¹ Teako Iha, ry Yaveh, heriko. ² Yaveh ro harambatoko, fiarova mafiko, zay manday fiarova ho gnahy; Ie ro Ndranagnahariko; harambatoko, mialoky ao Aminy zaho. Ie ro ampingako, tandrokin'ny famonjeko, vo fiarova mafy ho gnahy. ³ Hiantso gnan'i Yaveh zay mendriky ho hengea zaho, sady ho voavonjy amin'ireo fahavaloko zaho. ⁴ Namatotsy gnahy reo talin'ny fahafatesa, sady reo onjan'ny faharatia ro nagnendriky gnahy. ⁵ Namatotsy gnahy reo talin'i fiaignantsy hita; namandriky gnahy gny fandriky gny fahafatesa. ⁶ Nikaiky gnan'i Yaveh zaho tao agntin'ny fahoriako, nikaiky vonjy tamin'ny Ndranagnahariko zaho. Janjigny gny feoko bakamin'ny tempoliny; gny vonjiko la avy teo agnatrehany; avy tao an-tsofiny zay. ⁷ Sady nihotsy vo nihorohoro gny tany; nohorohoro vo nihovitrovitsy avao koa gny fototr'ireo tendrombohitsy fotony neloky Ndranagnahary. ⁸ Niakatsy gny setroky bakamin'ny lavakoriny, sady afo miredareda ro niboaky gny vavany. Nirehitsy tamin'izay gny vain'afo. ⁹ Nosokafiny gny lagnitsy sady nizotso ie, sady teo ambanin'ny tombony gny haizina matevy. ¹⁰ Niondra kerobima Ie sady nitily; nisosa tegny amin'ny elatsy gny rivotsy Ie. ¹¹ Nataony tragno lay nagnodidy gnazy gny haizy, reo raho-mainty tegny an-dagnitsy. ¹² Nilatsaky bakamin'ny helatsy teo alohany gny havandra vo vain'afo. ¹³ Nikotroky tegny an-dagnitsy Yaveh! Nihiaky gny feon'ny Abo Indrindra. ¹⁴ Nandefa gny ana-tsipiky ie sady nampiparitaky reo fahavalony; helatsy maro ro nagnaparitaky gnazy reo. ¹⁵ Bakeo la nipoitsy reo fantson-drano; reo fagnamban'izao tontolo zao la niboaky tamin'ny hikam-pialianao, ry Yaveh-tamin'ny fipoaky gny fofon'ain'ny lavakoronao. ¹⁶ Nagnampatsy gny tagnany baka agnabo Ie; nanday gnahy Ie! Nisinto gnahy bakamin'ny rano manonja Ie. ¹⁷ Nagnavotsy gnahy tamin'ny fahavaloko matanjaky Ie, tamin'reo zay nankahala gnahy, fotony mafy loatsy ho gnahy rozy. ¹⁸ Avy nagnohitsy gnahy rozy tamin'ny androm-pahoriako fa Yaveh ro nanohana gnahy! ¹⁹ Nagnafaky gnahy tegny amin'ny toera malaky Ie; namonjy gnahy Ie fotony nahafinaritsy Gnazy zaho. ²⁰ Nagnome valisoa gnahy Yaveh nohon'ny fahamarignako; manarina gnahy Ie fotony nalio gny tagnako. ²¹ Fa zaho fa nitandry reo lilin'i Yaveh sady tay nivaliky raty fagnahy tamin'ny Ndranagnahariko. ²² Fa teo agnoloako reo lalagny to iaby; laha gny amin'ireo liliny, la mbo tsy nivaliky tamin'ireo zaho. ²³ Zaho avao koa la tsy nanan-tsiky teo agnatrehany, sady nitandry gny tenako tamin'ny fahota zaho. ²⁴ Noho zay la namelo gnahy ndraiky Yaveh nohon'ny fahamariko, fotony nalio teo imasony gny tagnako. ²⁵ Zay mahatoky. La ampisehoanao fahatokisa; gny olo zay tsy misy tsiny, la ampisehoanao tsy