¹ Niresaky tamin'ny fagnohara tamin-drozy ndraiky Jesosy , nanao hoe:" ² Gny fanjakan'ny lanitsy la mitovy amin'ny mpanjaka zay nagnoma fanasa amin'ny fangalam-baly ho gnan'ny anaky lahiny. ³ Nagniraky reo mpanompony hikaiky reo zay nahazo fanasa hagnatriky gny lanom-pangalam-baly ie, fa tsy nety ho avy rozy. ⁴ Nandefa reo mpanompony hafa ndraiky gny mpanjaka, nanao hoe:" Iresaho rozy zay nasa hoe:" Henteo , fa nikarakarako gny sakafoko. Fa nivonoa gny aomby voho gny anak'aondry vondrakiko, voho fa vonona gny raha iaby. Miavia ao amin'ny lanonam-panambalia." ⁵ Fa zao tsy niraharaha rozy voho lasa nandeha, gny raiky namonjy gny toeram-piompiany, gny hafa tamin'ny raharaham-barony. ⁶ Reo sasany nanambotsy reo mpanompon'ny mpanjaka, nagnala baraka gnan-drozy, voho namono gnan-drozy. ⁷ Nasiaky gny mpanjaka ka nagniraky reo miaramilany, voho nandringa io mpamono olo voho nagnoro gny tanany. ⁸ Bakeo niresaky tamin'ireo mpanompony ie hoe:" Fa vonona gny fampakaram-baly, fa rozy zay nasa ro tsy mendriky. ⁹ Nohon'io mandehana egny amin'ny sampan-dalabe voho manasa olo maro araky zay jerinareo ho ao amin'ny lanonam-mpampakaram-baly." ¹⁰ Nandeha niboaky tagny amin'ny lalan-dehibe reo mpanompo voho nanambatsy gnolo iaby zay jerin-drozy , na gny soa na gny raty. Nohon'io la feno vahiny gny efi-tragno bevata nisy gny fampakaram-baly. ¹¹ Fa lafa nilitsy gny mpanjaka mba hijery reo vahiny, la nahajery johary tsy nagnisy akanjo fandesy amin'ny fampakaram-baly ie. ¹² Niresaky taminy gny mpanjaka hoe:" Ry namako, manao akory ro niliranao ato tsy miaraky amin'ny fisikigna fandesy amin'ny fampakaram-baly? Fa tsy nahavola gny johary. ¹³ Bakeo niresaky tamin'ireo mpanompony gny mpanjaka hoe:" Fehezo gny tagna voho gny tomboky toy johary toy, voho atoraho agny amin'ny maiky agny ivelany ie, agny ro misy fitagnia voho fikotrohan-kihy." ¹⁴ Fa olo maro nikaihy , nefa tsy ampy ro ho voafily. ¹⁵ Bakeo nandeha reo Fariseo voho nagnoma fomba mety hamandria gnan'i Jesosy amin'izay niresahany. ¹⁶ Bakeo nirahin-rozy hagnagnaminy agny reo mpianatsin-drozy, niaraky tamin'ireo Herodiana. Niresaky tamin'i Jesosy rozy hoe:" Ry mpampianatsa, hainay fa marina Iha, voho mpampianatsy gny lalan-Dranagnahary amin'ny marina. Tsy miraharaha gny hevitsy gny hafa Iha, voho tsy mizaha mitagnila. ¹⁷ Nohon'io resaho aminay, ino gny hevitrao? Ara-dalagna va gny fandoavan-ketra agny amin'i Kaisara sa tsia?" ¹⁸ Nefa azon'i Jesosy gny faharatian'ireo ka nivola hoe:" Nagnino ro mitsapa Ahy nareo, ry mpihatsaravelatsihy? ¹⁹ Aseho Gnahy gny farantsa amin'ny hetra." Bakeo nanday denaria taminy teo rozy. ²⁰ Hoy Jesosy tamin-drozy hoe:' Gnan'ia sary voho agnara toy?" ²¹ niresaky taminy rozy hoe:" Gnan'i Kaisara." Bakeo Jesosy niresaky gnan-drozy hoe:" Omeo gnan'i Kaisara zay gnan'i Kaisara, voho omeo