1
Vaho lafa afake roe tao nagnenja le nanana nofy raike Farao. Laha nitsanga teo amy Neily reke.
2
Le ingo, nisy aombe vave fito niboake bak'ao amy ndre Neily, mampagniry naho vondraky, vaho nadraoke ankata teo amy sisine reo.
3
Ingo,nisy aombe vavy fio hafa niboake bak'ao amy ndre tafara reo, tsy te-ho tea naho boroka. Nandeha marinike reo aombe vavy hafa teo sisy ty vavarano reo.
4
Bak'eo reo aombe vave marare naho boroka nihina reo aombe vave mampagniry naho vondrake fito. bak'eo nifoha re Farao.
5
Natory ndraike reke vaho nagninofy fagnindroane. Imgo,nisy salohim-bary fito nitiry bak'amy ty taho raike, vokatse bey naho sao.
6
Ingo, nisy salohim-bary fito hafa, matify vaho maike ty rivotse antignana, nivaky tafara reo.
7
Nitele reo salohy fito vokatse bey naho soa reo salohy matify. Taitse Farao, vaho, ingo, nofe zane.
8
Vaho avy ty maray le nitahotse ty fagnahine. Nagnirake le nampikaike reo mpahay aole naho ndatin-kendre ty Egypta iaby reke. Nitalily ndre Farao tamy iareo ty nofine, te nisy na raike tamy iareo afake nagnazava zane tamy ndre Farao.
9
Vaho ty lehibey ty mpitondra kapoake nitsara tamy ndre Farao tihoe: ' Zao raho vao mandinike reo faharatiako.
10
Meloke tamy reo mpiasane re Farao, le nampandeha ahike tagne an-tragnomaike tao an- tragno ty kapiteny ty mpiamby, raho naho lay bey ty mpanao mofo.
11
Niarake nagnonofe zahay tamy io haleke io, raho naho reke. Sambe nana ty nofine arake ty dikane iaby zahay.
12
Nisy tovolahy Hebreo niareke taminay tao, mpiasane lay kapiteny ty mpiamby. Nitalilinay aze vaho nandika ty hevitsy reo nofinay taminay reke. Nandika tamy ty kiraikiraike taminay arake ty nofine iaby reke.
13
Vaho laha nandika ty hivetsy reo nofinay taminay reke le niseho zane. nampoly ndre Farao tamy ty toera nisy ahike raho, te lay raike hafa nahantone."
14
Bak'eo Farao nagnirake le nampikaike andre Josefa. Namboaky iareo malake tao an- tragnomaike reke. Niharatse reke, nisolo akanjo, vaho nagnagny amy ndre Farao.
15
Nanao tihoe Farao tamy ndre Josefa: " nagnonofy raho, te tsy misy afake magnazava zane. Te nahare ty mikasike anao raho, te lafa maharey nofy riha le afake magnazava zane.
16
Namale andre Farao re Josefa' nanao tihoe: " tsy atozane. Andragnahare ro hamale andre Farao arake ze zotone."
17
Nanao tihoe re Farao tamy ndre Josefa: "Tao amy ty nofiko, le ingo, nitsanga teo amy ty sisy ndre Neily raho.
18
Indro, nisy aon=mbe vavy fitonivoake bak'ao amy ndre Neily, vondraky naho mampagniry,vaho nandraoke akata teo amy sisine reo.
19
Ingo, nisy aombe vavy fito niboake tao afara iareo, tsy matavy, vaho boroka. tsy boe nahisake faharatia manahake zane raho nagnera ty tane ndr'Egypta iabe.
20
Reo boroka naho aome vavy rate ro nihina reo aomby vavy vondrake voalohane.
21
Lafa lagn'iareo zane, le tsy nahay akore tehoe nihany iareo zane, satria mboe raty manahake ty toe aloha avao iareo. Bak'eo le nahatiaro raho
22
Nimpoly nagninofy ndraike raho, vaho, ingo, nisy salohim-bary fito nivaky tamy ty taho raike, vokatse maro vaho soa.
23
Ingo, nisy salohim-bary fito hafa, malazo, matify naho maike ty tioke atignana, nivake tafara reo.
24
Nitely reo salohim-bary fito soa reo salohim-bary matify. Nitalilieko tamy reo mpahay aole zane, te tsy nisy tamy iareo afake nagnazava zane tamiko."
25
Nanao tihoe Josefa tamy ndre Farao: " Mitovy reo nofy ndre Farao reo. Ze ho atao andragnahare, le nambarane tamy ndre Farao.
26
Reo aomby vavy fito soa le ty fito tao, vaho ty salohim-bary fito le ty fito tao. Mitovy reo nofy reo.
27
Reo aomby vavy fito boroka naho tsy matavy ze avy tafara iareo le tao fito, vaho reo salohim-bary matify fito maike ty rivotse atignana avao kea le tao fito ty kere.
28
Zane ro raharaha ze nitalilieko tamy ndre Farao. Ze ho ataon' Andrgnahare le nambarane tamy ndre Farao.
29
Ingo, fito tao ty hamaroa ro ho avy magnera tane ndr'Egypta iaby.
30
Fito tao ty kere ro ho avy magnarake zane, vaho ty fahamaroa iaby le ho aligno ao amy ty tane Egypta, vaho handrava ty tane ty kere.
