¹ Miakatsy hanohitsy gnanao hanorotro gnanao ho rav maromaro. mametraha mpiamby ami-gny mandany gny tana eo, embeno lala reo, atanjaho gny vatanao, avorio gny reo miaramilanareo. ² Fa magnampoly ami-gny am-polasiny gny voninahits'i Jakoba manahaky gny vonihats'Israely i Yaveh, na la nirinavany gny mpanimba aza rozy voho nipinotiky gny reo tahom-boaloboky. ³ Gny ampingany reo johary mahery la mena, voho gny reo johary be herim-po miakanjo jaky; mitselatsy gny metaliny reo kalesa ami-gn'andro voho fa natao ho vonona zay, voho gny lefo kypreso la mihevaheva egny ami-gny tsioky. ⁴ Mirafits erakin-dala gny reo kalesa, mifagnaretsaky aty aroy ami-gny lalam-be egny rozy. Mitovy ami-gny fanilo rozy, voho milomay manahaky gny tselatsy. ⁵ Mikaiky gny reo manam-pahefany hanorotoro gnanao ho rava; mifaminga ami-gny lalany egny rozy; mandeha malaky rozy mb hanafiky gny mandany gny tana. Natao pare gny fiarova bavata mba hiaro mba hiarova ami-gny mpanafiky. ⁶ Gny vavahady ami-gny renirano reo la nivinoha bodongero, voho niropaky ho ami-gny faharava gny lapa. ⁷ Napotaky gn'akanjon'i Hozaba voho nalany, mitoloko manahaky gny pizo sady miteha-tratra gn'ampela mpanompony. ⁸ Manahky gny rano-parihy mitsororoky i Ninive, voho lomay manahaky gny rano mandeha gny vahoakany. Gny hafa mihiaky hoe: "Mijanona, mijanona," nefa tsy misy mitoliky. ⁹ Alao babo gny volafoty, alo babo gny volamena, fa tsy hisy fiafarany zay, ho gnani-gny famirapiratsy raha lafo vilin'i Ninive reo iaby. ¹⁰ Rav ndraiky tsisy i Ninive. Malahela gny fony gn'olo iaby, miara-valaketsaky nanongaliky gn'olo iaby, ami-gn'olo iaby ao gny fahoriam-be; hatratsy iaby gny endrin-drozy. ¹¹ Ami-zao aia gny lavakiny liona, gny polasy famahana gny liona tanora, gny polasy fandehanany gny liona lahiny ndraiky vaviny, miaraky ami-gny reo gnanaky liona, navakan-drozy na ino na ino? ¹² Mamotipotiky gnany reo hazany ho gn'ananany gny liona; nakenda gnany reo hazny ho gnani-gny liona vaviny ie, voho nagnantsiky gny zohiny tami-gny haza reo, gny lavany ami-gny sisin-taola voapotipotiky. ¹³ "Ingo, hanohitsy gnanao Iaho__zay ro fagnambaran'i Yaveh tomponi-gny maro. Horoako ami-gny setroky ao gny kalesanao, voho handevo gnany reo liona tanoranao gny meso. Havoriko ami-gny taninao gny babonao reo, voho tsy ho njanjy sasy gny feony reo mpanday hafatsao."