gnan-Dranagnahary zay gnanin-Dranagnahary." ²² Lafa nahajanjy gnan'io rozy la tseriky. Voho niala taminy teo ka nandeha. ²³ Tamin'io andro io avao gny Sadoseo sasany, reo zay nivola fa tsy misy fitsangana amin'ny maty, namonjy Gnazy. Nagnontany Gnazy rozy, ²⁴ nanao hoe:" Ry mpampianatsy, Mosesy niresaky hoe:" Laha maty gnolo , tsy managnanaky , la tokony hanambaly gny valiny gny rahalahiny bakeo hanagnanaky ho gnan'ny rahalahiny. ²⁵ Nisy mpirahalahy fito. nanambaly gny voalohany voho maty bakeo. Lasa tsy nagnenga anaky, nengany ho gnan'ny rahalahiny gny valiny. ²⁶ Bakeo nanao raha mitovy amin'izay gny faharoe, avy eo gny fahatelo, manahaky gnan'io avao hatragny amin'ny gny rahalahiny fahafito. ²⁷ Tafaran-drozy iaby reo, la maty koa gny ampela. ²⁸ Voho amin'ny fitsanga aamin'ny maty, ho valin'ia amin'ireo mpiarahalahy fito ie? Fa fa nanambaly gnazy rozy iaby." ²⁹ Fa namaly Jesosy voho niresaky gnan-drozy hoe:" Diso nareo, fotony tsy mahay gny Soratsy Masy na gny herin-Dranagnahary. ³⁰ Fa amin'ny fitsangana amin'ny maty la sady tsy hisy hampaka-baly no tsy hisy hampakary. Fa koa, mitovy amin'ireo anjely agny an-danitsy. ³¹ Fa mahakasiky gny fitsangana amin'ny , mbo tsy nivakinareo va zay niresahan-Dranagnahary taminareo , manao hoe:" ³² Zaho ro Ndranagnaharin'i Abrahama, Ndranagnaharin'Isaka, voho Ndranagnaharin'i Jakoba? Ndranagnahary la tsy Ndranagnahary gny maty, fa gnan'ny velo." ³³ Lafa nahare gnan'io reo vahoaky, la tandregna tamin'ny fampianarany. Fa lafa ren'ireo fariseo gny nampahasina gny sadoseo Jesosy, la niara-nivory rozy. ³⁵ Gny raiky tamin-drozy , mpahay lalagna, nametra-pagnontania taminy, nangalaky fagnahy Gnazy hoe:" ³⁶ Ry mpampianatsa , ia eo lehibe mare amin'ny lily ao amin'ny lalagna?" ³⁷ Niresaky taminy Jesosy hoe:" Tiavo amin'ny fonareo manontolo, amin'ny fagnahinareo manontolo, voho amin'ny sainareo manontolo gny Tompo Ndranagnaharinareo." ³⁸ Io ro lily bevata voho voalohany. ³⁹ Sady gny lily faharoe la manahaky gnan'io :" Tiavo gny mpiara-belo aminareo manahaky gny vatanareo. ⁴⁰ Amin'ireo lily reo ro iankinan'ny lalagna manontolo voho reo mpaminany." ⁴¹ Voho laha mbo niara-nivory reo Fariseo, la nametram-pagnontania gnan-drozy Jesosy. ⁴² Hoy Ie hoe:" Ino ro eritseritsareo momban'i Kritsy? Anaky lahin'ia Ie?" Niresaky taminy rozy hoe:" Anak'i Davida." ⁴³ Hoy Jesosy tamin-drozy hoe:" Nagnino ary Davida mipetraky ao amin'ny Fagnahy ro mikaiky Gnazy hoe Tompo, manao hoe:" ⁴⁴ Gny Tompo niresaky tamin'ny Tompoko hoe:" Mipetraha eo amin'ny tagnako ankavana, mandra-panaoko gny fahavalonao ho fipetraha-tombokao?" ⁴⁵ Laha Davida aza mikaiky gnan'i Kristy hoe:" Tompo; la manao akory ro maha-anaky Davida Gnazy?" ⁴⁶ Tsy nisy nahavaly Gnazy tamin'ny safa, voho tsy misy olo nahasaky nametra-pagnontania hafa sasy nanomboky tamin'io andro io.