31
Ho aligno ao amy ty faritse ty fahamaroa noho ty kere ze magnarake zane, le hasiake vatane.
32
Nampolimpoline tamy ndre Farao zane nofy zane satria zane raha niseho zane le fa nisafarin'Andragnahare, vaho hanao zane tsy ho ela Andragnahare.
3333
Vaho lonike Farao hipay ndaty manan-tsay naho hendre, le hametrake azy amy ty tany Egypta.
34
Lonike Farao hanao zao: lonike reke hanendre mpiandraikitse ty tane. Lonike iareo hangalaka ty ampahadimy ty vokatse ndre Egypta amy ty tao fito ty fahamaroa.
35
lonike iareo hamory ty sakafo iaby amy io tao soa ze ho avy io le hitahiry ty vokatse eo ambane fahefa ndre farao, mba ho sakafo hoahy reo vahoake. Tokone arova iareo zane.
36
Ty sakafo le ho fagnampea hoahy ty tane amy ty fito tao ty kere ze ho ao amy ty tane Egypta. Amy zane fomba zane ty tane le tsy ho rava ty kere.
37
Soa teo amaso ndre Farao naho teo amaso reo mpiasane iaby zane hevetse zane.
38
Nanao tihoe re Farao tamy reo mpiasane iaby: " Afake mahasike ndaty manahake zane va ntika, ze ao amine ty Fagnahin'Andragnahare?"
39
Le nanao tihoe re Farao tamy ndre josefa: "satria Andragnahare nampiseho anao zane iaby zane, le tsy misy hafa misafiry lalike naho hendre manahake anao.
40
Handay ty tragnoko riha, vaho arake ty tsaranao ro handilia ty vahoakako iaby. Eo amy ty seza fiankina avao raho ro ho ambone noho riha.
41
Nanao tihoe re Farao tamy ndre Josefa: " Ingo,apoko aminao ty tane ndre Egypta iaby."
42
Nala ndre Farao tamy ty tagnane ty peratse misy ty tombo-kase vaho natsofone tamy tagna ndre Josefa. Nampiakanjoane lamba rongone matify reke, vaho nasiane ravake volamenaty vozone.
43
Nampiondranene teo amy ty sarety faharoa ze aze reke. Nikorakoraky nagnoloa aze ty ndaty tihoe: " Mandohaliha. " Natao ndre Farao nanapake teo amy ty tane Egypta iaby reke.
44
Nanao tihoe re Farao tamy ndre Josefa: "Raho ro Farao, vaho ankoatse anao, le tsy misy ndaty hanondrotse ty tagnane na ty tambone amy ty tane Egy pta iaby.
45
Nikaike ty agnara ndre Josefa tihoe: " Zafenata Panea" re Farao. Nomeine ho vale ndre asenata, lay anak'ampela ndre protifera mpisoro ndre Ona. Namakivake ty tane ndre iaby re Josefa.
46
Telopolo tao Josefa laha nitsanga teo agnatreha ndre Farao reke, lay mpanjaka ndre Egypta. NIala teo amy ty fagnatreha ndreFarao reke, vaho namakivake ty tane ndre Egypta iaby.
47
Naharitse ty fito tao soa le namokatse bey ty tane.
48
Navorine iaby ty sakafo iaby nandritsy ty fito tao ze tao amy ty tagne Egypta vaho napetrane tagne amy reo tanam- bey. napone saky ty tana ty sakafo ze bak' amy ty baibo magnodidy zane.
49
Navory ndre Josefa manahake ty fasiky ty ranomasy ty voa,maro mare le ninjano nagnisake reke satria tsy hisake isa zane.
50
Tao aloha ty nahaavy ty tao ty kere, le nana anandahy roe, tamy ndre Asenata, anak'ampela ndre Potifera mpisoro tao Ona, re josefa.
51
Kinaike ndre Josefa tihoe Manase ty taolagnolo, satria nanao tihoe reke: "Andragnahare nampagnaligno ahike ty olane iaby naho ty longo ty babako iaby."
52
Kinaikene tihoe Efraima ty andahine faharoe, satria nanao tihoe reke: "Andrgnahare nahamaro ahike teo amy ty tane ty fijaleako."
53
Andalam-piafara reo fito tao ty fahamaroa tao amy ty tane Egypta.
54
Nanomboke ty fito tao ty kere, arake ty nitalilly ndre Josefa. Nisy kere teo amy ty tane iaby,nefa nisy sakafo kea teo amy ty tane ndre Egypta iaby.
55
Lafa tao agnaty ty kere ty tane iabytao Egypta, le nikaikaike sakafo tamy ndre Farao ty vahoake. Nanao tihoe re Farao tamy reo Egyptiana iaby: " Mandehana agne amy ndre Josefa vaho ataovo ze ambarane anareo."
56
Nagnera ty faritriny ty tane raike iaby ty kere. Nanokatse ty tragno fitehiriza iaby Josefa vaho nivarotse tamy reo Egyptiana. Mafy vatane ty kere tao Egypta.
57
Avy tao Egypta iaby reo furenena iaby mba hivily vare amy ndre Josefa, satria famafy ty kere tagne amy ty tane iaby