1
Nirehake tamy ndre Mosesy naho Arona Yaveh, nanao tihoe:
2
"Mirehafa amy ty vahoagn'Israely, manao tihoe: 'Reto iaby reo zaka-managn'ay zay azonareo hany eo amy reo biby iaby zay eto ambone ty tane.
3
Afake mitava ty biby iaby zay mivaky hotro naho mampimpoly ty haratia nareo.
4
na zane kea, na mampimpoly ty haratia na mivaky hotro kea reo biby sasane, le lonike nareo tsy hitava aiereo, le le reo biby manahake ty rameva, satria mampimpoly haratia re te tsy mivaky hotro. Noho zane le maloto ho anareo ty rameva.
5
Ty hyraka avao kea, satria mampimpoly haratia re te tsy mivaky hotro, maloto ho anareo avao kea zane.
6
Ty bitro, le maloto ho anareo, satria mampimpoly re, te tsy mivaky hotro..
7
Ty koso, na mivaky hotro kea, le tsy mampimpoly haratia re, le maloto ho anareo.
8
Lonike nareo tsy hitava amy ty hena reo, na hikjasike ty faty iareo. Maloto ho anareo reo.
9
Reo biby iaby miay ampo rano zay azonareo tavae le reo zay mana vombone naho kirane, na ao amy ty ranomasy na agne amy ty vavarano.
10
Te reo zaka-mana-piay iaby zay tsy misy vombone naho kirane ao ampo ranomasy na vavarano le tsyazonareo tavay, ao agnty zane reo iaby zay mihetsike ao agnate rano naho reo zaka-mana-piay iaby zay ao ampo rano__lonike ho hakanareo rey.
11
Te lonike ho henje rey, lonike nareo tsy hhitava ty hena rey; vaho ty faty rey avao kea le lonike ho henje.
12
Zay iaby tsy misy vombone naho kirane ao ampo rano le lonike ho halanareo.
13
Reto iaby reo voro zay tsy maintse hohenjinareo naho tsy tokone ho tavainareo: le ty voromahere, ty voltora,
14
ty papango, ty karaza ankoay iaby,
15
ty karaza goake iaby,
16
ty vorondolo naho ty vorondolo magneno, ty voron-drano, vaho ty karaza ankoay iaby.
17
Lonike nareo hakay ty vorondolo kele naho ty vorondolo lehibey, ty manarana avao kea,
18
ty vorondolo foty naho ty vorondolo sompitra, ty ibisa,
19
ty vano, ty karaza vanobey iaby, ty takidara, vaho ty ramanavy avao kea.
20
Reo bibikele managn'elatse zay mandeha amy ty tomboke efatse le fahavetaveta ho anareo.
21
Afake mitava reo bibikely mitily iaby ze mandeha amy ty tombone efatse nareo laha manan-tomboke ambony ty fadiane hitrekane eo amy ty tane avao iareo.
22
Afake mitava reo karaza valala bey, solama, ty valala kele, na ty ampanga iaby avao kea nareo.
23
Te reo bibikel mitily iaby zay manana tomboke efatse le tsy maintse hohenjenareo.
24
Laha mikasike ty faty ty raike amy reo nareo le halotony reo biby reo mandra-pahariva ty andro.
25
Na ia na ia mitipo ty raike amy ty faty reo le tsy maintse manasa ty fisikinane re vaho mijano maloto mandra-pahariva ty andro.
26
Ty biby iaby mivaky hotro zay tsy mizara iaby na tsy mampimpoly haratia le maloto ho anareo. Ze iaby mikasike aze rey le haloto.
27
Ze iaby mandeha amy ty tombone amy reo biby iaby zay mandeha amy ty tombone efatse, le maloto ho anareo. Na ia na ia mikasike ty fatine le haloto mandra-pahariva ty nadro.
28
Na ia na ia mitimpo ty fatine le tsy maintse manasa ty fisikina iareo vaho maloto mandra-pahariva ty andro. Reo biby reo le haloto ho anareo.
