¹ Sendra nisy pagnakorota raiky teo amigny toera dra Seba gny agnarany zanadahin'i Bikry, Benjamita raiky izy. Nisioky gny tropetra izy sady nizaka ho: "Sy manan'azara agny amin'i Davida isika, vo meraky sy mahazo lova agny amigny zanadahin'i Jese. Angao gny lelahy aby holy agny atragnony, ry Israely." ² Noho izay dra nagnenga an'i Davida reo lelahin'Israely aby dra nagnaraky an'i Seba zanadahin'i Bikry. Nefa reo vahoak'i Joba nifikisy nagnaraky gny pazakan'ereo, avy amigny lalan'i Jordana aby dra hatragny Jerosalema. ³ Gny fa avy tao amigny lapany tao Jerosalema i Davida, dra nangalaky reo valy andevo folo ze nangany hiamby lapa izy, dra napetrany tao amigny tragno raiky voamby ereo. Nagnome ze nitaliaviny aby izy, fa sy nindray nadry tamin'ereo sasy. Dra nihilly tao ereo mandra-pahavianigny andro nahafatesany, niay manahaky gny pitondrategna ereo. ⁴ Dra hoy gny pazaka tamin'i Amasa ho: "Vorio ao agnatinigny telo andro reo lelahin'i Joda; sy maisy eto avo koa hanao." ⁵ Dra lasa Amosa namory reo lelahin'i Joda, nefa naharisy ela kokoa noho gny fe-potoa ze nandidianigny pazaka anazy izy. ⁶ Dra hoy i Davida tamin'i Abisay ho: "Amizao i Seba zanadahin'i Bikry dra hanao rasy asika mihoasy noho gny natao'i Absaloma. Andeso reo panoponigny toponao, reo maramilako, dra hitrifo izy, raha sy ho hitasika." ⁷ Dra lasa nagneziky anereo lelahin'i Joaba, nindray tamireo Keretita vo reo Peletita dra reo pialy mahery aby. Niala tao Jerosalema ereo ba hagnitriky an'i Seba zanadahin'i Bikry. ⁸ Gny fa teo amigny vato lahibe ze tao Gibeona ereo, dra avy i Amasa ba hiseza anereo. Fa nanovan'i Joba tegny aminazy gny akazo felia, ze nisy fehitroky tegny ambalahany nindray tamigny fitoera-sabany nifehy tamizay. Dra raha nandeha izy, dra lasaky gny sabasy. ⁹ Dra hoy i Joaba tamin'i Amasa ho: "Salama soa ra hanao, ry rahalahiko? Niresin'i Joaba tamin-pitiava tamigny tagnany havana gny volombavan'i Amasa ba horoahy. ¹⁰ Sy sikaris'i Amasa ze tegny atagna-kavian'i Joaba. Nisondromin'i Joaba teo amigny trony i Amasa, dra nivaroraky tamigny tany reo sinainy, sy namely anazy sasy Joaba, dra maty Amasa. Noho izay dra nagneziky an'i Seba zanadahin'i Bikry i Joaba vo Abisay rahalahiny. ¹¹ Boak'eo dra nizano teo amin'i Amasa gny raiky tamireo lelahin'i Joaba, dra hoy gny lelahy ho: "Ze momba an'i Joaba, vo ze momba an'i Davida, angao izy hagnoriky an'i Joaba." ¹² Nihoso gny liony teo agnevonigny lala i Amasa. Gny fa hitanigny lelahy fa nizano gny olon'aby hitanigny lelahy niala teo amigny lala ho agny amigny saka i Amasa. Nisarognany lamba teo agnabony akory hitany fa ze olo mandalo eo aminazy dra mizano. ¹³ Gny fa avy nala teo amigny lala i Amasa, dra nagnaraky an'i Joaba hagneziky an'i Seba zanadahin'i Bikry gny lelahy aby. ¹⁴ Seba dra namakivaky reo fokon'Israely aby tagny Abela agny Beti-maka, vo nanera gny taninigny Berita aby, ze niango dra nagneziky an'i Seba avo koa. ¹⁵ Trasy izy dra nataon'ereo fahirano tagny Abela tagny Beti-maka. Nanandrasy tovo-tany raiky manoloa gny manda teo amigny tana ereo. Gny tafiky aby ze nagnaraky an'i Joaba dra nandrava gny manda ba hapezera anizay. ¹⁶ Boak'eo dra sy apela hendry raiky nitoka gny tao atana ho: "Tenoy, ba tenoy re, ry Joaba! Mandehana eto agnilako ba ho afaky hizaka aminao zaho." ¹⁷ Dra nagnaton'anazy i Joaba, hoy gny apela igny ho: "Hanao ra gny Joaba?" Dra namaly izy ho: "Izaho gny izy." Dra hoy izy taminazy ho: "Tenoy gny zakanigny panoponao." Dra namaly izy ho: "Miteno zaho." ¹⁸ Dra hoy izy ho: "Fizakan'ireo taloha gny ho: 'Mitaliava havisy agny amin'i Abela,' dra izay hevisy zay gny hapisahasy gny olo. ¹⁹ Izahay dra tana raiky amireo ze tena milamy vo matoky indrindra eto Israely. Mikasa hamotiky tana raiky ze reny eto Israely hanao. Nagnino hanao gny tehihina gny lovan'i Yaveh?" ²⁰ Dra namaly i Joaba dra nizaka ho: "Sagnatria, dra sagnatria aminahy, gny hangalaky na hanola. ²¹ Sy mary zay. Fa misy lelahy raiky boak'agny amigny tany havoan'i Efraima, atao ho Seba zanadahin'i Bikry, nanandrasy gny tagnany hanohisy gny pazaka, hanohisy an'i Davida. Ereo gny atolosy, dra hiala eto amigny tana zaho." Hoy rapela tamin'i Joaba ho: "Haria eo aminao hihoasy gny manda gny lohany. ²² Dra tamin-pahendrena gny nagnatognanigny apela igny gny olon'aby. Nitapahin'ereo gny lohan'i Seba zanadahin'i Bikry dra narian'ereo teo amin'i Joaba. Boak'eo nisioky gny tropetra ereo nagnenga gny tana reo lelahin'i Joaba, gny lelahy aby ho agny atragnony aby. Boak'eo i Joaba dra nihery tagny Jerosalema ho agny amigny pazaka. ²³ I Joaba dra agnabonireo tafiky gny Israely aby, dra Benaia zanadahin'i Joiada dra agnabonireo Keretita vo reo Pehilahy. ²⁴ Adorama dra agnabonireo lelahy ze nanao asa aterivozo. Dra Josafata zanadahin'i Ahiloda gny pitahiry. ²⁵ Seva gny panoradalana, dra Zadoka vo Abiatara gny pisoro. ²⁶ Ira gny Jairita gny panolosay an'i Davida.