¹ Sady laha nandalo Jesosy, la nahajery johary jiky nanomboky ie mbo vo nateraky. ² Namonjy Gnazy reo mpianany hoe:' Raby, ia lahy ro nanota, io johary io sa reo ray aman-dreniny, ro la teraky jiky manahaky gnan'izao ie?" ³ Jesosy namaly hoe:' Tsy io johary io ro nanota, na gny ray aman-dreniny, fa natao zao mba hanehoa aminy gny asan-Dranagnahary. ⁴ Tsy maintsy manao gny asan'izay nagniraky Gnahy tsika laha mbo mazava . Fa ho avy gny haly zay tsy ahafahan'ia nia miasa sasy. ⁵ Laha mbo eto amin'izao tontolo zao Aho, la Zaho ro fahazavan'izao tontolo zao." ⁶ Lafa baka niresaky gnan'io Jesosy , la nandora tamin'ny tany, ka nanao feta tamin'ny gny rora, ka nagnosotsy gny fotaky tamin'ny fijerin'ny gny johary . ⁷ Hoy Ie taminy hoe:' mandehana , sasao egny amin'ny ranon'ny Siloama( zay adika hoe:" nirahina) gny fijerinao." Ka lasa ralehilahy, nanasa gnan'io, ka la nimpoly nahajery. ⁸ Sady nifampagnontany reo olo mpiray vody rindry tamin-dralehilahy voho reo zay nahajery gnazy nangataky taloha nanao hoe:" Tsy toy va gny johary nipetraky nangataky teto?" ⁹ Gny sasany nanao hoe :" Ie io." Sady gny hafa niresaky hoe:" Tsia.". fa mitovy aminy avao ie." Fa ie koa nanao hoe:" Zaho toy." ¹⁰ Hoy rozy taminy hoe:" ka manao akory ary ro najerean'ny fijerinao?" ¹¹ Namaly ie hoe:" gny johary atao hoe Jesosy ro nanao feta ka nognosotdy gnan'io tamin'ny fijeriko ka niresaky tamiko hoe:' Mandehana agny Silona ka sasao gny fijerinao. La nandeha aho ka nanasa gnan'io, la nahajery." ¹² Hoy rozy taminy hoe:' Aia Ie?" La nivaliany hoe:" Tsy Babako." ¹³ Nandesin-drozy teo amin'ny Fariseo gny johary zay jiky taloha. ¹⁴ Tamin'ny andro Sabata moa ro nanaovan'i Jesosy gny feta voho nampahitany gny fijeriny. ¹⁵ Sady nagnontany gnazy ndraiky reo Fariseo gny amin'ny fomba nahajery tany. Hoy ie tamin-drozy hoe:" nasiany feta gny fijeriko, nisasako , ka mahajery aho zao." ¹⁶ Gny sasany tamin'ireo fariseo niresaky hoe:' Tsy avy amin-Dranagnahary toy johary toy fotony tsy mba magnaja gny andro Sabata." Gny hafa nanao hoe:' Manao akory ro ahafahan'ny olo mpanota manao famantara bevata manahaky gnan'izao?" Ka la nisy fizara teo amin-drozy. ¹⁷ ka la nimpoly namonjy gnan'ny gny johary jiky ndraiky rozy hoe:" Ino ro hambaranao momba Gnazy, hatramin'ny nampahitany gny fijerinao? Hoy gny johary hoe:' Mpaminany Ie." ¹⁸ Sady mbo tsy nino gny momba gnazy avao reo Jiosy hoe ie la fa jiky ka nahajery laha tsy nikaiky gny ray aman-drenin'ny gny johary nahajery rozy. ¹⁹ Nagnontany reo ray aman-dreny rozy hoe:"Toy va gny anakareo zay resahinareo hoe teraky jiky? Ka manao akory ary ro ahitany zao?" ²⁰ Sady la nivalian'ireo ray aman-dreniny rozy