¹ Reo fariseo voho gny mpanoradalagna sasany zay bakagny Jerosalema la avy nivory nagnodidy Gnazy. ² Sady jerin-drozy gny mpianany sasany nihinan mofo tamin'ny tana tsy voadio, izany hoe , tsy voasasa. 3 ( Fa gny fariseo voho gny Jiosy iaby la tsy mba mihina laha tsy fa nanasa gny tanan-drozy, fotony magnaraky gny fombafomban'ireo loholona.) ⁴ Sady lafa mimpoly bakagny an-tsena reo Fariseo , la tsy mihina rozy laha tsy baka mandro. sady mitandrina fomba maro hafa fatratra rozy, manahaky gny fanasa gny kapoaky, voho gny famaragna voho fanaka varahy, sady gny fandria zay ihinanan-drozy.) ⁵ Reo Fariseo voho gny mpanoradalagna nagnotany gnan'ny Jesosy hoe:" nagnino gny mpianatsao ro ts mandeha araky gny fombafomban'ireo loholona, fa mihina gny mofon-drozy amin'ny tagna tsy voasasa?" ⁶ Nefa hoy Ie tamin-drozy :" Isaia naminany soa momba gnanareo mpiahatsaravelatsihy. Nosoratany hoe:" Toy vahoaky toy magnaja Gnahy amin'ny molony, fa gny fony koa lavitsy Gnahy. ⁷ Rava gny fivavaha atolon-drozy Gnahy, laha mampianatsy gny fitsipik'olombelo ho fampianaran-drozy." ⁸ Agnivonareo gny lilin-Dranagnahary ka tanjahonareo mare gny fomban'ny olo." ⁹ sady hoy avao koa Ie tamin-drozy :" Manahaky gny akory gny fanagnarinareo gny lilin'ny Ndranagnahary mba hitandremanareo gny fomban-drazanareo! ¹⁰ Fa hoy Mosesy:" magnaja gny rainao voho gny reninao, sady koa, Zay miresaky raty gny rainy na gny reniny la ho maty tokoa." ¹¹ Kanefa nareo miresaky hoe:" Laha misy johary raiky miresaky gny rainy na gny reniny hoe:" ndra ino ino tianao ho azo tamiko la fa Korbana," ( izany hoe:" Namean-Dranagnahary)__ ¹² la tsy enganareo hanao na ino ino amin'ny rainy voho gny reniny sasy ie. ¹³ Magnafoana gny safan-Dranagnahary nareo noho gny fomban-drazanareo zay nitananareo. Sady raha maro mitovy amin'io koa ro ataonareo." ¹⁴ sady niakaiky gny vahoaky ndraiky Ie ka niresaky tamin-drozy hoe:" Mijanjigna Gnahy, nareo iaby, ka fantaro. ¹⁵ tsy misy raha bakaeo ivelany zay militsy ao agnatin'ny olo ka afaky mahaloto gnazy lafa militsy ao aminy. Fa zay miboaky bakao agnatin'ny olo ro mahaloto gnazy." ¹⁶ [Gny fandika soa mare la tsy magnisy gny andininy faha 16: Laha misy manan-tsofy hijanjy , ao ie hijanjy.] ¹⁷ Sady lafa niala teo amin'ny vahoaky Jesosy ka nilitsy tao an-tragno, gny mpianany nagnontany Gnazy momba gny fagnohara . ¹⁸ Hoy Jesosy taminy:" Nareo koa va mbo tsy mana fahalala? Tsy hitanareo va fa zay iaby militsy ao agnatin'ny olo bakagny ivelany la tsy mahaloto gnazy, ¹⁹ fotony tsy afaky militsy ao am-pony io, fa ao an-kibony avao ka miboaky agny amin'ny fiboaha?" Tamin'io fagnambara io la nahatonga gny hany iaby ho malio Jesosy. ²⁰ Hoy Ie:" Zay moboaky akao amin'ny olo ro mahaloto gnazy. ²¹ Fa bakao agnatin'ny olo, bakao am-pony, ro iboahan'ny say raty, gny fahavetaveta, gny halatsy, gny famonoagn'olo, ²² gny fijangajanga, gny fitsiririta, gny haratiam-pagnahy, gny fitaky , gny fijejojejoana, gny fialogna, gny fiampanga vandy, gny avognavo, gny hadala. ²³ Io raha raty iaby io ro miboaky bakao agnatin'ny olo , voho reo ro mahaloto gnazy." ²⁴ Niala teo Ie ka lasa nandeha amin'ny faritsy Tyro voho Sidona. Nilitsy tao an-tragno raiky Ie sady tsy tiany ho hain'ia nia fa tao Ie, kanefa tsy afaky nimpoly. ²⁵ Kanefa niaraky tamin'izay la nisy ampela raiky , zay nisy fagnahy maloto raiky gny anakampelay kely, nahare gny aminy, avy , sady niankohoky teo an-tombony. ²⁶ Sady Grika gny ampela, Syro-foinika ro niaviany. Niangavy Taminy ie mba hamoaky gny demonia hiala amin'ny anakampelany. ²⁷ Hoy Ie taminy :" Ao homen-kany aloha gny aja. Fotony tsy mety gny mangalaky gny mofon-jaza ka manipy gnazy ho gnan'ny alika." ²⁸ kanefa namaly ie ka annao Taminy hoe:" Eka, Tompoko, fa ndra gny alika ao ambany latabo aza la mba mihina gny sombintsombiny amin'ny mofon-jaza." ²⁹ La hoy Ie taminy:" Nohon'io safanao io, afaky mandeha iha. Fa niboaky tamin'ny anakampelanao gny demonia." ³⁰ Sady laha nimply tagny an-tragnony ravehivavay la nahita zaza nadry teo agnabon'ny kitrely, sady gny demonia fa niala. ³¹ Sady Jesosy niboaky ndraiky niala gny faritsy Tyro, la namaky gnan'i Sidona hatragny amin'ny Ranomasin'ny Galilia ka niakatsy gny faritsy Dekapolisy. . ³² Sady nandesin-drozy teo Aminy gny olo raiky maregny sady sahira laha mivola, sady nitalaho taminy rozy mba hametraha gny tagna aminy. ³³ Ninday an-dralehilahy nitoka niala teo amin'ny vahaoaky Ie, la nametraky gny rantsan-tagnany tao an-tsofiny Ie, sady laha baka nandora , la nikasiky gny lelany. ³⁴ la niandrandra gny lagnitsy Ie, la nisento ka nanao taminy hoe:" Efata," izany hoe:" Maladia!" ³⁵ Sady malaky teo gny sofiny la nalady, sady zay namehy gny lelany la potiky sady afaky niresaky mazava soa ie. ³⁶ Sady Jesosy nandrara gnan-drozy ts hiresaky na amin'ia ia. kanefa ndra la nirara aza rozy ,vao maika nampiely gnan'io bebe kokoa. ³⁷ La gaga tanteraky gny olo, ka niresaky ho:" Nataony soa daholo gny raha iaby. Nataony mahare aza gny maregny sady miresaky gny moa."