1
Hoere tamako tihoe: "o ry ana ô ndaty, mitsangana, sade le hivola aminao Raho."
2
Tafara izay, naho mbe nirehake tamiko re, le nilitse tamiko ty fagnahy naho, le nampitsangagnahy, sady reiko re mirehake amiko.
3
Hoere tamiko tihoe o ry ana ô ndaty, mandefa anao ho amity, ndaty Israely raho, amiareo, firenena, mpiego ty niego tamako-na iareo, na ty Razambeine, le sambe nanonta amako zisike androany!
4
Mana endreke mafe loha naho mafe fo iareo tarana iareo. Nagnirak'anao ho amiareo raho, sady hirehake aminareo riha tihoeke zao ty saontsy Tompo Yaveh'.
5
Na iareo hijanjy, na iareo tsy hijanje. Taranake mpiogo iareo, fara fahakede iareo, hahafantatse ty mpitoky ty tamiareo.
6
Iriha, ana ondaty, tsy matahotse iareo, na ty raharareo. Tsy matahotse, na le misy lefondriha, sady na le tsy miarake amity tsy mahity Riha, Tsy mamen-jaha amity reha iareo, na matahotse ty tarehe iareo, naho iareo tarana ty mpiogo.
7
Naho iriha, nirehake ty rehako tamiareo, na nijanjy iareo na ahaê, mpiogo avao iareo.
8
Fa iriha, ro ana ôndaty, janjegno ty raha rehafeko aminao.Tsy miogo manahake ty tarana ty mpiogo. Sokafo ty vavanao sady hano ty fa namea anao!"
9
Le nagnete raho, sady nisy tana nitsotra ty tamako; nisy horognan-taratasy voa soratse ty tagnate izay.
10
Nisokafene agnatrehako ze sambe voasoratse iaby na ty agnoloa na ty ambalike sady ty voasoratse am'o fitaraign, fandala naho hakeo.