¹ Zaho loholo mamangy an'i Galo malala, gny tiako amin'gny fahamarigna. ² Ry malala, mivavaky zaho ba hambininy amy raha iaby anao dra ho salama, manahaky gny hanambina gny fanahinao. ³ Fa nifaly be zaho tamy nisy rahalahy avy dra nisanga vavolombelo tamin'gny fahamarinanao. tahaky gny andehananao amy mary. ⁴ Sy mana hafalia be noho itiho zaho, dra gny mahare fa mandeha amin'gny fahamarina reo zanako. ⁵ Ry malala, manao asa mahatoky anao amy ino na ino asa ataonao ho an'ereo rahalahy vo reo vahiny, ⁶ ze nisanga vavolombelo gny fitiavanao teo anatrehan'gny fiangona. Soa gny ataonao raha alefanao mandeha amin'gny fomba mendriky an'Agnahary ereo, ⁷ satria noho gny agnara gny nialany, sy ninday dre ino dre ino aby laha tamin'ereo zetilisa. ⁸ Noho zay isika dra ho mpiara-miasa amy fahamarina isika. ⁹ Nanorasy raha tamin'gny fiangona zaho, kanefa diotrefa, gny te-ho lohany amin'ereo,dra sy nandray anay. ¹⁰ Noho zay,raha avy zaho,dra ho saroako reo asa ze nataony, gny fomba nizakany raha mahasosotry manohisy anay miaraky amin'gny zaka rasy. sy afa-po tamin'ereo asa,dra sy nandramby reo rahalahy izy. Nandrara anereo ze te-hanao manahaky anizay izy dra nandroaky anazy reo hiboaky gny fiangona. ¹¹ Ry malala, ka mangalatahaky ze rasy fa ze soa. Gny raiky ze manao gny soa dra an'Agnahary; gny raiky ze manao gny rasy dra sy nahita an'Agnahary. ¹² Gny sy fahamarina aby dra vavolombelo magnambara an'i Demetrio. Zahay avo koa dra misanga vavolombelo ,dra fatasinao fa mary gny fanambaranay. ¹³ Nana raha maro ho soraty amindrareo zaho, fa sy magniry hanorasy reo amindrareo ami'gny peny vo ranomety zaho. ¹⁴ kanefa zaho manatena hahita andrareo sy ho ela, dra hiresaky mivata isika. ¹⁵ Ho amindrareo seky gny fiadana . Manao veloma anao reo sakaiza atiho. Veloma agny amin'ireo sakaiza kirairaiky araky gny agnarany aby.