1
Nanao tihoe Yaveh tamy ndre Mosesy:
2
" Mirehafa amy ty vahoagn'Israely, manao tihoe: ' laha misy ampela managn'anake le misamake ajajalahy, le haloto agnate ty fito andro re, manahake ty fahalotoane agnate reo andro andehana ty lione.
3
Amy ty andro faha-valo le lonike hotaoahy ty motso ty ajajalahy.
4
Bak'eo ty fagnadiova iaze rene bak'amy ty lione hitohy agnate ty telo amby telopolo andro. Tsy tokone hikasike zaka masy re hizilike ao amy ty faritse ty tabernakely mandra-pahatapitsy ty andro fandiova aze.
5
Te laha teraka anak'ampela re, le haloto agnete ty roe heregnandro, manahake ty agnate ty fahandehana ty lione. Le hitohy agnate ty enipolo enign'amby andro fagnadiova iaze rey.
6
laa tapitse ty andro fandiova aze, na ho ahy ty anandahine na anak'ampela, le tsy maintse manday aondre herentao raike ho fagnatitse oroa re, vaho ana-boromahilala roe na domoina soa ho fagnatitse noho ty haratia, ho eo amy ty fiziliha ao amy ty lay fihaogna, ho eo amy ty mpisoro.
7
bak'eo re le hagnomey zane eo agnatreha Yaveh vaho hanao fagnavaha ho aze, le ho voalio amy ty fandehane ty lione re. Zane ro lalàgna amy ty ampisafe ze miterake na ajajalahy na anak'ampela.
8
Laha tsy afake magnomey aondre re, le tsy maintse mangalake voromahilala roe na ana-boromahilala roe, ty raike ho fagnatitse oroa vaho ty raike hafa ho fagnatitse noho ty haratiaa, vaho hanao fagnavaha ho aze ty mpisoro; le halio re bak'eo.'"