¹ Enign'andro mialohan'ny paska , la avy tao Betania Jesosy, zay nitoeran'i Lazarosy, gny fa natsangan'i Jesosy tamin'ny maty. ² Ka nanao sakafo ho Gnan-drozy , sady Marta ro nandroso gnan-drozy, fa Lazarosy koa la agnisan'reo niara-nipetraky tamin'i Jesosy teo amin'ny latabo. ³ Bakeo nangalaky menaky magnitsy sarobidy , ka nagnositsy gny tombon'i Jesosy tamin'io, voho namafa gny tombony tamin'ny volon-dohany. Feno gny hagnitr'izay menaky gny tragno ⁴ Sady Jodasy Iskraiota, raiky tamin'ireo mpianany, zay hamadiky Gnazy, nanao hoe:" ⁵ Nagnino io menaky io ro tsy namily 300 dinaria la namea gny mahantra?" ⁶ Sady ie miresaky gnan'io, tsy noho gny fiahiany gny mahantra, fa fotony mpangalatsy ie: safa aminy gny kitapom-drala ka ho nangalariny zay natao tao. ⁷ Jesosy nanao hoe:" Engao ie mba hitanjaky zay hanagnany ho amin'ny andro handevegna Gnahy. ⁸ Ho eo aminareo mandrakariva gny mahantra, fa Zaho koa tsy ho eo aminareo mandrakariva." ⁹ Sady nisy vahoaky maro tamin'ireo Jiosy nahay fa teo Jesosy , ka namonjy rozy, tsy ho gnan'i Jesosy raiky avao, fa mba hahajery gnan'i Lazarosy avao koa gny natsangan'i Jesosy tamin'ny maty. ¹⁰ Reo lohan'ny mpisoro la nitetiky niaraky mba hahafahan-drozy manosiky gnan'i Lazarosy amin'ny fahafatesa avao koa; ¹¹ fotony noho Ie ro nahatonga gny ankamaroan'ireo Jiosy andeha voho nino gnan'i Jesosy. ¹² Gny hamaray la vahoaky maro ro avy tamin'ny andro firavoravoa . Lafa ren-drozy fa ho avy ao Jerosalema Jesosy , ¹³ la nangalaky sampan-drofia rozy sady niboaky ka nitsena Gnazy tamin'ny kaiky mareo hoe:" Hosana! Sambatsy anielay bakamin'ny agnaran'ny Tompo, gny mpanjakan'Israely." ¹⁴ Sady Jesosy nahita ana-boriky raiky ka nipetraky tagnabony teo; ¹⁵ Araky gny voasoratsy hoe:" Ka matahotsy , ry anakampelan'i Ziona; Jereo , ingo tamy gny Mpanjakanareo, zay mipetraky eo agnabon'ny ana-boriky." ¹⁶ Tsy nahazo reo raha reo gny mpianany tamin'ny voalohany; fa lafa naomem-boninahitsy Jesosy , la tiaron-drozy fa voasoratsy momba Gnazy reo raha reo sady fa nataon-drozy taminy io. ¹⁷ Sady reo vahoaky zay niaraky taminy tamin'ny nikahiany gnan'i Lazarosy hiboaky gny fasana voho nananga gnazy tamin'ny maty la samy nijoro vavolombelo iaby. ¹⁸ Nohon'io antony avao koa ro nahatonga gny vahoaky hitsena Gnazy, fotony ren-drozy fa nanao io famantara io Ie. ¹⁹ Reo Fariseo nohon'io nifampiresaky hoe:" Jereo , tsy afaky manao na ino ino nareo; ingo, magnaraky Gnazy zao tontolo zao." ²⁰ Sady nisy grika tsy ampy ampy tamin'ireo zay niakatsy handrengy agny amin'ny firavoravoa. ²¹ Nagnagny amin'i Filipo rozy, zay bakagny betsaiada agny Galilia, ka nagnontany gnazy , manao hoe:" Tompo, mba ta-hahita gnan'i Jesosy rahay." ²² La lasa Filipo ka niresaky tamin'i Andrea; la lasa Andrea niaraky tamin'i Filipo, voho niresaky gnan'i Jesosy rozy. ²³ Jesosy namaly gnan-drozy ka annao hoe:" Fa avy gny fotoa hagnomeza voninahitsy gny Anak'Olo. ²⁴ Resahako aminareo, marina, la marina tokoa, fa laha tsy latsaky amin'ny gny voam-bary ka maty, la mitoetra amin'ny vatany raiky io; fa laha maty io, la hamotraky mare. ²⁵ Zay tia gny fiaignany la hagnary io; fa zay malay gny fiaignany eto amin'izao tontolo zao koa la hitanjaky gnan'io ho agny amin'ny fiaigna mandrakizay . ²⁶ Laha misy manompo Gnahy, ao ie