hoe:" Hainay fa anakay io sady teraky jiky. ²¹ Fa zao gny amin'ny nahitany, tsy hainay, sady zay nampahita gny fijeriny, tsy hainay . agnontanio gnazy, fa bevata ie. afaky miresaky ho gnan'ny vatany ie." ²² Niresaky gnan'io reo ray aman-dreniny, fotony natahotsy reo Jiosy rozy. Fotony fa nifagnenky reo jiosy fa laha misy magnenky Gnazy ho Kristy, la ho roahy hiala ao amin'ny synagoga ie. ²³ Nohon'ny amin'io, ro niresahan'ireo ray aman-dreniny hoe:" Fa bevata ie, ie ro agnontanio." ²⁴ Sady nikaiky gny johary jiky taloha fagnindroe ndraiky rozy la niresaky taminy hoe:' Omeo voninahitsy Ndranagnahary. hainay fa mpanota io johary io." ²⁵ bakeo la namaly gny johary hoe:" Tsy haiko aloha laha mpanota Ie. Fa gny haiko la zao: Jiky aho taloha fa mahajery aho amizao." ²⁶ Bakeo la hoy rozy taminy hoe:" Fa ino ro nataony taminao ? Manao akory gny fomba nampahita gny fijerinao?' ²⁷ La namaly ie hoe:" Fa nambarako taminareo, fa tsy nijanjy nareo! Ka nagnino nareo ro ta-hijanjy gnan'io ndraiky? Ta-ho isan'ny mpianany avao koa va nareo, sa tsy io?" ²⁸ Naneso gnazy rozy ka niresaky hoe:' Iha ro mpianany , fa rahay mpianats'i Mosesy. ²⁹ Hainay fa fa niresaky tamin'i Mosesy Ndranagnahary, fa laha io johary io la tsy hainay zay niaviany." ³⁰ La namaly gny johary ka nanao tamin-drozy hoe:" Mahatseriky io, tsy hainareo zay niaviany, Kanefa nampahita gny masoko Ie. ³¹ Haintsika fa tsy mijanjy reo mpanota Ndranagnahary, fa laha misy mazoto mivavaky voho manao gny sitrapony , la mijanjy gnazy Ie. ³² Hatramin'ny niantombohan'izao tontolo zao la mbo tsy re mihintsy hoe nisy nampahita gny mason'izay teraky jiky . ³³ Ka laha tsy avy amin-Dranagnahary io johary io, la tsy mahefa na ino ino." ³⁴ Sady la namaly rozy ka anano taminy hoe:' Tena teraky tamin'ny ota iha, la iha ndraiky va ro hampianatsy gnanay?" Bakeo la niroahin-drozy hiboaky ie. ³⁵ Njanjin'i Jesosy fa niroahin-drozy tao amin'ny Synagoga ie. Sady Ie naajery gnazy la niresaky hoe:' Mino gny Anak'Olo va iha?" ³⁶ Namaly ie hoe:" Ia moa ro Ie, Tompo, mba hinoako Gnazy?" ³⁷ Jesosy nanao taminy hoe:" Fa nahajery Gnazy iha, sady gny raiky zay miresaky aminao zao io." ³⁸ Hoy gny johary hoe:" Tompo, mino aho." Sady la nandrengy Gnazy ie. ³⁹ Jesosy niresaky hoe;" Fa fitsara ro nahatongavako eto amin'izao tontolo zao mba hahajery reo zay jiky sady mba ho avy jiky reo zay mahajery." ⁴⁰ Nahajanjy gnan'io gny sasany tamin'ireo Fariseo zay niaraky taminy ka nagnontany Gnazy hoe:" Sady rahay avao koa va jiky?" ⁴¹ Fa Jesosy niresaky tamin-drozy hoe:" Laha jiky nareo, la tsy ho nanan-keloky , fa nareo koa amizao miresaky hoe:" Mahajery rahay, la mbo mipetraky gny helokareo."