¹ Gny Boky nisoratiko taloha, ry Teofilo, dra magnambara ze natombok'i Jesosy vo napenariny, ² hatramigny andro napekara anazy, boak'eo dra nandidy reo Apostoly ze nifiliny tamigny alalanigny Fagnahy Masy Izy. ³ Tafaranigny nizaliany, dra naneho gny vatany velo tamin'ereo Izy niaraky tamireo porofo mandresy lahasy maro. NIseho tamin'ereo Izy nandrisy gny efapolo andro, dra nizaka momba gny fazakan'Agnahary. ⁴ Gny fa nihao niaraky tamin'ereo Izy, dra nandidy anereo sy hiala ao Jerosalema, fa handigny gny fapanatenanigny Ray, momba ze, nizakany ho: "Nahare taminahy handrareo ⁵ fa nanao batisa tamigny rano vatany i Jaona, fa handrareo dra tokony hatao batisa amigny Fagnahy Masy ao agnatinigny andro siapy." ⁶ Gny fa tafavory niaraky ereo dra nagnotany anazy ereo ho: "Topo, Izao ra gny fotoa hemeregnanao gny fazaka ho an'Israely/" ⁷ Hoy Izy tamin'ereo ho: "Sy handrareo gny hahafatasy gny fotoa na reo vanin'andro ze nizakany Ray tamigny fahefany manoka. ⁸ Fa gny fa avy koa gny Fagnahy Masy dra hahazo hery handrareo, dra ho lasa vavolombelo eranigny Jerosalema vo i Jodia ray manotolo dra Samaria, vo hatragny aparatany." ⁹ Gny fa nizaka anizay raha zay i Jesosy Topo, dra niandrandra ereo, nakary Izy, dra gny raho nanako Anazy teo amason'ereo. ¹⁰ Raha bo nibazy gny lagnisy igny ereo tamigny nandehanany, tapoky teo, nisy rolahy nekazo fosy nisanga teo agnilan'ereo. ¹¹ Nizaka ereo ho: "Ry lelahy boaky a Galilia agny, magnino handrareo misanga eto magnety gny lagnisy? Igny Jesosy nala tamindrareo ze napekary agny andagnisy igny, dra hihery manahaky gny nahitandrareo anazy niakasy agny andagnisy teo igny. ¹² Boak'eo ereo dra nihery tagny Jerosalema boak'ao amigny tendrombohis'Olova, ze eo agnilanigny Jerosalema, mitovy amigny lianigny andro Sabata raiky. ¹³ Gny fa avy ereo, dra niakasy tao amigny efisy ambony riha, ze nitoeran'ereo. Izy dra i Petera, Jaona, Jakoba, Andrea, Filipo, Tomasy, Bartolomeo, Matio, Jakoba zanak'i Alifeo, Simona Zelota, dra Jodasy zanak'i Jakoba. ¹⁴ Nitambasy ho raiky izy aby, dra nazoto nivavaky. Agnisanizay reo apela, Maria renin'i Jesosy, vo reo rahalahiny. ¹⁵ Tamizay andro zay i Petera dra nisanga teo agnevon'ireo rahalahiny, eo amigny olo 120eo, dra nizaka ho: 16: "Ry rahalahy, tena nitaliavy gny fahataterahanigny Sorasy Masy, ze zinakanigny Fagnahy Masy meloha tamigny vavan'i Davida momba an'i Jodasy, ze ninday reo olo nanambosy an'i Jesosy." ¹⁷ Fa agnisanigny raiky amisika izy dra nahazo gny azarany tamizao fanopoa anizao." ¹⁸ (Amizao io lelahy io dra nivily saka tamigny vola azony tamigny faharasia izy, dra lavo nihohoky teo izy, dra nisokaky vo nipoaky gny vatany, dra niboaky avokoa gny sanainy. ¹⁹ Reo olon'aby tao a Jerosalema ao dra nahare gny momba anizay, dra nitoka io saka io tamigny fizakan'ereo ho: "Akeldama", zay ho: "Sahan-dra.") ²⁰ Fa voasorasy ao amigny bokinigny Salamo ho: "Angao ho lao gny sakany, vo ka anga na dre olo raiky hitoby ao'; Angao ho takarinigny olo-kafa gny andrekiny." ²¹ Noho izay, dra taliavy, gny raiky amireo lelahy nindray tamisika nandrisigny fotoa aby niliran'i Jesosy Topo vo gny nisokafany tamisika eto, ²² hatramigny batisan'i Jaona dra hatramigny andro nekarany teo amisika, dra sy maisy vavolombelo miaraky amisika amigny fisanganany." ²³ Dra nametraky rolahy ereo, dra i Josefa natao ho Barsabasy; na koa atao ho Josta, dra Matia. ²⁴ Nivavaky ereo dra nizaka ho: "Hanao ry Topo, gny mahay reo fonigny olon'aby, ko zakao ze hifilinao amin'izy rolahy ²⁵ ba hangalaky gny toerany ato amizao fanopoa zao vo gny maha Apostoly nohonigny fandikandalana ze nataon'i Jodasy handeha ho agny amigny toerany manoka. ²⁶ Ereo dra niloka ho anereo, dra nilasaky tamin'i Matia gny filoka, dra voaisa ho Apostoly raiky ambiny folo izy.