¹ " Resahako aminareo , marina , la marina tokoa, fa zay tsy militsy gny vavahady ho amin'ny valan'aondry, fa magnaniky lala hafa, la mpangalatsy voho mpandroba ie. ² Fa zay militsy gny vavahady koa ro mpiaraky aondry soa. ³ Ie ro vahan'ny mpiamby vavahady. Mahare gny feony gny aondry , sady ie mikaiky gny aondriny manoka amin'ny agnarany ka manday gnazy miboaky. ⁴ Lafa namoaky gnazy iaby ie, la nialoha lala gnazy reo, sady magnaraky gnazy gny aondriny, fotony mahay gny feony. ⁵ Sady tsy hagnaraky vahiny rozy fa handositdy gnazy koa, fotony tsy hainy gny feon'ny vahiny." ⁶ Jesosy niresaky gnan'io fagnohara io tamin-drozy, fa zao tsy azon-drozy akory reo raha niresahany tamin-drozy. ⁷ La hoy ndraiky Jesosy tamin-drozy hoe:" Resahako aminareo , marina , la marina tokoa, fa Zaho ro vavahadin'aondry. ⁸ Zay iaby avy talohako la mpangalatsy voho mpandroba, fotony tsy nijanjy gnan-drozy gny aondry. ⁹ Zaho ro vavahady. Laha misy militsy ao amin'ny alalako, la ho voavonjy ie; hilitsy voho hiboaky ie sady hahajery gny fihinana. ¹⁰ Fa gny mpangalatsy tsy avy laha tsy hangalatsy voho hamono voho handrava. Fa zaho koa avy mba hananan-drozy fiaigna sady hana gnan'io lako. ¹¹ Zaho ro mpiaraky soa. Gny mpiaraky soa la manolotsy gny ainy hamonjea gny aondriny. ¹² Gny mpikarama la tsy mpiaraky sady tsy tompon'ny aondry. Laha nahita alika lia mamonjy ie la hagnenga gny aondriny ka hitsoaky, voho gny alika lia manambotsy voho mampiparitaky gnan-drozy. ¹³ Mandositsy ie fotony mpikarama ka tsy miraharaha gny aondry. ¹⁴ Zaho ro mpiaraky aondryy soa, voho haiko Gnahy, sady hainy Aho. ¹⁵ Gny Baba mahay Gnahy, voho Zaho mahay gny Baba, voho zaho maolotsy gny aiko ho gnan'ny aondry. ¹⁶ Mana aondry hafa zay tsy amy toy vala toy Aho. Tsy maintsy handesijo avao koa regny, sady rozy hahare gny feoko mba ho avy andiany raiky avao voho mpiaraky raiky. ¹⁷ Zao ro antony hitiavan'ny Baba Gnahy:" mahafoy manolotsy gny aiko Aho mba handrambesako gnan'io ndraiky. ¹⁸ Tsy misy mangalaky gnan'io amiko, fa gny vatako avao ro manolotsy gnan'io. Mana fahefaha hanolotsy gnan'io Aho, sady mana fahefa hangalaky gnan'io ndraiky . Io lily io la azoko bakamin'ny Babako." ¹⁹ Nisy fizara ndraiky teo amin'ireo Jiosy noho reo safa reo. ²⁰ Maro tamin-drozy ro nireasaky hoe:" mana demonia Ie sady very say. Nagnino nareo ro mijanjy Gnazy?" ²¹ Gny sasany niresaky hoe:" tsy firesaky olo misy demonia io. Moa gny demonia afaky mampihita gny mason'ny jiky?" ²² Bakeo avy gny fetin'ny fanokana tao Jerosalema. ²³ Ririnina tamin'io, sady Jesosy nitsanga teo an-kianjan'ny tempoly teo amin'ny fialofan'i solomona. ²⁴ Bakeo notangoron'ireo Jiosy Iesady niresaky taminy hoe:" Mandrampahovia ro hampisalasalanao gnanay? Laha Iha ro Kristy, la ambarao miharihay aminay." ²⁵ Sady Jesosy namaly gnan-drozy hoe:" Fa nagnambara gnanareo aho, fa tsy mino nareo. Reo asa zay ataoko amin'ny agnaran'ny Babako, reo magnambara gny mahakasiky Gnahy. ²⁶ Kanefa nareo tsy mino fotony tsy mba aondriko. ²⁷ Mahare gny feoko gny aondriko; haiko rozy, voho magnaraky Gnahy. ²⁸ Omeako gnan-drozy gny fiaigna mandrakizay; ka tsy ho maty mandrakizay rozy, sady tsy hisy handrobaky gnazy eo am-pelatagnako. ²⁹ Gny babako , zay nagnome gnan'ireo Gnahy la bevata noho gny hafa iaby, voho tsy misy mahavita mandroba gnan-drozy eo am-pelatagnan'ny Baba. ³⁰ Zaho voho gny Baba la raiky avao." ³¹ Bakeo nangalaky vato ndraiky reo Jiosy mba hitora-bato Gnazy. ³² Sady Jesosy namaly gnan-drozy hoe:" Maro gny asa soa nasehoko gnanareo bakamin'ny Baba. Ka ino tamin'iregny asa regny ro hitorahanareo vato Ahy?" ³³ namaly Gnazy reo Jiosy hoe:" Tsy gny asa soa ro itorahanay vato gnanao, fa gny fivolagnanao raty, fotony iha, olombelo, la manao gny vatanao ho Ndranagnahary." ³⁴ Namaly gnan-drozy Jesosy hoe:" Tsy fa voasoratsy ao amin'ny lilinareo va hoe:' Hoy Aho hoe:' ndranagnahary nareo?" ³⁵ Laha nikaiky gnan'iregny ho ndranagnahary ie, la ho gnan'ia io ro niavian'ny safan-Dranagnahary( sady Soratsy Masina la tsy azo foagna), ³⁶ moa va gny nihamasignin'ny Baba voho nirahy ho amin'izao tontolo zao ro ataonareo hoe:" Mivola raty Iha; noho Zaho niresaky hoe;" zaho ro Anakin-Dranagnahary?" ³⁷ La tsy manao reo asan'ny Babako Aho, la ka mino Gnahy. ³⁸ Fa laha manao gnan'iregny Aho, ndra la tsy mino Ahy nareo, la minoa reo asa mba hahaizanareo voho hahazoanareo fa gny Baba la ato Amiko voho Zaho ao amin'ny Baba." ³⁹ Mbo nikasa gny hanambotsy Gnazy ndraiky rozy, fa nandositsy Ie. ⁴⁰ La nagnagny an-dafin'i Jordana ndraiky Ie ho agny amin'ny gny toera zay nanaovanan'i Jaona batisa voalohany, voho nipetraky teo. ⁴¹ Maro gny olo namonjy Gnazy ka hoy rozy hoe:" Jaona tsy mba nanao famantara, fa gny raha iaby niresahan'i Jaona momba io johary io la to." ⁴² Maro gny olo nino Gnazy teo.