¹ Sady nisy johary raiky narary atao hoe Lazarosy. Bakao Betania ie, tanan'i Maria voho Marta rahavaviny. ² Maria ro nagnosotsy menaky magnitsy gny Tompo voho nagnalio gny tombony tamin'ny volony, sady Lazarosy anadahiny ro narary. ³ Sady reo mpirahavavy nagniraky olo ho agny amin'i Jesosy, niresaky hoe:" Tompo, jereo , fa marary gny teanao." ⁴ Lafa ren'i Jesosy io, la hoy Ie hoe:" Tsy fahafatesa ro hiafaran'ny toy arety toy , fa koa fanehoa gny voninahitsin-Dranagnahary mba hanandrata gny Anakin-Dranagnahary amin'ny alalan'io." ⁵ Sady Jesosy la tia gnan'i Marta voho gny rahavaviny voho Lazarosy. ⁶ Ka lafa nahare Jesosy fa marary Lazarosy, la mbo nijano roa andro tao amin'ny toera nisy Gnazy Ie. ⁷ Voho tafaran'io, la niresaky tamin'ireo mpianatsy Ie hoe:" Andeha tsika ho agny Jodia ndraiky." ⁸ Hoy reo mpianatsy taminy hoe:" Raby, amin'izao la magniry gny hitora-bato Gnanao reo Jiosy, ka mbo himpoly ho agny ndraiky va Iha? ⁹ Ka namaly Jesosy hoe:" Tsy folo roamby ora va gny fahazavan'ny andro? Laha misy olo mandeha amin'ny andro mazava , la tsy ho tafintohy ie, fotony mahajery gny fahazavan'izao tontolo zao. ¹⁰ Kanefa , laha mandeha amin'ny haly ie , la ho tafintohy fotony tsy aminy ao gny fahazava." ¹¹ Niresaky reo raha reo Ie, sady tafaran'ireo raha reo, la hoy Ie tamin-drozy hoe:" Azon-droro Lazarosy namantsika, fa handeha Aho mba hahafahako mamoha gnazy amin'ny rorony." ¹² Ka hoy reo mpianatsy taminy hoe:" Tompo, laha azondro ie, la soa." ¹³ Kanefa Jesosy niresaky gny fahafatesany, fa zao niheverin-drozy fa fialan-tsasatsy amin'ny roro ro niresahany. ¹⁴ Bakeo Jesosy niresaky tsotsa tamin-drozy hoe:" Maty Lazarosy." ¹⁵ Mazoto Aho, noho gny aminareo, fa tsy tagny Aho mba hahatonga gnanareo hino. Andeha tsika ho agny aminy." ¹⁶ Tomasy, zay atao hoe Didymo, la niresaky tamin'ireo mpianatsy namany hoe:" Andeha koa tsika mba hiara-maty amin'i Jesosy." ¹⁷ Lafa avy Jesosy , la hitany fa fa nalevy efats'andro tao am-pasana Lazarosy. ¹⁸ Sady Betania la fa mariniky gnan'i Jerosalema, eo amin'ny folo limy amby stadio eo ro elagnelany. ¹⁹ Maro reo Jiosy avy tao amin'i Marta voho Maria, mba hampahery gnan-drozy noho gny fahafatesan'ny anandahin-drozy. ²⁰ Bakeo Marta , laha nahare fa avy Jesosy , la nandeha nitsena Gnazy, fa Maria koanipetraky tantrano tao. ²¹ la niresaky tamin'i Jesosy Marta hoe:" Tompo, laha teto iha , la tsy maty gny anadahiko. ²² Nefa ndra la amizao aza, la haiko fa ndra ino ino angatahinao amin-Dranagnahary, la hameany Gnanao io." ²³ Hoy Jesosy taminy hoe:' Gny anadahinao la hitsangan-ko velo ndraiky." ²⁴ Marta niresaky taminy hoe:" Haiko fa hitsanga ndraiky ie amin'ny fitsanganan'ny maty amin'ny andro farany." ²⁵ La hoy Jesosy taminy hoe:" Zaho ro fanangana gny maty voho fiaigna; zay , mino Ahy,,ndra la maty aza ie, la ho velo; ²⁶ voho ndra ia ia velo ka mino Ahy la tsy ho maty mandrakizay. Mino gnan'io va iha? ²⁷ Hoy ie taminy hoe:" Eny, Tompo, mino aho fa Iha ro Kristy, Anakin-Dranagnahary, gny ho avy eto amin'izao tontolo zao." ²⁸ Lafa voalazany io, la lasa ie nikaiky mangingina gnan'i Maria rahavaviny. Hoy gnataony :" Avy gny Mpampianatsa ka mikaiky gnanao ie." ²⁹ Lafa ren'i Maria io , la nitsanga malaky ie na nagnagnaminy agny. ³⁰ Sady Jesosy mbo tsy avy tao an-tana fa mbo teo amin'iizay toera nihaonan'i marta taminy avao . ³¹ Nohon'io reo Jiosy , zay niaraky taminy tao an-tragno voho nampahery gazy, lafa nahita gnan'i Maria nitsanga malaky ka lasa niboaky , ka nagnaraky