¹ Iriko mba hanahky gny anadahiko, ninono tami-gny nonon-dreniko iha. Voho na aia na aia ahitako gnanao amabliky agny, la afaky magnoroky gnano iaho, voho tsy hisy olo hanao tsinotsino gn'ahy. ² ho tariko voho handesiko an-tragnon-dreniko agny iha, voho la hampianarinao iaho. Hameako divay miharo raha magnitsy hinomy ndraiky ampahany ami-gny ranony gny ampongabendagnitsiko iha. Nisafa tami-gny vatany gny somonjara ³ Gny tagnany havia tami-gny lohako teo voho gny tagnany havagna mandrakok'ahy. nisafa tami-gn'ampela hafa ampela io ⁴ Teako hianiana nareo, ragnanak'ampelani-gn'olon'i Jerosalema, fa tsy hanapaky gny fiarahanay matory nareo la zisiky itamperany. Gn'ampelany gny Jerosalema reo nisafa ⁵ Ia tamy mamonjy miaktsy baka agn'efitsy agni-droy, mianky ami-gny malalany ndroy? Nisafa tami-gny malalany somonjara io namoha gnanao tam-baniny hazo paiso iaho; tami-gny nanorotoroany gn'andrenianao iha; tami-gny niterahany gnanao, namoahany gnanao. ⁶ Ataovo manahaky gny tombo-kase am-ponao ao iaho, manahakygny tombo-kase an-tsandrinao eo, fa mahery manahaky gny fahafateza gny hatea. Gny firehetany gny farahy la tsy magnenga mahazo manahaky gny fiagna tsy hita; magnoro gny lelam-bolony; lelam-bolo mahama noho gny bolo hafa iaby. ⁷ Gny rano magnonja tsy mahavono gny bolony gny hatea,na gny reo safo drano tsy mahafoaky gn'azy. Laha misy olo magnome gny fanagnany iaby an-tragnony ao hakalo hatea, la atao tsisidikany vatany zay fagnomeza zay. Gn'anadahiny somonjara mifampiresaky ⁸ Mana zay ampela rahay, voho mbo tsy mamoty nono ie.Ino ro azony atao ho gnan'anabavinay ami-gn'andro hagnomeza gn'azy ho ami-gny fanambalia? ⁹ Laha manda ie, la hanangananay tilikambo vita ami-gny volafoty tagnaminy teo. Laha varavara ie,la ho pozinay ami-gny hazo sedara pisaky. Nisafa tami-gny vatany gny somonjara ¹⁰ Manda iaho, fa androany gny nonoko reo la manahaky gny reo tilikambo fiarova mahery; ka la vatany matoa vatany iaho amasony. Nisafa tami-gny vatany somonjara io ¹¹ Nana tanim-boaloboky ta Bala-hamona i Solomona. Nahofany tami-gny reo ze te hikarakara gnany zay gny tanim-boaloboky. La tsy maintsy manday sekely volafoty arivo kiraidraiky ho solony gny vokatsy. ¹² Gn'ahy vatany gny tanim-boalobokiko; gny sekely arivo la gnanao, Solomona malalako,voho gny sekely roanjato ho gnany ze mikarakara gnany zay mba ahazoa voakatsy. Gny malalan-ampela nisafa tagnaminy ¹³ Iha mipetraky an-jariday eo, gny reo namako la nijanjy gny feonao; engao iaho mba ho raiky ze ahare gnany zay koa. Nisafa tami-gny malalany gny somonjara io ¹⁴ Malaky, ry malalako, voho ao hanahaky gny gazela na gny diera tanora am-bohitsiny gny reo raha magnitsy egny iha.