¹ Fagnintelone zao ro nandalovako atoy aminareo. "Ty fitana iaby le tsy maitse mitsanga amy ty porofo amy ty vavolombelo roa na telo." ² Fa nitsara tamy reo ze nanao rate ao taloha naho tamy reo ambane iaby lafa teo fagnindroane, vaho ataliliko ndraeke zay: "Lafa avy ndraeke raho, le tsy hahaferegnay aiereo raho." ³ Mirehake anareo zay raho satria nareo le mipay porofo te re Kristy le mitsara amy ty alalako. Tsy maleme aminareo Reke. Te kea, mahere ao aminareo Reke. ⁴ Te Reke nifantsihe amy ty fahaleme, feie velo tamy ty here ty Andragnahare. Te tika kea le maleme ao amine, feie tika le miara-miay amy ty here ty Andragnahare eo agnivonareo. ⁵ Dineho ty vatanareo laha teanareo ho hisake te ao amy ty finoa nareo. Tsapao ty vatagnareo. Tsy mboe azonareo an-tsay vao zay mikasike ty amy ty vatagnareo te re Jesosy Kristy le ao aminareo? -Laha ohtse nareo le tsy nahombe tamy ty fitsaoa. ⁶ Vaho raho matoke te nareo le hagneke te tika le nahombe amy zay fitsapa zay. ⁷ Henane zao tika le mivavake amy ty Andragnahare te tsy afake ty anao raraha rate nareo. Raho le tsy mivavake ty afake ahisaha te tika le nahombe amy ty fitsapa. Te kea, raho le nivavake ty soa ahafahareo manao ze mete feie tika le mete ho hisake hanahake ty tsy nahombe tamy ty fitsapa. ⁸ Te tika le tsy afake ty hanao raraha manohitse amy ty fahamarigna te ho agne ty fahamarigna arere avao. ⁹ Te tika le mifale lafa maleme vaho mafe nareo. Te tika avao kea le mivavake soa ho ataontika feno nareo. ¹⁰ Manoratse reto iaby reto raho laha magnalavtse anareo raho, lafa miarake aminareo raho tsy voatere manday anareo amy ty siake amy ty fampiasa ty fahefako- ze nomey ty Tompo ahike, soa ampitsanganako anareo, vaho tsy hanimba anareo. ¹¹ Farane, rahalahy, mifalea! miasà ho amy ty famregna amy ty toerane, mahereza, mifagneke ty kiraikiraeke, miaignà am-piadagna le hiarake aminareo. ¹² Mifanalamà nareo amy ty fagnoroha Masy. ¹³ Reo mpino iaby le nanao veloma anareo. [Fagnamariha: Reo dikan-tene sasane le sambe magnambatse ty andinine faha 13 amy ty andinine faha 12 vaho manoa ty andinine faha 14 ho andinine faha 13.] ¹⁴ Lonike ty fahasoava ty Tompo Jesosy Kristy, ty fitiava ty Andragnahare, naho ty fiaraha amy ty Fagnahy Masy ho ao aminareo iaby.