gnazy, nihevitsy fa handeha hitagny agny amin'ny fasana ie. ³² Lafa avy teo amin'ny toera nisy gnan'i Jesosy Maria ka nahita Gnazy, la niankohoky ie sady niresaky taminy hoe:" Tompo, laha teo iha, la tsy maty gny anadahiko." ³³ Lafa nahita gnazy nitagny Jesosy, voho reo Jiosy niaraky taminy koa , la vonto gny fanahiny voho velon-kolitsy Ie; ³⁴ la hoy Ie hoe:" taia ro nandevegnanareo gnazy?" La hoy rozy taminy hoe:" Tompo , avia voho jereo." ³⁵ Nitagny Jesosy. ³⁶ Bakeo hoy reo Jiosy hoe:' Jereo gny habevatan'ny fitiavany gnan'i Lazarosy!" ³⁷ Fa gny sasany tamin-drozy niresaky hoe:" Moa va tsy hainy toy johary toy, zay nampahita gny mason'ilay jiky, gny manao zay tsy ho nahamaty toy johary toy koa?" ³⁸ Bakeo ndraiky Jesosy, laha mbo vonto gny fagnahiny, la nagnegny amin'ny fasana . Sady Zohy io, voho misy vato magnaro gnazy. ³⁹ Hoy Jesosy hoe:' Alao hiala gny vato." Marta , anabavin'i Lazarosy , gny maty, niresaky tamin'i Jesosy hoe:' Tompo, fa mantsy gny vatany laha amin'izaoro nahafatesany." ⁴⁰ Sady Jesosy niiresaky taminy hoe:" tsy fa niresahako gnanao va fa , laha mino iha, la ho hitanao gny voninahitsin-Dranagnahary?" ⁴¹ La nalan-drozy gny vato. Jesosy nanandratsy gny fijeriny ka niresaky hoe:" Baba o, misaotra Gnanao Aho fotony nijanjy Gnahy Iha. ⁴² Haiko fa mijanjy Gnahy mandrakariva Iha, fa noho gny vahoaky mijoro magnodidy Gnahy ro niresahako gnan'io, mba hahafahan-drozy mino fa Iha ro nagniraky Gnahy." ⁴³ Lafa baka niresaky gnan'io Ie, la nikaiky tamin'ny feo mare hoe:" Lazarosy, miboaha!" ⁴⁴ Niboaky gny johary maty; nisy fehim-paty gny tombony voho gny tagnany, voho voafehy siky koa gny tarehiny. Hoy Jesosy tamin-drozy hoe:" Vahao ie sady engao handeha." ⁴⁵ Bakeo maro tamin'ireo Jiosy zay avy tao amin'i Maria voho nahajery gny nataon'i Jesosy ro nino Gnazy; ⁴⁶ Fa gny sasany tamin-drozy koa lasa nandeha nagnagny amin'ny Fariseo ka niresaky tamin-drozy gny raha nataon'i Jesosy. ⁴⁷ Bakeo gny lohan'ny mpisoro voho gny Fariseo namory gny Synedriona niaraky voho nanao hoe:" Ino ro hataontsika? Toy johary toy la manao famantara maro. ⁴⁸ Laha engantsika amin'izao Ie, la hino Gnazy gny maro; ka ho avy gny Romana hangalaky gny tanantsika voho gny firenentsika." ⁴⁹ Kanefa , nisy johary raiky tamin-drozy, Kaiafa, zay mpisorobe tamin'io tao io, nanao tamin-drozy hoe:" Nareo la tsy mahay na ino ino . ⁵⁰ Tsy mieritseritsy zao nareo fa soa ho ganareo laha johary raiky ro maty ho gnan'ny olo toy zay gny firenena manontolo ro ringa." ⁵¹ Sady zay niresahiny la tsy nataony ho gnazy avao. Fa koa, noho ie mpisorobe tamin'io tao io, la naminany fa tokony ho maty ho gnan'ny firenena Jesosy; ⁵² sady tsy ho gnan'ny firenena avao koa, fa mba hampiray gny Anakin-Dranagnahary zay niparitaky koa. ⁵³ Ka nanomboky tamin'io andro io la nanao tetiky gny fomba hamonoa gnan'i Jesosy rozy. ⁵⁴ Sady Jesosy tsy nandeha niharihary tegny amin'ireo Jiosy sasy, fa niala teo Ie nagnagny amin'ny tany agnilan'ny efitsy ho agny an-tana atao hoe:" Efraima.Ka nipetraky tao Ie voho reo mpianatsy. ⁵⁵ Sady fa mariniky gny Pasky gny Jiosy, ka maro tamin'ireo ivelan'ny tana ro niakatsy tao Jerosalema mialohan'ny paska mba hagnadio gny vatan-drozy. ⁵⁶ Nila gnan'i Jesosy rozy, voho nijoro teo amin'ny Tempoly nifampiresaky hoe:" Ino ro eritseritsareo? Hoe tsy ho avy amin'ny andro firavoravoa va Ie? ⁵⁷ Sady fa nagnome baiko gny lohan'ny mpisoro voho fariseo fa laha misy mahay gny misy gnan'i Jesosy , la tokony milaza ie mba hanamboran-drozy Gnazy.