¹ Ho gnan'i mpipaiky hira.Salamo nasan'i Davida.Mifaly ami-gny herinao gny mpanjaka,ry Yaveh!Akory gny habevatan'ny gny fifalia ami-gny famonjea nomeanao! ² Nomeanao gny fagnirian'ny gny fony ndraiky tsy halanao gny fangatahan'ny gny tsihoviny.Sela ³ Fa manday fitahia be ho gnazy Iha,nametaky satro-boninahitsy volamena malio mare teo agnabony Iha. ⁴ nangataky fitahia taminao Ie;la nameanao azy toka;nomeanao andro maro mandrakizay doria ie. ⁵ Bevata mandilatsy gny fandreseanao gny voninahitsiny;fa nagnome famirapirata voho gny voninahitsy tagnaminy Iha. ⁶ Fa magnomea toky fitahia maharitsy ho gnazy Iha;mampifalifaly gnazy ami-gny fifalea fagnatrehanao Iha. ⁷ Fa matoky gnan'i Yaveh gny mpanjaka;ami-gny alalan'ny fagnekea matokin'ny Ambony mare no tsy hangala gnazy. ⁸ Gny tagnanao hanambotsy reo fahavalonao iaby;hanambotsy ze malay gnanao gny tagnanao ankavana. ⁹ Ami-gny fotoa mampasiaky gnanao,la hagnoro an-drozy ao ami-gny bolo be mirehitsy Iha. ¹⁰ Handrava gnandrozy gny bolo.Hamotiky gnanankin-drozy ami-gny tany voho gny tarihan-drozy reo eo agnivon'olombelo Iha. ¹¹ Fa rozy nandiniky hagnisy raty Gnanao;rozy nametsivetsy tetiky raty zay tsy hahasoa gnazy! ¹² Fa hampiamboho gnandrozy koa Iha;hamoakygny lily eo amin-drozy Iha. ¹³ Miakara,Yaveh ami-gny tanjakao;hibeko ndraiky handrengy gny tanjakao rahay.