¹ Da andro mialohan'e firavoravoan'e Paska izao. Tantan'i Jesosy fa avy gne lera hialany eto amin'izao tontolo ity izao ka handeha ame Ray. Reha nitia gne mpiara-dia taminazy tam'ity zao tontolo izao ity Izy, da nitia andreo hatram'e farany. ² Da gne devoly da efa nametraky izao tam'e saignin'i Jodasy Iskariota Zanak'i Simona, da gne hamadiky an'i Jesosy. ³ Izy da nahafantatry gne fa raha marobe da efa napetrak'e Ray tam-pelatagnany ary Izy da avy amin'Andriamanitry da niverigny amin'Andriamanitry. ⁴ Nitsangagny Izy tame nisakafo da nangalaky gn'akanjony ivelany. Ave teo Izy nangala lamba da nisafotry anizany. ⁵ Avy teo da nandraraky rano tagnatin'e siny Izy da nanomboky nanasa gne tongotrin' e mpianatry da namafa andreo tamin'e lamba nirakofany. ⁶ Nagnantogny an'i Simona Petera Izy, da hoy I Petera taminazy hoe: "Tompo, hanasa gne tongotriko me Anao?" ⁷ Jesosy namaly Anazy da nizaka taminazy hoe: "Gne raha aniko da mbola tsy hoazonao am'izao e dikany, fa ho azonao avao izany afara agny." ⁸ Hoy I Petera taminazy hoe: "Tsy anasa gne tongotriko mihintsy Anao." Jesosy namaly Anazy hoe: "Raha tsy manasa gne tongotrinao Iao, da tsy managny anjara aminà atoa anao." ⁹ Hoy I Simona Petera taminazy hoe: "Tompo, ka gne tongotriko avao gne sasagny, fa gne tegnako sy gne lohako avakoa." ¹⁰ Hoy Jesosy taminazy hoe: "Gne efa avy nandro da tsy mila izany, afa-tsy gne manasa tongotry avao, fa izy da efa madio tanteraky; Anao da madio, fa tsy gne marobe anefa." ¹¹ (Satria efa fantatrin'e Jesosy hoe Ia gne hamadiky Anazy; izany gn'antony e nizakany hoe: "Tsy anareo aby gne madio.") ¹² Ka rehefa avy nanasa gne tongotrin-dreo Jesosy sy nangala gne lambany da nipetraky indraiky, da hoy Izy tamindreo hoe: "Fantatrinareo me gne naniko hoa anareo? ¹³ Angianareo Iao hoe 'mpampianatry' sy 'Tompo' da marigny gne nizakainareo, satria izany marina Iao. ¹⁴ F'izy ra Iao,sady Tompo no Mpampianatry,no nanasa gne tongotry nareo, anareo avokoa da tokony hifanasa gne tongotry nareo. ¹⁵ Satria efa nagnome ohatry ho anareo Iao da mba tokony hagnano akô izay naniko ho anareo avokoa anareo. ¹⁶ Zakaiko aminareo, marina, da marina tokôtry, fa gne mpanompo da tsy lehibe mihoatrin'e tompony; na koa gne mpitondra hafatry da tsy lehibe mihoatr'e nagniraky anazy. ¹⁷ Raha fantanareo io raha maro io, da ho tahigny anareo raha magnatanteraky an'izany. ¹⁸ Tsy anareo aby gne zakaiko; fantako indreo nofidiko- fa izany da mba hahateraky gne Soratry Masigny hoe: 'Izay mihinagny gne mofoko da nanandratry gne vodi-tongotriny hamadiky Anazy.' ¹⁹ Zakaiko aminareo am'izao izany mialohan'e hiboahany mba rehefa mibôky izany, da mety hino anareo fa Iao gne Izy. ²⁰ Zakaiko aminareo, marina, da marina tokôtry, fa gne mandray e nirahiko, da mandray Anà, da izay mandray Anà, da mandray Anazy izay nagniraky Anà." ²¹ Rehefa nizaka an'izany Jesosy, da nangitakitaky gne fagnahiny. Nagnambara Izy sady nizaka hoe: "Zakaiko aminareo, marina, da marina tokôtry fa hisy raiky aminareo hamadiky Anà." ²² Nifagnety indreo mpianatriny, nagnontany tegna hoe ia izany nozakainy zany. ²³ Nisy raiky tamin-dreo mpianatriny, izay tian'i Jesosy, nidoboky tamin'e latabatry ampitan'i Jesosy. ²⁴ Nagnantogny an'io mpianatry io Simona Petera da nizaka hoe: "Agnontanio Anazy hoe ia izany zakainy izany." ²⁵ Da niverigny niankigny tamin'i Jesosy izy da nizaka taminazy hoe: " Tompo, ia izany?" ²⁶ Aveo Jesosy namaly hoe: "Gne raiky izay handonako sy homeko ity mofo ity izany." Ka rehefa nolomany gne mofo, da nomeny an'i Jodasy zanak'i Simona Iskariota izany. ²⁷ Da tafaran'gne mofo da niditry taminazy Satana, da hoy Jesosy taminazy hoe: "Gne haninao, anio malaky izany." ²⁸ Taminizany indreo teo an-databatry tsy nisy nahalala gne antony nizakan'i Jesosy anazy izany. ²⁹ Gne sasany nieritreritry hoe, satria Jodasy gne nitazogny gne kitapom-bola, gne nizakan'i Jesosy taminazy hoe: "Vidio gne ra marobe ilaintsika amin'gne andro firavoravoagny," na hoe tokony hagnome ra anin'gne mahantra izy. ³⁰ Ra vo avy nangala gne mofo Jodasy, da lasa nivoky nalaky izy ³¹ Rehefa dila Jodasy, da hoy Jesosy hoe: "Ankehitriny da omem-boninahitry gne Zanak'Olo, sady Andriamanitry da omem-boninahitry aminazy ao. ³² Andriamanitry da nagnome voninahitry Anazy ame tegnany, da Izy hagnome voninahitry Anazy avy hatrany. ³³ Ô zaza madiniky, fotoagny kidy e sisa gne hiarahako aminareo, sady araky e Raha nozakaiko tamin'e Jiosy hoe: 'Izay andehanako, tsy azonareo handeanagny.' Sady zakaiko aminareo avakoa izany Ankehitriny. ³⁴ Didy vaovao gne omeko anareo, da gne ifankatiavanareo; akô gne fitiavako anareo, gne tokony hifankatiavanareo avakoa. ³⁵ Amin'izany gne hahafantaran'e maro fa mpianatriko anareo, raha mifankatia anareo." ³⁶ Hoy Simona Petera taminazy hoe: "Tompo, fa andeha ho aia Anao?" Namaly Jesosy hoe: "Izay andehanako, da tsy afaky hagnarahanareo Anà am'izao, fa hagnaraky anareo afara agny." ³⁷ Da hoy I Petera taminazy hoe: "Tompo, nagnino me Iao tsy afaky nagnaraky Anao am'izao? Hafoiko ho Anao gne tegnako." ³⁸ Da namaly Jesosy hoe: "Hafoinao ho Anà me gn'ainao? Zakaiko aminao, marina, da marina tokôtry, fa mbola tsy hagneni mintsy gn'akoho da efa handà Anà in-telo anao."