¹ Sady nahajery anjely nizotso bakagny an-danitsy aho. Nana gny fanalahidin'ny lavaky tsy hita noanoa ie, sady nana rojo vy bevata tegny an-tagnany. ² Nisambotsy gnan'ny gny dragona ie, gny menarana fahiny, gny devoly , na satana, sady nifeheny arivo tao . ³ Natsipy tagny amin'ny lavaky tsy hita noanoa ie, nihiliany io sady nasia tombon-kase teo aminy. Natao io mba tsy hamitahany gny firenena maro sasy mandra-pahatapiny gny arivo tao. Afaran'io , la tsy maintsy havototsy fotoa kelikely ie. ⁴ Sady nahita seza fiandriana maro aho. Nipetraky teo agnabony reo zay namea fahefa mitsara. Nahita gny fagnahin'ireo zay nitapahin-doha aho noho gny fijoroa vavolombelo mahakasiky gnan'i Jesosy sady nohon'ny tenin-Dranagnahary. tsy niankohoky tamin'ny bibi-dia na tamin'ny sariny rozy, sady rozy la nanda gny handramby gny marky gny bibi-dia teo amin'ny handriny na teo amin'ny tagnany. Tonga velo ndraiky rozy, voho nanjaka niaraky tamin'ny kristy nandritsan'ny arivo tao. ⁵ Gny ambin'ireo maty la tsy velo mandra-pahatapitsy gny arivo tao. Io ro fitsangana voalohany . ⁶ Sambatsy voho masina zay olo mana anjara amin'ny fitsangana voalohany! Eo agnatrehan'io la tsy manan-kery gny fahafatesa faharoe . Rozy la ho mpisoro gnan-Dranaganhary voho Kristy sady hanjaka miaraky Aminy mandritsan'ny arivo tao. ⁷ Lafa tapitsy gny arivo tao, la hovaha ao amin'ny tragnomaiziny Satana . ⁸ Hiboaky ie mba hamitaky gny firenena maro egny amin'ny vazan-tany efatsy_- Goga voho Magoga_mba handay gnan-drozy miaraky ho agny amin'ny aly . Rozy la ho maro manahaky gny fasiky gny ranomasina. ⁹ Niakatsy teo ambonin'ny tany lemaky rozy sady nagnodidy gny tobin'ireo mpino, lay tana malala. Nefa nisy bolo nizotso bakagny an-danitsa sady nandripaky gnan-drozy. ¹⁰ Gny devoly , zay namitaky gnan-drozy, la natsipy tao amin'ny farihy bolo solifara, toera zay hanipaza gny bibi-dia voho gny mpaminany sandoky. Voho hampijaly andro amagn'aly mandrakizay sady mandrakizay rozy. ¹¹ Sady nahajery seza fiandriana foty bevata aho voho gny nipetraky teo agnabony. Gny tany voho gny lanitsa la nandositsy gny fagnatrehany, kanefa tsy nisy toera andehanan-drozy. ¹² Nahita gny maty aho_ Gny lehibe voho gny kely_nijoro teo agnatreha'ny seza fiandriana , sady nivelary reo boky. Sady nisy boky raiky nivelary__ Gny Bokin'ny Fiaigna. Gny maty la nitsara araky zay voasoratsy tao amin'ireo boky , araky reo asany. ¹³ Gny ranomasina namoaky gny maty zay tao agnatiny. Gny fahafatesa voho reo fiaignan-tsihita la namoaky gny maty zay tao amin-drozy , sady gny maty la nitsara araky gny raha nataony. ¹⁴ Gny fahafatesa voho gny fiaignan-tsy hita la natsipy tao amin'ny farihy bolo. Io ro fahafatesa faharoe__ la gny farihy bolo. ¹⁵ Laha nisy agnara tsy hita voasoratsy ao amin'ny Bokin'ny Fiaigna, la natoraky tao amin'ny farihy bolo.