¹ Aoky reo aby ze ao ambaninigny zioga manahaky reo devoly ba hanao gny topony ho mendriky gny haza aby. Ereo dra tokony hanao anizay ba sy hizaka rasy gny agnaran'Agnahary vo gny fapenara. ² Reo andevo ze mana topo mino dra sy tokony hanao sinosino anereo akory pirahalahy aminazy. Fa koa, ereo dra tokony hanopo anireo hatragny hatragny. Fa reo topo ze napia tamigny asan'ereo dra pino vo tia. Apianaro vo talilio reo raha reo. ³ Hevero fa gny olo dra mapianasy amigny fomba hafa vo sy magneky gny fanoroasika ara-pinoa, ze, zakan'i Jesosy Kristy Toposika. Hevero fa ereo dra sy magneky gny fapenara ze minday agny amigny toera araky an'Agnahary. ⁴ Ze olo zehoky dra merehareha vo sy mahalala na ino na ino. Fa koa, izy dra molan'ireo alihevisy vo reo fandresen-dahasy momba anireo zaka reo. Reo zaka reo dra miteraky felogna, fanevateva, ahiahy rasy, ⁵ dra gny fifandogna eo amireo olo maloto fandinia. Miala amigny mary ereo. Mihevisy izy fa toetra araky an'Agnahary gny fomba ahavia ho panandraha. [Fagnamariha: Gny fandika taloha ilany dra magnapy ho: "Mela amigny raha manahaky anizay". Fa gny fandika taloha soa dra sy magnapy izay.] ⁶ Dra gny tora araky an'Agnahary miaraky amigny fahafaha-po dra tombony lahibe. ⁷ Akory isika dra sy ninday na ino na ino amizao totolo izao. Sy hahavita hinday na ino na ino isika. ⁸ Fa koa, aoky isika ho afa-po amigny hany vo gny fekazoa. ⁹ Dra reo ze te ho lasa panan-draha dra lasaky ao agnatinigny faka-panahy, ao agnatinigny fandriky. Lasaky tao agnatinigny hamola vo reo filana mapidi-doza maro ereo, vo meraky reo hafa mandetiky reo olo ao amigny faharava vo gny fandringa. ¹⁰ Akory fotos'ireo karaza-drasy aby magniry anizay dra fa voavily niala tamigny finoa dra nanindro gny vatan'ereo fahoria lahibe. ¹¹ Fa hanao, ry lelahin'Agnahary, mienga reo raha reo. Miezaky mitalia gny fahamarigna, gny toetra araky an'Agnahary, gny fahareta dra gny hasoafagnahy. ¹² Mialia gny aly soanigny finoa. Hazogny gny fiegna mandrakizay fa ho amizay gny nitokava anao. Izay dra momba gny nizoroanao vavolombelo gny amizay hanao teo agnatrehan'ireo vavolombelo maro tamize soa. ¹³ Izaho dra magnome anao ize lily zay eto agnoloan'Agnahary, ze nahavy gny raha aby ho velo, dra eo agnatrehan'i Kristy jesosy, ze nizaka gny mary teo agnatrehan'i Pontio pilato: ¹⁴ Tehirizo soa gny lily, simana-signy, mandra-pisehonigny toposika Jesosy Kristy. ¹⁵ Gny zagnahary dra maneho gny hisehoany amigny fotoa tokony ho izy_ Zagnahary, gny ray ze nitahy, gny hery toka, gny pazaka ze mazaka, dra gny Topo ze manapaky. ¹⁶ Ereo avo gny mana gny sy fahafatesa dra mitoby eo amigny hazava sy azo hagnatogna. Sy misy olombelo mahita anazy na afaky magnety anazy. Ho anazy anie gny voninahisy vo gny hery mandrakizay. Amena ¹⁷ Zakao gny panan-draha amizao totolo zao ba sy hirehareha, vo manategna gny vara, ze sy azo atoky. Fa koa, tokony hanategna an'Agnahary ereo. Magnome asika gny hareny mary aby Izy ba hifaliasika. ¹⁸ Zakao ereo ba hanao gny sao, ba hanandraha amigny asa soa, ba halala-tagna, dra vonona hagnome. ¹⁹ Amizay fomba zay, dra ho tehirizin'ereo gny fotosy soa ho anigny vatany amize hoavy, dra hihazognany gny zaka fiegna. ²⁰ Ry Timoty, arovy ze natolosy anao. Ialao gny zaka mola vo gny fandresen-dahasy minohisy momba gny fitokava sy izy gny amizao atao ho fahalala. ²¹ Gny olo ilany dra mitalily an'ze raha zay ko dra sy nahasiaro gny ninoany ereo. Ho amindrareo anie gny fahasoava.