¹ Nagnino, Yaveh o, ro nijano egny lavitsy egny Iha? Nagnino gny vatanao ro aetakao amy gny andro sarotsy? ² Amin-drozy mirehareha, la henjehin'-gny raty fagnahy gny malahelo, nefa ao gny raty fagnahy ho voafitaky gny, teti-dratin-drozy zay fanivetsevetsen-drozy avao. ³ Fa gny olo raty fagnahy la mirehareha fagniniany mare; Nankasitraka gnan'ireo tsy mety afa-po ie sady manivativa gnan'i Yaveh. ⁴ Nagnambony gny vatany gny johary raty fagnahy;tsy mila Ndranagnahary ie. Tsy mieritreritsy gny mahakasiky Ndranagnahary vatany ie fotony tsy magnisy dikany azy vatany. ⁵ Voaaro amin-gny fotoa iaby ie, kanefa gny lilinao to la agnabo mare ho gnazy; masiaky gnanireo fahavalony ie. ⁶ Hoy gnataony hoe: " Tsy ho lavo mandrakizay aho; tsy hahajery fijalea aho miarakamin-gny taranako afara iaby. ⁷ Atsiky havoa voho fitaky, gny safa mampidi-doza gny tsihoviny; maratsy voho potiky gny lelany. ⁸ Miezaky mietaky tsy lavitsy gny tana ie. Agny amin-gny toera tsy hita ro amonoany gny tsy manan-tsiny; mila gnan'ireo gny azom-boy ka tsy afaky mandika gnazy. ⁹ Nietaky agny amin-gny toera tsy hita manahaky gny liona agnaty korofotrala ie; ie hikendry gny mijaly. ¹⁰ Ze niazony la nipotepotehiny voho nivangoany;lasa latsaky agnatiny haratony bevata rozy. ¹¹ Izao gnataony hoe: " Fa nagnaligno Ndranagnahary; rakofany gny vatany ;tsy hosahira hanenty ie. ¹² Mitsangana ry Yaveh o! Atsangano gny tagnanao, Ndranagnahary o! ka haligno gny mijaly. ¹³ Nagnino gn'olo raty fagnahy ro tsy manaiky gnan-Dranagnahary sady misafa ao am-pony hoe: " Tsy hitanjaky ahy amin-gny andraikitriko va iha? ¹⁴ Fa nahazo fagnambara Iha. Fa laha hitanao avao azy azon-gny fahoria voho fijalia. Miankina aminao tsy afaky miala, misijiky gny kamboty Iha. ¹⁵ Tapaho gny vatany raty fagnahy voho olo raty. Ataovy ho tompon'antoky rozy amin-gny raty nataony, iazy ataony fa tsy jerinao. ¹⁶ Mpanjaka hatramin-gny farany Yaveh; voaroaky amin-gny taniny reo firenena. ¹⁷ Yaveh o, fa nahare gny fitaraignanireo mijaly Iha, mampahery gny fon-drozy Iha, mijanjy gny vavakin-drozy Iha, ¹⁸ miaro gny kamboty voho gny mijaly Iha ka tsy hisy olo ambonign-gny tany hampitaitaitsy ndraiky.