¹ Sady reo mpamory hetra iaby voho gny mpanonta sasany la avy teo amin'i Jesosy mba hijanjy Gnazy. ² Nifampimonomono reo Fariseo voho reo mpanora-dalana, nivola hoe: " Io johary io la mandramby mpanota, sady miaraky mihina amin-drozy mihitsy aza." ³ Jesosy nanao zao fanohara zao tamin-drozy, nivola hoe: ⁴ " Ia agnaminareo, laha mana aondry zato ie sady bakeo tsobo gny raiky amin-drozy regny, ro tsy hagnenga gny sivy amby sivy folo agny an-tany efitsy, sady handeha hila gny raiky tsobo mandra-pahitany gnazy? ⁵ Sady lafa hitany izay, la apetrany eo an-tsorony sady mifaly ie. ⁶ Lafa avy ao an-trano ie, la kaihiny iaby reo namany voho reo mpiara-monina aminy, mivola gnan-drozy hoe: ' Mifalia miaraky amiko, fa jeriko gny aondriko tsobo.' ⁷ Manahaky izay koa, mivola agnaminareo Aho, fa hisy fifalia agny an-dagnitsy nohon'ny mpanota raiky zay mibebaky, mihoatsy noho reo olo-to sivy amby sivy folo zay tsy mila mibebaky. ⁸ Na ia ro ampela zay mana farantsa kely folo, laha tsobo gny farantsa raiky, ro tsy andrehitsy gny jiro, hamafa gny tragno, sady hila amim-pahazotoa mandra-pahitany izay? ⁹ Lafa hitany izay, la kaihiny iaby reo namany voho reo mpiara-monina agnaminy, ka hivola hoe: ' Mifalia miaraky agnamiko, fa hitako gny farantsa kely zay nitsobo.' ¹⁰ Manahaky izay koa, Zaho mivola agnaminareo, misy fifalia eo agnatrehan'ny Anjelin-Dranagnahary amin'ny mpanota raiky zay mibebaky." ¹¹ Bakeo Jesosy nivola hoe: " Nisy johary raiky nanan'anaky roe lahy, ¹² sady gny faralahy tamin-drozy nivola tamin'ny babany hoe: ' Ray o, omeo gnahy gny anjara hanagna zay tokony ho gnahy.' koa la nizinarany tamin-drozy gny fanagnany. ¹³ Tsy ela tafaran'izay, gny faralahy namory gny anjarany iaby ka nandeha tamin'ny firenena raiky lavitsy teo, sady tagny ie ro nandany fahatany reo hanagnany iaby tamin'ny fiaina maditra. ¹⁴ Sady lafa laniny iaby gny iaby, la nisy mosary lehibe niely tamin'io firenena io, ka nanomboky tao agnatin'ny tsy fahampia ie. ¹⁵ Nandeha ie sady nikarama tamin'iray tamin'ireo mponina tao amin'io firenena io, zay nandefa gnazy tagny amin'ny sahany mba hamaha koso. ¹⁶ Te hihina mare reo hany fihinan'ny koso ie, fotony tsy nisy olo nagnome gnazy na ino na ino. ¹⁷ Fa lafa tonga say gny faralahy, la nivola ie hoe: ' Firy amin'ireo mpanompon'ny babako ro mana hany mihoatsy gny sahaza, sady toy zaho, matin'ny mosary! ¹⁸ Hialako eto ka ho agny amin'ny babako aho, sady zaho hivola aminy hoe: " Ray o, fa nanota tamin'ny lagnitsy aho, voho teo imasonao. ¹⁹ Tsy mendriky gny kaihy hoe anakao sasy aho; ataovo manahaky gny raiky amin'ireo mpanomponao aho." ²⁰ Noho izay nandeha gny faralahy ka nagnagny amin'ny babany. Laha mbo lavitsy ie, la hitan'ny babany, sady tofotsy nalahelo, ka nilay, sady nandrakoky voho nanoroky gnazy. ²¹ gny anany johary nivola hoe: ' Ray o, fa nanota tamin'ny lagnitsy voho teo imasonao aho. Tsy mendriky gny kaihy hoe anakao aho.' ²² Gny babany nivola tamin'ny mpanompony hoe: ' Andeso malaky reo akanjo soa mare, ka ampiakanjo gnazy, sady asio peratsy gny tagnany, voho kapa gny tombony. ²³ Bakeo andeso gny anak'aomby matavy ka vono izay. Andao tsika hankalaza amin'ny lanononana! ²⁴ Fotony gny anako lahy la maty, sady henanio velo ndraiky. Tsobo Ie, sady henanio la hita ndraiky.' Bakeo la nanomboky nikorana rozy. ²⁵ Gny lahimatoany la tagny am-baibo. Lafa niavy sady namonjy gny tragno ie, la nahajanjy moziky voho sindraky. ²⁶ Nikaiky gny raiky tamin'ireo mpanompo ie sady nanontany gnazy hoe mety ho ino izay raha izay. ²⁷ Gny mpanompo nivola tagnaminy hoe: ' Noly ato an-tragno gny rahalahinao ka nivonoin'ny babanareo gny anak'aomby matavy, fotony avy soa aman-tsara ie.' ²⁸ Meloky gny lahimatoa, sady tsy nety nilitsy, la niboaky gny babany, sady niangavy gnazy. ²⁹ Nefa namaly gny lahimato sady nivola tamin'ny babany hoe" Henteo, fa an-taonany maro ro nanompoako gnanao, sady mbo tsy nandika gny lalanao aho, sady iha tsy mbo nagnome na la anak'aosy nafahako nikorana niaraky tamin'ireo namako aza, ³⁰ Nefa lafa avy gny anakao lahy, zay nandriatsy gny fanagnahao tamin'ny mpivaro-tena, la nivinononao ho gnazy gny anak'aomby nafahy.' ³¹ Hoy gny babany hoe: ' Anaky, iha la miaraky agnamiko avao, sady zay rehetra gnahy la gnanao. ³² Nefa rariny ho gnantsika gny mikorana voho mifaly, fotony toy rahalahinao la maty, sady henanio la velo ndraiky; tsobo ie, sady henanio la hita ndraiky."'