¹ Lafa tapitsy gny andron'ny Sabata, la nivily raha magnitsy hagnosora amin'ny fatin'ny Jesosy i Maria Magdalena voho Maria renin'i Jakoba, voho Salome nivily hagnitsy mba handeha ka hagnosora gny fatin'i Jesosy. ² Vao maraim-be tamin'ny andro voalohan'ny herignandro, la nagnegny amin'ny fasana rozy lafa niposaky gny masoandro. ³ La nifampiresaky rozy hoe:" ia ro hagnakodia gny vato eo amin'ny varavagnam-pasana ho gnantsika?" ⁴ Lafa nitraka rozy , la jeriny fa voakodia niala gny vato, zay tena bevata tokoa. ⁵ Nilitsy tao am-pasana rozy la nahajery zatovolahy niakanjo foty , nipetraky teo ankavava, voho la tseriky rozy. ⁶ La hoy Ie tamin-drozy hoe:" Ka matahotsy. Mila gnan'i Jesosy nareo, gny Nazerana, zay nohomboha. Nitsanga Ie! Tsy eto Ie. Jereo gny toera zay nametrahan-drozy Gnazy. ⁷ Fa mandehana, resaho reo mpianany voho Petera fa nialoha lala gnanareo agny Galilia Ie. Agny ro hahitanareo Gnazy, araky zay niresahiny taminareo." ⁸ Niboaky rozy ka nilay niala gny fasana; nangovotsy voho tandregna rozy. Tsy nilaza ndra ino ino tamin'ny olo rozy fotony tena natahotsy mare. ⁹ [ Fanamariha: Gny fandika taloha soa mare la mangalaky gny Marka: 16: 9-20] Vao maray tamin'ny andro voalohan'ny herignandro, tafaran'ny nitsanganany, la niseho tamin'i Maria Magdalena aloha Ie, gny nandroahany demonia fito. ¹⁰ La lasa Maria ka nilaza gny vaovao tamin'ireo niaraky tamin'i Jesosy, laha mbo nisaona voho nitagny rozy. ¹¹ Ren-drozy fa velo Ie sady nahajery Gnazy ie, fa zao tsy nino rozy. ¹² [ Gny fandika taloha soa mare la mangalaky gny Marka 16: 9-0] Tafaran'iro raha reo Jesosy la niseho tamin'ny endriky hafa tamin'ny roe tamin-drozy, laha nandeha ho agny an-tana rozy. ¹³ la lasa rozy ka nilaza tamin'ireo mpianatsy sisa, fa zao tsy nino rozy. ¹⁴ [Fanamariha: Gny fandika taloha soa mare la mangalaky gny Marka 16: 9-20] Tafarany kely la niseho tamin'ny foloraikamby lahy Jesosy laha mbo teo am-piasakafoana rozy, sady niresaky mare gnan-drozy Ie nohon'ny tsy finoana voho hamafin'ny fon-drozy, fotony tsy nino reo zay nahajery Gnazy tafaran'ny nitsangany tamin'ny maty rozy. ¹⁵ Sady hoy Ie tamin'ireo hoe:" Mandehana agny amin'izao tontolo zao, voho torio amin'ny olo iaby gny FFilazantsara. 16 Zay mino voho atao batisa ro ho vonjena, sady zay tsy mino koa la hohelohina. ¹⁷ [ Fanamarihana: Gny fandika taloha soa mare la mangalaky gny Marka16:9-20] Reto famantara reto la hagnaraky reo zay mino : Amin'ny agnarako ro hamoahan-drozy demonia. Hiresaky amin'ny firesaky vaovao rozy. ¹⁸ Handramby menarana amin'ny tagna rozy, sady laha mino raha mahafaty rozy, la tsy hampagnino gnazy io. Hametra-tagna amin'ny marary rozy, la ho janga regny." ¹⁹ [ Gny fandika taloha soa mare la mangalaky gny Marka 16:9-20] Lafa baka niresaky tamin-drozy gny Tompo, la nampiakary ho agny an-dagnitsy Ie voho nipetraky eo an-tagna ankavanan-Dranagnahary. ²⁰ La lasa reo mpianatsa nitory tegny rehetsa tegny, voho gny tompo niara-niasa tamin-drozy ka nagnamafy gny safa tamin'ny alaln'ny famantara zay niaraky tamin-drozy.