hagnaraky Gnahy; ka zay hipetrahako, la ao avao koa ro hipetrahan'ny mpanompoko. Laha misy manompo Gnahy , la hagnome vaninahitsy gnazy gny Baba. ²⁷ Amizao , mangorohoro gny fagnahiko ka ino ro tokony ho safagniko? Ray o, Vonjeo amy toy ora toy? Kanefa nohon'io antony io ro nahatongavako amin'izao fotoa zao. ²⁸ Ray o, hankalazao gny agnaranao." Bakeo nisy feo gnanako bakagny an-dagnitsy nanao hoe:" Fa nankalazaiko io voho mbo ho hangalazaiko ndraiky." ²⁹ Sady reo vahoaky nitsanga teo voho nahare gnan'io la niresaky fa nisy kotroky teo. Gny sasany niresaky hoe:' Nisy anjely niresaky taminy." ³⁰ Jesosy namaly ka niresaky hoe:" Io feo io la tsy avy ho Gnahy, fa ho gnanareo. ³¹ Avy amizao gny fitsara gnan'izao tontolo zao: Sady la ho roahy gny mpanapaky zao tontolo zao. ³² Lafa hasandratsy hiala amin'ny tany Aho, la hitao gny kirakiraiky hagnaraky Ahy." ³³ Niresahainy io mba hanehoa hoe karaza fahafatesa manahaky ino ro nahafatesany. ³⁴ Reo vahoaky namaly Gnazy hoe:' Renay tamin'ny lily fa Kristy la hijano mandrakizay. Manao akory ro hahafahanao miresaky hoe:' Gny Anak'Olo la tsy maintsy hasandratsy? Ia ioAnak'Olo io?" ³⁵ Bakeo Jesosy niresaky gnan-drozy hoe:' Gny hazava la mbo hiaraky aminareo mandritsy gny fotoa fohy. Mandehana dieny mbo mana hazava , mba tsy hahafahan'ny hahiky mialoha gnanareo. Zay mandeha amin'ny hahiky la tsy mahay gny lala andehanany. ³⁶ Laha mbo mana gny hazava nareo, la minoa gnan'io mba ho anakin'ny hazava nareo." Jesosy niresaky reo raha reo ka bakeo la tsy hita voho nimpolian-drozy. ³⁷ Ndra la anano famantara maro teo agnatrehan-drozy aza Jesosy , la tsy ninoan-drozy ³⁸ mba ho tanteraky gny safan'Isaia mpaminany, zay niresahany hoe:' Tompo, ia ro nino gny tatitsy, voho ia ro nampisehoa gny sandrin'ny Tompo?" ³⁹ Nohon'io antony io la tsy nino rozy, araky gny voalazan'Isaia hatragny hoe:" ⁴⁰ Nohajambainy gny fijerin-drozy, voho nihamasiny gny fon-drozy; mifanohitsy amin'io rozy la te-hahita amin'ny fijerin-drozy sady hahazo amin'ny fon-drozy , ka hitoliky , voho Zaho hagnasitrana gnan-drozy." ⁴¹ Isaia niresaky reo raha reo fotony hitany gny voninahitr'i Jesosy ka niresaky momba Gnazy. ⁴² kanefa ndra io aza, la maro tamin'ireo mpanapaky ro nino gnan'i Jesosy , fa noho reo Fariseo , la tsy niaiky gnan'io rozy mba tsy ho voasaka ho ao amin'ny Synagoga. ⁴³ Tian-drozy tokoa gny fandrea bakamin'ny olo noho gny fandrea bakamin-Dranagnahary. ⁴⁴ Jesosy nikaiky mare ka niresaky hoe:" Zay raiky mino Ahy, ka mino Gnahy raiky avao fa minoa koa Ie zay nagniraky Ahy, ⁴⁵ sady zay raiky mahita Ahy la mahita Gnazy zay nagniraky Gnahy. ⁴⁶ Zaho la avy manahaky gny hazava teto amin'izao tontolo zao, mba tsy hitoetra ao agnaty hahiky zay mino Ahy. ⁴⁷ Laha misy mahare gny safako nefa tsy mitandry gnan'io , la tsy hitsara gnazy Aho; fotony Aho tsy avy hitsara zao tontolo zao , fa hagnavotsy zao tontolo zao. ⁴⁸ Zay manda Gnahy voho tsy mandramby gny safako, la mana raiky zay mitsara gnazy. Gny safa zay niresahako hitsara gnazy amin'ny andro farany. ⁴⁹ Fa Zaho tsy miresaky ho Gnahy, fa gny Baba zay nagniraky Gnahy, zay nagnome Gnahy gny lily amin'izay ho resahy voho ho volagny. ⁵⁰ Haiko fa gny liliny la fiaigna mandrakizay , ka zay resahako_ la resahako araky zay nambaran'ny Baba tamiko."