¹ boak'eo Nahasa Amonita nandeha vo nitiby tagny jabesi-Gileada. Hoy gny olon' i Jabesy aby taminign'i Nahasy ho: '' Manova fagneke mindry aminay, dra hanopo andrareo zahay,.'' ² Dra namaly i Nahasy Amonita ho: '' Amizao fepetra zao gny hanovako fifagneke amindrareo, dra gny hiposehako gny maso akavanandrareo aby, vo ze fomba handesa fahafaham-baraka eo amin'Israely.'' ³ Vo gny loholon'i Jabesy namaly anazy ho: ''Angao raiky mandrisy gny fito andro zahay, ba hahafahanay mandefa iraky magnagny amigny fari-tanin'Israely aby. Vo, gny sy misy dre raiky aza hamozy anay, dra hitolo-bata amindrareo zahay.'' ⁴ Dra avy tagny Gibea, zay nitobohan'i Saoly reo iraky, vo nizaka anizay raha nitranga tamigny vahoaky. Dra nitomagny fatrasy gny vahoaky aby. ⁵ Vo nindray amigny agnomby boakagnahisy agny i Saoly. Hoy i Saoly: ''Ino gny mahazo anireo vahoaky dra mapitomagny anereo io?'' Dra nizeakanereo tamin'i Saoly ze nizakanigny lelahin'i Jabesy. ⁶ Gny fa niren'i Saoly zay nizakan'ereo, dra nilasaky teo aminazy gny Fagnahin'agnahary, dra ory faratapony izy. ⁷ Nangalaky ziogan'agnomby raiky, dra nikapakapahiny, vo nalefany nagnera any Israely aby nindray tamireo iraky reo. Hoy izy: ''Ze sy hiboaky hignoriky an'i Saoly vo Samoela, dra manahaky anigny gny hanova gny agnombiny.'' Dra nilasaky tamigny vahoaky gny horohoron'i Yaveh, dra nindray niboaky mitivy amigny olo raiky ereo. ⁸ Gny fa namory anereo tagny Bezeka izy, dra nisy telo hesy gny vahoakin'Israely, vo gny olonigny Joda dra telo hariva. ⁹ Hoy ereo tamireo iraky ze avy: ''Hizaka amigny olonigny Jabesi-Gileada handrareo ho: 'Maraindray, amigny fotoa miboa-mahasoandro, dra ho voavozy handrareo.''' KO nandeha gny iraky vo nizaka tamigny olon'i Jabesy, vo nifaly ereo. ¹⁰ Dra hoy gny olon'i Jabesy tamin'i Nahasy: ''Hinolo-bata aminao zahay maraindray, dra afaky ataonao aminazy ze hitanao fa mety aminao.'' ¹¹ Gny maray dra natobin'i Saoly tao agnaty vondro telo gny vahoaky. Dra nagneo agnevonigny toby tamigny fembena marary ereo, vo nanafiky ereo vo naharesy reo Amonita mandra-pahama gny andro. Reo ze bo velo dra naely, ba sy hisianigny ro tavela. ¹² Dra hoy gny vahoaky tamin'i Samoela: ''Iza gny nizaka ho: 'hazaka eto amisika ra i Saoly?' Andeso reo olo, ba hahafahasika mamono anereo.'' ¹³ Fa hoy i Saoly: ''Aoka ba sy hisy ho maty dreraiky amity andro ty, akory nagnavosy an'Israely Yaveh androany.'' ¹⁴ Boak'eo dra hoy i Samoela tamigny vahoaky: ''ndao, handeha sika handeha agny Gilgala vo hagnavao gny fazaka agny ndraiky.'' ¹⁵ ko nandeha tagny Gilgala gny vahoaky aby vo nanao an'i Saoly ho pazaka teo agnatrehan'i Yaveh tagny Gilgala. Tagny gny nanovan'ereo soro fagnati-pihavana teo agnatrehan'i Yaveh dra feno hafalia tateraky.