29
Laha ty amy reo biby ze milaly amy ty tane le reto iaby reo biby ze halotp ho anareo: ty kionkione, ty valavo, ty karaza androngo lehibey iaby,
30
ty tsatsake, ty anakà, ty androngom-pasike, vaho ty sangorita.
31
Amy reo biby milaly iaby, le reo ro biby zay haloto ho anareo. Na ia na ia mikasike aiereo lafa maty reo le haloto mandra-pahariva ty andro.
32
Laha maty ty sasane amy reo le milatsake amy ty raraha, le haloto zane raraha zane na vita tamy ty hetae, na lamba, na hoditse, na lamba fisaogna zane. Na ino na ino zane vaho na ino na ino ampiasa aze, le tsy maintse hajo ampo rano; haloto zane mandra-pahariva ty andro. Vaho halio bak'eo.
33
Ty valagny tanemanga iaby ze hilatsaha ty biby maloto ao ampone na eo amine, na ino na ino ao ampo ty iaze valagny le haloto, vaho tsy maintse potehinareo zane valagny zane.
34
Ty mahatanjake iaby zay malio naho azo hotavae, nefa nilatsaha ty rano bak'ao amy ty valagny maloto raike, le haloto. Zay iaby mete ho ninome tamy ty velagne manahake zane le haloto.
35
Zay iaby nilatsahane ty sasane tamy ty faty ty biby maloto le haloto, na laforo zane na valagne fiketreha. Tsy maintse potehy zane. Maloto zane le tsy tokone haloto ho anareo.
36
Ty vavarano na famorin-drano zay hamoria ty rano finomy le halio avao laha misy biby manahake zane milatsake ao ampone. Te laha misy ndaty miksaike ty faty ty biby maloto raike ao amy ty rano, le haloto re.
37
Laha misy ampahane amy ty faty ty biby maloto milatsake eo ambony ty voa fambole, le halio avao reo voa reo.
38
Te laha tondraha rao reo voa, vaho laha misy ampahane amy reo faty maloto milatssake eo amy reo, le haloto ho anareo reo.
39
Laha misy biby azy azonareo ho tavay maty, le haloto mandra-pahariva ty andro iazy nikasike ty fatine.
40
Na ia na ia mitava amy io faty io le tsy maintse manasa reo fikinane vaho haloto mandra-pahariva ty andro. Zay iaby mitimpo ty faty manahake zane le hanasa reo fisikinane vaho haloto mandr-pahariva ty andro.
41
Ty biby iaby zay milah
amy ty tane le hohenje; lonike tsy hitava zane.
42
Zay iaby milaly amy ty trone, vaho zay iaby mandeha amy ty tombone efatse, na zay iaby mana tombone maro__ reo biby iaby ze mikasike amy ty tane, reo ro tsy azonareo hotavae, satria hohenje reo.
43
Lonike nareo tsy handoto ty vatanareo amy reo zaa-manam-piay milaly iaby; lonike tsy handoto ty vatanareo amy rey nareo, te haloto amy rey nareo.
44
Te Iraho ro Yaveh Andragnaharenareo. Tokone ho tananareo ho masy ty vatanareo, noho zane, masy, satria masy Raho. Lonike tsy handoto ty vatanareo amy ty karazam-biby iaby zay milaly amy ty tane nareo.
45
Te Iraho ro Yaveh, zay nanday anareo niala bak'ao amy ty tane Egypta, soa ho Andragnaharenareo. Noho zane lonike nareo ho masy, satria Iraho le masy.
46
Zane ro lalàgna mikasike reo biby, reo voro, reo zaka-manam-piay iaby zay mihetsike ao ampo rano, vaho reo biby iaby ze mikisake amy ty tane
,
47
satria tokone hisy fagnavaha eo amy ty maloto naho ty malio, vaho eo amy reo zaka-mana-piay zay azo hotavay naho reo zaka-mana-piay zay tsy azo hotavay."'