fananan-tsiny. ²⁶ Gny olo zay malio, la ampisehoanao fahaliova; fa Iha la mahira-tsay amin'izay raty fagnahy. ²⁷ Fa Iha magnavotsy reo olo ory, sady manambany reo zay mirengirengy! ²⁸ Fa Iha mandrehitsy gny jiroko; magnazava gny haiziko Yaveh Ndranagnahariko. ²⁹ Fa amin'ny alalanao ro ahafahako milomay ambonin'ny saka; amin'ny alalan'ny Ndranagnahariko ro ahafahako mandinga rindry ³⁰ Laha gny amin-Dranagnahary: avy lafatsy gny lalany. Gny tenin'i Yaveh la malio! Ampingan'izay iaby mialoky ao aminy Ie. ³¹ Fa ia ro Ndranagnahary ankoatr'i Yaveh? Fa ia ro harambato ankoatr'i Yaveh? ³² Ndranagnahary ro mametraky hery agnamiko managnahaky gny fehin-kibo, zay mametraky gny olo tsy misy tsiny eo amin'ny lalany. ³³ Ataovo haingam-pandeha manahaky gny diera gny tombony sady mametraky gnahy egny amin'ireo toerany abo! ³⁴ Magnazatsy gny tagnako ho amin'ny aly ie gny sandriko hamoritsy gny tsipiky saba. ³⁵ Fa nomeako gnahy gny ampingan'ny famonjenao. Fa nanohagna gnahy gny tagnanao ankavagna, sady gny fankasitraha la malalaky eo ambaniko ho an'ny tomboky Iha mba tsy hampibolisatsy gny tomboko. ³⁷ Nagnenjiky reo fahavaloko zaho sady nahatratsy gnazy reo; tsy nimpoly zaho nandrapaharava gnazy reo. ³⁸ Nopotehiko rozy mba tsy ahafahany mihary; fa lavo tao ambanin'ny tomboko rozy. ³⁹ Fa iha nametraky hery tagnamiko manahaky gny fehin-kibo ho amin'ny aly; nataonao ambaniko reo zay nitsanga hanohitsy gnahy. ⁴⁰ Nampiamboho gny vozon'ireo fahavaloko ho gnahy Iha; noringaniko reo zay nalay gnahy. ⁴¹ Nikaiky vonjy rozy, nefa tsy nisy nagnavotsy gnazy reo; nikaiky gnan'i Yaveh rozy. Nefa tsy novaliany. ⁴² Notorotoroako maliniky manahaky gny vovoky agnoloan'ny rivotsy rozy; nariako manahaky gny fotaky agny an-dala rozy. ⁴³ Nagnavotsy gnahy tamin'ny fifamalian'ny olo Iha. Nataonao lohan'ireo firenena zaho. Manompo gnahy reo olo tsy haiko. ⁴⁴ Laha vao nahare gnahy rozy, la nakatoa gnahy; voatery niondriky teo agnatrehako reo mpivahiny. ⁴⁵ Avy am-pihorihoroa bakamin'ny fiarova mafin-drozy gny mpivahiny. ⁴⁶ Velo Yaveh; ho hengea anie gny orimbatoko. Ho asandratsy anie gny Ndranagnahary gny famonea. ⁴⁷ Ie lay Ndranagnahary zay namaly faty ho gnahy, zay nanolotsy reo firenena ho ambaniko. ⁴⁸ Afaky tamin'ireo fahavaloko zaho! Eka tokoa, nampiakarinao ambonin'ireo zay nijoro hanohitsy gnahy! Nagnavotanao tamin'ireo johary mahery fihetsiky zaho. ⁴⁹ Noho zay la hagnome fisaora ho gnanao amin'ireo firenena zaho, ry Yaveh; hihira fandrengea ho an'ny agnaranao zaho! ⁵⁰ Ndranagnahary la nagnome fandresea bevata ho gnan'ny mpanjakany sady nampiseho gny fifanekem-pitokia tamin'ilay voahoasony, tamin'i Davida vo reo taragnany rahatsizay.