy amigny alalanigny fahasoavn'i Topo Jesosy, manahaky anereo avo koa. ¹² Gny olo aby drasy narevoky nandrisy gny nitenoan'ereo an'i Barnabasy vo i Paoly mitatisy reo famatara vo reo fahagaga niasan'Agnahary ze niasa tamireo Jentilisa tamigny alalan'ereo. ¹³ Gny fa nizano nizaka ereo, dra namaly Jakoba, nizaka ho: "Ry rahalahy, tenoy zaho. ¹⁴ I Simeona dra fa nizaka gny fomba nagnapin'Agnahary ta-pahasoava volohany reo Jentilisa ba hangalaky amin'ereo olo ho anigny agnarany. ¹⁵ Reo zakan'ireo paminany dra momba anizay, araky gny voasorasy ho: ¹⁶ 'Afaran'ireo raha reo dra hevero zaho, dra hananga ndraiky gny tragno lain'i Davida zaho, ze fa nezera; hanambosy vo hagnery amigny loniny ndraiky reo faharavany zaho, ¹⁷ ba hitalia gny Topo reo olo sisa tavela, ao agnatin'izay reo Jentilisa aby ze atao amigny agnarako.' ¹⁸ Izao gny zakanigny Topo, reo ze fa nanao reo raha reo ze fa fatasy tamireo razambe faela. (Fagnamariha: Reo dika-zaka ilany taloha dra mivaky manahaky amizao: "Izao gny nizakanigny Topo, amireo ze fatasy tamigny andro faela gny ilany aby. ¹⁹ Noho izay, gny heviso dra sy tokony hagnakorota reo boaky amigny Jentilisa ze nitoliky tamin'Agnahary isika. ²⁰ Fa isika dra hanorasy ho anereo fa sy maisy miala amigny fahalotoan'ireo sapy ereo, amigny fahavetaveta, dra amigny hegnan'ireo biby vono, vo amigny lio ereo. ²¹ Akory Mosesy dra fa voazaka tamigny isa-tana tamigny andro faela dra izy vaky ao amireo Synagoga isaky gny Sabata. ²² Dra tao soa tamireo apostoly vo reo loholo, niaraky tamigny fengona manotolo, gny hifily an'i Joda ze atao ho i Barnabasy, vo i Silasy, pitariky gny fengona, vo gny handefa anereo agny Antokia agny miaraky amin'i Paoly vo Barnabasy. ²³ Ereo dra nanorasy anitiky: "Hatragny amireo apostoly vo reo loholo, reo rahalahy boaky a Jentily agny, boaky Antiokia, Siria, vo Kilikia: Arahaba! ²⁴ Isika dra fa nahare fa reo olo ilany dra niala tamisika, sy nisy baiko boaky amisika, dra nagnelingely andrareo tamireo fapenara ze napikorota gny fagnahindrareo. ²⁵ Izao gny izy, zahay aby dra fa nagneky gny hifily reo lehaly vo handefa anereo agny amindrareo miaraky amin'i Barnabasy vo i Paoly malalanay, ²⁶ lelahy ze nanao gny ainy sy ho ay ho anigny agnaran'i josesy Kristy Toposika. ²⁷ Noho izay zahay dra magniraky an'i Joda vo i Silasy, nizaka amindrareo io raha io avo amigny zakan'ereo manoka. ²⁸ Fa ho soa amigny fagnahy Masy vo aminay, gny sy hapendesa anaereo eta lahibe noho reo raha tena taliavy reo: ²⁹ ba hialandrareo amireo raha nataondrareo ho fagnatisy amigny sapy, lio, reo raha nivono, dra avy amigny fahavetaveta. Raha mitandry gny vatandrareo amizay handrareo, dra ho soa amindrareo zay. Veloma." ³⁰ Noho izay ereo, gny fa voaroaky, dra nizoso ta Antiokia; boak'eo ereo dra namory gny vahoaky niarak, dra nanolosy gny taratasy ereo. ³¹ Gny fa voavakin'ereo zay, dra nifaly ereo noho gny fapahereza. ³² Joda vo i Silasy, paminany koa, dra nakahery reo rahalahiny tamigny zaka maro vo napahery anereo. ³³ Gny fa boaky nizano fotoa visivisy tao ereo, dra nalefa apedagna boaky amireo rahalahy ho agny amigny ze nandefa anereo ereo. ³⁴ [Fagnamariha: Gny dika-zaka tranainy indridra dra mangalaky gny andininy faha34 (Atio gny Asa 15: 40): "Nefa bo satrin'i Silasy gny hizano teo."] ³⁵ Fa i Paoly vo i Barnabasy dra nizano ta Antiokia agny niaraky tamireo maro hafa, ze napenarin'ereo vo nitalilin'ereo gny zakany Topo. ³⁶ Tafaranigny andro visy i Paoly dra nizaka tamin'i Barnabasy ho: "Ndao sika hihery fa hamangy reo rahalahy amigny tana ze naizakasika gny zakanigny Topo agny ndraiky, dra hahita vasa manao akory ereo ao." ³⁷ I Barnabasy dra te hinday an'i Jaona avo koa atao i Marka hiaraky amin'ereo. ³⁸ Nefa i Paoly nihevisy fa sy soa gny hindesa an'i Marka, ze nagnenga anereo tagny Panfilia vo sy nanohy niara-niasa tamin'ereo niasa. ³⁹ Boak'eo dra sisy fifandira fatrasy, dra nisaraky ereo, dra i Barnabasy ninday an'i Marka niaraky taminazy dra nandeha sambo nagna Sipra agny. ⁴⁰ Fa i Paoly nifily an'i Silasy dra nandeha, tafaranigny nagnomezan'ireo rahalahy anazy andrekisy ho anigny fahasoavanigny Topo. ⁴¹ Boak'eo izy dra nandeha namakivaky an'i Syria vo i Kilikia, dra napatazaky reo fengona.