¹ Sady andro mialohan'ny firavoravoan'ny Paska zao. Hain'i Jesosy fa avy gny ora hialany eto amin'izao tontolo zao ka handeha agny amin'ny Ray . Lafa nitia gny mpiara-dia taminy teto amin'izao tontolo zao Ie, la nitia gnan-drozy hatramin'ny farany. ² Sady gny devoly la fa nametraky gnan'izao tao an-tsain'i Jodasy Iskariota anak'i Simona, la gny hamadiky gnan'i Jesosy. ³ Ie la nahay fa gny raha iaby la fa napetrakin'ny Baba teo am-pelatagnany voho Ie la bakamin-Dranagnahary voho himpoly agny amin-Dranagnahary. ⁴ Nitsanga Ie teo am-pisakafoana ka nangalaky gny akanjony ivelany. Bakeo Ie nangalaky siky ka nisalotsy gnan'io. ⁵ Bakeo nandraraky rano tao agnaty siny Ie la nanomboky nanasa gny tombok'ireo mpianany voho namafa gnan-drozy tamin'izay siky nisalorany. ⁶ Namonjy gnan'i Simona Petera Ie, ka hoy Petera taminy :" Tompo , hanasa gny tomboko va Iha?" ⁷ Jesosy namaly ka nanao taminy hoe:" Zay ataoko la mbo tsy ho azonao gny heviny, fa ho azonao avao koa io afara agny." ⁸ Hoy Petera taminy :" tsy hanasa gny tomboko mihintsy Iha." Jesosy namaly gnazy :" Laha tsy manasa gny tombokao Aho, la tsy mana anjara ato amiko iha." ⁹ Hoy Simona Petera taminy hoe:" Tompo, ka gny tomboko avao ro sasa, fa gny tagnako voho gny lohako avao koa. ¹⁰ Hoy Jesosy taminy :" zay fa nandro la tsy mila gnan'io, afa-tsy gny manasa tomboky avao, fa ie la fa malio tanteraky; iha la malio, fa tsy gny iaby nefa." ¹¹ ( Fotony fa hain'i Jesosy hoe ia gny hamadiky Gnazy; io ro antony niresahany hoe:" tsy nareo iaby ro malio.") ¹² Ka lafa baka nanasa gny tombon-drozy Jesosy voho nangalaky sikiny ka nipetraky ndraiky, la hoy Ie tamin-drozy :" Hainareo va gny nataokoho gnanareo? ¹³ Kahinareo Aho hoe mpampianatsa voho Tompo; sady marina gny voalazanareo, fotony io tokoa Aho. ¹⁴ Kanefa Zaho, sady Tompo ro mpampianatsa, ro nanasa gny tombokareo, nareo avao koa la tokoy hifanasa gny tombokareo. ¹⁵ Fotony fa nagnome ohatsy ho gnanareo Aho ka mba tokony hanao manahaky zay nataoko ho gnanareo avao koa nareo. ¹⁶ Resahako aminareo marina ,la marina tokoa , fa gny mpanompo la tsy bevata kokoa noho gny tompony; na koa gny mpanday hafatsy la tsy bevata kokoa noho gny nagniraky gnazy . ¹⁷ Laha hainareo reo raha reo , la ho tahy nareo laha magnatanteraky gnan'io. ¹⁸ tsy nareo iaby ro resahiko; haiko reo zay nifiliko_ Fa io la mba hahatanteraky gny Soratsa Masy hoe:' Zay mihina gny mofoko la nanandratsy gny vodi-tombony hamadiky Gnahy." ¹⁹ Resahako aminareo zao io mialohan'ny hitrangany lafa mitranga io, la mety hino nareo fa Zaho ro Ie. ²⁰ Resahako aminareo marina la marina tokoa , fa zay mandramby zay nirahiko, la mandramby Gnahy, voho zay mandramby Gnahy, la mandramby Gnazy zay nagniraky Gnahy." ²¹ Lafa niresaky gnan'io Jesosy , la nangorohoro gny fagnahiny. nagnambara Ie sady niresaky hoe:" Resahako aminareo , marina la marina tokoa fa hisy taiky aminareo hamadiky Gnahy." ²² Nifampanenty reo mpianatsy , nagnontany tena hoe ia io resahany io. ²³ Nisy raiky tamin'ireo mpianany, zay tian'i Jesosy , nipetraky teo amin'ny latabo ampitan'i Jesosy . ²⁴ Namonjy gnan'io mpianatsy io Simona Petera ka nanao hoe:" Agnontanio Gnazy hoe ia io resahiny io." ²⁵ Ka nimpoly nianky tamin'i Jesosy ie ka niresaky taminy hoe:" Tompo, ia io?" ²⁶ Bakeo Jesosy namaly hoe:" Gny raiky zay handonako voho hameako toy mofo toy io."Ka lafa nolomany gny mofo, la nameany gnan'i Jodasy anak'i Simona Iskariota io. ²⁷ Sady tafaran'ny mofo , la nilitsy tao aminy satana, ka hoy Jesosy taminy :" Zay ataonao , ataovy malaky io." ²⁸ Tamin-drozy iaby teo an-databo tsy nisy nahay gny antony niresahan'i Jesosy gnazy io. ²⁹ Gny sasany nieritseritsy hoe, fotony Jodasy ro nitanjaky gny kitapon-drala, ro niresahan'i Jesosy taminy hoe:" Vilio gny raha iaby ilantsika amin'ny andro firavoravoa." na hoe tokony hagnome raha ho gnan'ny mahantra ie. ³⁰ Laha vao baka nandramby gny mofo Jodasy, la lasa niboaky avy hatragny ie. Haly gny andro tamin'izay. ³¹ Lafa lasa Jodasy, la hoy Jesosy hoe:" amizao la omem-boninahitsy gny Anak'Olo sady Ndranagnahary la ameam-boninahitsy ao aminy. ³² Ndranagnahary la hagnome voninahitsy Gnazy ao amin'ny vatany, voho Ie hagnome voninahitsy Gnazy avy hatragny. ³³ Ry ankizy maliniky , fotoa tsy ampy sisa ro hiarahako aminareo. Hila Gnahy nareo , voho araky zay niresahako tamin'i Jiosy hoe:" zay handehanako , tsy azonareo handehana. Voho resahako aminareo koa io amizao. ³⁴ Lily vaovao ro hameako gnanareo, la gny hifankatiavanareo; manahaky gny nitiavako gnanareo, ro tokony hifankatiavanareo avao koa. ³⁵ Amin'io ro hahaizany gnan'olo fa mpianatso nareo,laha mahay mifankatia nareo." ³⁶ Hoy Simona Petera taminy hoe:" Tompo, fa andeha ho aia Iha?" Namaly Jesosy hoe:" Zay handehanako , la tsy afaky hagnarahanareo Gnahy zaho, fa hagnaraky nareo agny afara." ³⁷ La hoy Petera taminy hoe:" Tompo, nagnino aho ro tsy afaky magnaraky Gnanao zao? Hafoiko ho Gnanao gny aiko." ³⁸ La namaly Jesosy hoe:" Hafoiko ho Gnahy va gny ainao? Resahako aminao, marina la marina tokoa, fa mbo tsy hagneno akory gny akoho la fa handa Gnahy in-telo iha."