¹ Jesosy nivola tamin'ireo mpianany hoe: " Azo antoky fa hisy raha afaky hanositsy antsika hanota, fa loza ho gnan'ny olo zay hiavian'izay! ² Soa ho gnazy kokoa laha asia vato bevata eo amin'ny vozony ka atoraky agny andranomasy, manahaky zay hahatafitohina gny raiky amin'ireo madiniky reo. ³ Mitandrema nareo. Laha manota gny rahalahinareo, volagno mafy ie, sady laha mibebaky ie, mamela gnazy. ⁴ Laha manota agnaminao impito ao agnatin'ny draiky andro ie, ka impito mimpoly agnaminao ie, mivola hoe: ' Mibebaky aho', la tsy maintsy mamela gnazy iha!'' ⁵ Reo apostoly nivola tamin'ny Tompo hoe: " Ampitombo gny finoanay." ⁶ Gny Tompo nivola hoe: " Laha mana finoa ohatran'ny voatsinampy nareo la afaky mivola amin'io voroihazo io hoe: ' Miombota, sady maniria agny an-dranomasy,' la hagnenky gnanareo ie. ⁷ Fa ia agnaminareo, ro mana mpanompo miasa tagny na miamby aondry, ka hivola aminy lafa avy agny an-tsaha ie hoe: ' Avia malaky ka mipetraha mba hihina?' ⁸ Fa tsy hivola aminy va ie hoe: ' Hikarakarako raha hohaniko aho, ka asio fehikibo magnodidy gny ankanjonao la manompoa gnahy mandrapahalanin'ny haniko voho finomiko. La bakeo iha mihina voho mino?' ⁹ Tsy misaotsy gny mpanompo ie fotony nanao reo zay nibaikoa gnazy ie, sa misaotsy va ie? ¹⁰ Na la nareo koa aza, lafa nahavita reo raha iaby zay nandidia gnanareo nareo, la tokony hivola hoe: ' Rahay la mpanompo tsy mendriky. Izay tokony nataonay avao ro nataonay."' ¹¹ Sady laha nandeha ho agny Jerosalema Ie, la nandeha teo amin'ny sisin-tany teo agnelagnelan'i Samaria voho Galilia. ¹² Lafa nilitsy tao amin'ny tana raiky ie, la nisy boka folo lahy nifakatojy tagnaminy tao. Nitsanga lavitsy Gnazy rozy ¹³ sady nanandratsy abo gny feon-drozy, nivola hoe: " Jesosy, Tompo o, mamindra fo agnaminay.' ¹⁴ Lafa nahajery gnan-drozy Ie, la nivola tamin-drozy hoe: " Mandehana la ampisehoy amin'ireo mpisoro gny vatanareo." Laha igny roso igny rozy la nalio. ¹⁵ Lafa nahajery gny raiky tamin-drozy fa sitrana ie, la nimpoly, niaraky tamin'ny feo abo nankalaza an-Dranagnahary. ¹⁶ Niankohoky teo an-tombon'i Jesosy ie, nanolotsy fisaora ho Gnazy. Ie la Samaritana. ¹⁷ Sady Jesosy nivola hoe: " Tsy fa voalio va ie folo? Fa aia gny sivy? ¹⁸ Tsy nisy hafa nimpoly hagnome voninahitsy an-Dranagnahary va, afa-tsy toy vahiny toy?" ¹⁹ Sady hoy Ie taminy: " Mitsangana, ka mandehana. Gny finoanao ro nahasitra gnanao." ²⁰ Laha nagnotanian'ireo Fariseo hoe mbia gny fanjakan-Dranagnahary ro ho avy, la namaly gnan-drozy Jesosy ka nivola hoe: " Tsy taza-maso gny fiavian'ny fanjakan-Dranagnahary. ²¹ Tsy hivola koa rozy hoe: ' Henteo, Toy gny ie!' na hoe: ' Indroy gny ie!' Fa ingo, gny fanjakan-Dranagnahary la ao agnatinareo." ²² Hoy ie tamin'ireo mpianatsy: " bakagny gny andro hanirianareo gny hahajery gny raiky amin'ny andron'ny Anak'Olo, fa tsy hahajery izay nareo. ²³ Sady rozy la hivola agnaminareo hoe: ' Henteo, eroy! Henteo, Etoy! Fa ka miboaky na mania gnan-drozy, ²⁴ fa manahaky gny helatsy mamiratsy mazava lafa mitaratsy bakagny amin'ny ilany gny lagnitsy izay gny Anak'Olo amin'ny androny. ²⁵ Fa voalohany la tsy maintsy hijaly amin'ny raha maro Ie sady ho laviny toy avorota toy. ²⁶ Manahaky zay nitranga tamin'ny andron'i Noa, ro hiseho koa amin'ny andron'ny Anak'Olo. ²⁷ Nihina rozy, nino, nanambaly, natolotsy ho ampakary, mandrapihavin'ny andro zay niliran'i Noa tao amin'ny sambofiara _ sady avy gny Safo-drano ka nandrava gnazy iaby. ²⁸ Manahaky zay nitranga tamin'ny andron'i Lota _ nihina sady nino rozy, nivily voho nivarotsy, namboly voho nanao trano. ²⁹ Fa tamin'ny andro zay niboahan'i Lota avy tao Sodoma, la bolo voho solifara ro nilatsaky bakagny an-dagnitsy ka nandrava gnazy iaby. ³⁰ La hoatran'izay koa gny amin'ny andro hisehoan'ny Anak'olo. ³¹ Amin'izay andro izay, ka enga hizotro hangakalaky reo entany ho egny amonton'ny tragno zay egny amin'ny tampon-tragno; sady ka enga himpoly zay agny am-baibo. ³² Tadidio gny valin'i Lota. ³³ Na ia na ia mila hamonjy gny ainy la hahatsobo gnazy, fa na ia na ia hahatsobo gny ainy la hamonjy gnazy. ³⁴ Mivola agnaminareo Aho, fa amin'izay haliky izay la hisy olo roe eo ambonin'ny fandria raiky. Gny raiky la horambesy, sady gny raiky ho enga. ³⁵ Sady hisy roe vavy miaraky-mandisa vary. Gny raiky ho rambesy, sady gny raiky ho enga." ³⁶ [ Fanamariha: reo fandika taloha soa mare la mangalaky gny andininy faha 36 hoe: " Hisy roe lahy agny am-baibo; gny raiky ho rambesy, sady gny raiky ho enga."] ³⁷ Nagnontany Gnazy rozy hoe: " Aia, Tompo?'' sady Ie nivola tamin-drozy hoe: " Izay hipetrahan'ny maty, la agny koa ro hisy votoro hiara-mivory."