¹ Vavaka nataon'i Davida. Minjanjigna gny fitarainako gny to' Yaveh o;janjigno gny fitaraignako! Atokilagno amin-gny fivavaky gny vavako tsy misy fitaky gny sofinao. ² Fa ao ho eo aminao gny fahamarignako; engao gny masonao hanenty gny to! ³ Laha mangalam-pagnahy gny foko Iha, laha avy amiko Iha lafa hariva, la halignonao aho sady tsy hahita fagniria raty; tsy hagnota gny vavako. ⁴ Gny amin-gny asan'olo, la tamin-gny resany gny sogninao ro niambenako gny vatako tamin-gny lalan-gny mpanohitsy gny lily. ⁵ Mahery fipetraka teo amin-gny lalanao gny liako; sady tsy lavo gny tomboko. ⁶ Mikaiky aho, fotony mamaly gnahy Iha, Ndranagnahry o, atokilagno amiko gny sofinao sady mijanjigna gnahy lafa misafa. ⁷ Atoro amin-gny lily mahatandregna gny famelanao, Iha ro mamonjy reo mipitiky Gnanao amin-gny alalan-gny tagnan-kavananao amin-gny fahavalon-drozy! ⁸ Arovy manahaky gny anaky andriamasonao zaho; aetaho ao ambany aloky gny elatrao. ⁹ amin-gny fanatrehan-drozy gny raty fagnahy zay mamely gnahy zaho,la reo fahavaloko ze magnodidy gnahy. ¹⁰ Tsy mana famelan-keloky na minia naminia rozy; gny vavan-drozy la nisafa ampiavogna. ¹¹ Nagnodidy gny liako rozy. Nampifantoky gny masokorozy mba handalo gnahy an-tany. ¹² Rozy la manahaky gny liona mamelabelatsy mare, manahaky gny liona tanora mandotsiky amin'ireo toerana fipetrara. ¹³ Mitsangana, Yaveh o! Tafio rozy! Alatsaho amin-gny tany gny vatan-drozy! Avoto tsy ho azon-gny raty fagnahy amin-gny alalan-gny mesonao gnaiko! ¹⁴ Avoto amign'olo amin-gny alaln-gny tagnanao zaho. Yaveh o, la amignolon'izao tontolo izao ze amin'ity fiaigna ity avao ro anjarany! Hamory hanagna gny tron-drozy misy lanjanao Iha; hanataranaky maro rozy sady hagnenga hanagnany ho gnan-gny avorohotany. ¹⁵ Fa zaho koa, la hahita gny vatanao amin-gny fahamarigna zaho, afa-po, amin-gny fagnentea gnanao zaho,lafa mifoha.