¹ Hagnampy gnanao amin'gny andro mampijaly anie Yaveh;gny anaran-Ndranagnaharin'i Jakoba anie hiaro gnanao ² noho handefa fagnampia baka amin'gny toera masy mba hanohagna gnanao baka ao Ziona. ³ Ho tiaro anie reo fagnatitrao iaby sady ho ekegny anie gny soro oroanao. Sela ⁴ Hagnome gnanao zay fagniriam-ponao anie Ie sady hagnatanteraky reo fagnirianao iaby. ⁵ La hifaly amin'gny fandresenao rahay, sady ami-gny agnarany Dranagnaharinay hagnoregnanay faneva. Hagnome zay fangatahanao iaby anie Yaveh. ⁶ La haiko Amizao fa hagnavotsy gny olony Yaveh,hamaly gnazy baka an-dagnitsy masy ami-gny herin'ny gny tagnany ankavana zay afaky magnavotsyazy ie . ⁷ Gny sasany matoky gny kalesa ndraiky gny hafa ami-gny soavaly, fa rahay koa la mikaiky gan'i Yaveh Dranagnaharinay. ⁸ Handesy mizotso rozy ka ho lavo,fa tsika la hireny ndraiky hintsagna mahity! ⁹ Yaveh o, lombao gny mpanjaka; ampeo rahay lafa mikaiky.