¹ Raho le tsy maintse mirehareha, te tsy misy na ino na ino azo bak'amy zay. Te ino na ino azo bak'amy zay. Te raho le hanohy ty amy reo fahisaha naho reo fagnamabara bak'amy ty Tompo. ² Mahay lehilahy ao may ndre Kristy raho ze folo efats'ambe rao lasa zay__na ao amy ty vata na ambalike ty vata, raho tsy mahay, Andragnahare mahay__nala niakatse tagne amy ty lagnitse faha telo. ³ Vaho haintso te io lehilahy io__na ao amy ty vata, na ambalike ty vata, raho tsy mahay, Andragnahare mahay__ ⁴ le nalay niakatse tao amy ty paradisa vaho nadre raraha ze vatagne masy loatse amy ty ndaty ty hitalily aze. ⁵ Amy ty agnara ty ndaty manahake zay le hirehareha raho. Te amy ty agnara ty vatako le tsy hirehareha raho, ankoatse ty miaksike reo fahalemeko. ⁶ Laha te hirehareha raho, le tsy ho adala raho, te hitalily ty to. Te hifehe vata amy ty firehareha raho, soa tsy hisy na ia na ia hihevitse ahike ho ambone noho ze hisake amiko na heno bak'amiko. ⁷ Hifehe vata amy ty firehareha avao kea raho noho reo karaza fagnambara miavake reo. Noho zay, soa tsy ho feno firehareha raho, le nasia fatike ty nofotsiko, ty mpinday hafatse ndre Satane hagnakoronta ahike, soa tsy hirehareha loatse raho. ⁸ Intelo raho no nisoloho tamy ty Tompo ty mikasike zay, soa hagnafahane zay amiko. ⁹ Te nanao tihoe reke Tamiko: "Ampe ho anao ty fahasoavako, te ty here le natao ho lafatse ao amy ty fahalemea." Aleoko mirehareha bey loatse ty amy ty fahalemeko, soa hitoboaha ty here ndre Kristy ato amiko. ¹⁰ Noho zay finaritse noho re Kristy ao amy ty fahalemea, amy ty fagnenjeha vaho ao amy ty fotoan-tsarotse raho. Te na ombia na ombia maleme raho, le matanjake. ¹¹ Raho le lasa adala! Nareo ro nanere ahike amy zay, te raho le tokone noderainareo. Te raho le tsy ambane noho reo ze kaihe tihoe apostole ambone reo zao, na le tsy misy dikane kea raho. ¹² Reo famantara to ty maha Apostole le nitanterahy teo aminareo tamy ty fahareta iaby, famantara naho haveregna vaho asa mahavere. ¹³ Te hanao akore nareo ro tsy manan-danja noho reo fiangona sasane, ankoatse ty tsy maha vesatse ahike ho anareo? mamelà ahike noho zay fahadisoa zay! ¹⁴ Ingo! Vono ho avy fagnintelone agne aminareo raho. Tsy ho vesatse ho anareo raho, te raho le tsy mipay ze anareo. Nareo ro mpaiko. Te tsy ty anake ro tokone hihare ho ahy reo rae aman-drene. Te kea, reo rae aman-drene ro tokone hihare ho ahy reo anake. ¹⁵ Raho le ho fale tanterake handane naho ho lanie ho ahy ty fagnahinare. Laha mitea bey anareo raho, le hotiave kele vao raho. ¹⁶ Te na manahake zay kea tsy nagnavesatse anareo raho. Te, satria raho fetsifetse bey, le rahi iaze raeke ze nahazo anareo tamy ty fitake. ¹⁷ Nao nagnararaotse anareo tamy ty alala ty ndaty ze nalefako taminareo vao raho? ¹⁸ Nagnirake malake ahy ndre Titosy ho agne aminareo raho, vaho nalefako niarake taimne reo rahalahy ilane. Nao nagnararaotse anareo vao re Titosy? Nao tsy miray lala vao tika? Nao tsy lia raeke vao tika? ¹⁹ Nao mieritseritse nareo te agnate zay fotoa iaby zay le niaroty vatagnay taminareo zahay? eo agnatreha ty Andragnahare, ro irehafanay teo amy ndre Kristy ty raraha iaby soa ho fampahereza anareo. ²⁰ Te matahotse raho soa lafa avy raho le mete tsy hahisake anareo arake ty fagnantegnako. Matahotse raho soa tsy ho hisanareo araek ty fagnantegnanareo. Matahotse raho te sao le mete hisy siake, fagniria amy ty fitiavan-tegna, tsiko, firehareha, vaho fikorontagna. ²¹ matahotse raho soa lafa mimpole, le hanetre ahike eo agnatrehanareo ty Andragnahareko. Matahotse raho sao mete halahelo ty amy reo maro ze nanao rate teo aloha, le mbe tsy nibebake tamy ty fahalotoa naho fijangajanga vaho ty fipozipozia feno fagniriandrate ze natao iareo.