¹ Nahare gny raha iaby nataon-Dranagnahary tamin'i Mosesy vo gny Israely vahoaky i Jetro, mpisoron'ny Midiana, rafozan-dahin'i Mosesy. Reny fa Yaveh nanday gny Israely niboaky an'i Egypta. ² Nalan'i Jetro, rafozan-dahin'i Mosesy i Zipora, valin'i Mosesy, tafaran'ny nampimpoliany gnazy, ³ Sady reo anany roa lahy; gny agnaran'ny raiky la Gersoma, fotony hoy Mosesy hoe: " Fa vahiny tagny amin'ny tanin'ny firenena hafa zaho." ⁴ Eliezara kosa ro agnaran'ilay raiky, fotony hoy Mosesy hoe: " Gny Ndranagnahary gny razako ro namonjy gnahy. Nagnavotsy gnahy tamin'ny sabatr'i Farao Ie." ⁵ Avy nisondry tamin'ny anaky lahin'i Mosesy vo gny valiny tagny amin'i Mosesy tagny an-efitsy zay nivoriany teo an-tendrombohitrin-Dranagnahary i Jetro, rafozan-dahiny. ⁶ Hoy ie tamin'i Mosesy hoe: " Zaho, Jetro rafozan-dahinao, la avy atoy agnaminao misondry amin'ny valinao vo gny anany roa lahy." ⁷ Niboaky hitsena gny rafozan-dahiny Mosesy, niankohoky ie, sady nagnoroky gnazy. Nifagnontany fahasalama ie sady nilitsy tao an-day bakeo. ⁸ Notantarain'i Mosesy tamin'ny rafozan-dahiny reo iaby nataon'i Yaveh tamin'i Farao vo gny Egyptiana nohon'ny amin'ny Israely, reo aly sarotsy iaby nanjo gnazy teny an-dala, sady gny fomba nanavotan'i Yaveh gnazy reo. ⁹ La faly Jetro nohon'ny soa iaby zay nataon'i Yaveh tamin'ny Israely, tamin'ny nagnavotany gnazy reo tamin'ny tanan'ny Egyptiana. ¹⁰ Hoy Jetro hoe: " Ho hengea anie Yaveh, fotony Ie nagnavotsy gnanao teo an-tanan'ny Egyptiana vo teo an-tanan'i Farao, sady nanafaky gny olo teo am-pelatagnan'ireo Egyptiana. ¹¹ Haiko henanizao fa bevata noho gny Ndranagnahary iaby Yaveh, fotony hatramin'ny nandaisa gny Israelita tamim-piavognavogna gny Egyptiana, la navotan-Dranagnahary gny olony." ¹² Nanday fanatitsy oroa sady soro ho an-Dranagnahary i Jetro, rafozan-dahin'i Mosesy. La avy nisafako nisondry tamin'i Jetro, rafozan-dahin'i Mosesy, teo agnatrehan-dranagnahary i Arona vo reo loholon'i Israely iaby. ¹³ Gny hamarainy la nipetraky hatsara gny olo i Mosesy. Nitsanga nagnodidy gnazy gny olo nanomboky gny maraindray ha zisiky hariva. ¹⁴ Lafa nahita reo iaby nataon'i Mosesy tamin'ny vahoaky gny rafozan-dahiny, la hoy ie hoe: " Fa ino zao ataonao misondry amin'ny olo? Nagnino ro iha raiky ro mipetraky sady gny olo iaby mitsanga magnodidy gnanao nanombo maraindray zisiky hariva?" ¹⁵ La hoy Mosesy tamin'ny rafozan-dahiny hoe: " Magnatona gnahy gny olo mba hagnotany gny tari-dalan-Dranagnahary. ¹⁶ Lafa misy disadisa eo amin-drozy, la zaho ro hovojeny. Zaho ro manapaky hevitry eo amin'ny roa tonta, ka mampagnanatsy an-drozy gny lilin-Dranagnahary vo gny lalany." ¹⁷ Hoy gny rafozan-dahin'i Mosesy tagnaminy hoe: " Tsy la mety mare gny raha ataonao. ¹⁸ Ho reraky vatany nareo, la iha vo reo olo zay misondry agnaminao. Mavesarsy mare ho gnanao zao zioga zao. Tsy vitanao raiky io. ¹⁹ Janjigno zaho. Hanoro hevitsy gnanao zaho, sady Ndranagnahary homba gnanao, fotony iha ro solotegnan'ny olo eo agnatrehan-Dranagnahary, vo manday gny alin-drozy eo aminy. ²⁰ Tsy maintsy hampagnanarinao gnazy reo gny lilny vo lalany. Tsy maintsy hasehonao gnazy reo gny lalana tokony handehanany vo gny asa tokony hatao. ²¹ Sady koa tsy maintsy mifily johary mahay avy amin'ny olo iaby iha, la johary zay magnome voninahitsy an-Dranagnahary, joharin'ny fahamarina zay tsy tea kolikoly. Tsy maintsy hapetraky ho mpanampaky gny olon-drozy, mba ho mpifehy arivo, zato, dimampolo, sady folo. ²² Rozy reo ro hitsara gny olo amin'ny raharaha mahazatsy iaby, fa gny tranga saro-baha handesin-drozy agny agnaminao. Gny amin'ireo tranga maliniky, gny tenan-drozy avao la ho afaky hitsara zay. Amin'izay la ho mora hitsara zay. Amin'izay la ho mora agnaminao kokoa, sady rozy hiara-hizaka zay mavesatsy agnaminao. ²³ Laha manao zay iha, sady laha Ndranagnahary ro mibaiko gnanao hanao zay, la hahavita iha, sady gny olo iaby afaky holy agny an-tragno amin'ny fahafaham-po." ²⁴ Nojanjignin'i Mosesy gny tenin-drafozany sady nataony iaby zay iaby nosafagniny. ²⁵ La nifily johary soa laza bakagny Israely iaby Mosesy ka nanao gnazy reo ho mpitariky gny vahoaky, la ho mpifehy arivo, zato, dimampolo, sady folo. ²⁶ Nitsara gny olo tamin'ny tranga tsotra rozy. Reo tranga sarotsy vahana ro nandesiny tagny amin'i Mosesy, fa gny tenan-drozy avao ro nitsara reo tranga maliniky. ²⁷ Ka nagnenga gny rafozan-dahiny handeha Mosesy, sady Jetro noly tagny amin'ny taniny.